我將下體當劍用 做左一名劍客

樓主

樓主失蹤 此po已完

原來樓豬係連登已經有前科

好彩我啲前科留左係舊登

樓豬人頭

休息一日休到唔見左人

大家好 睇來今次人頭不保。
我都無謂諗籍口啦，就同大家講真相啦。
咁就話說，我休息嗰日，就去咗行山。

咁成件事都好正常，但點知啊，行行吓就到咗夜晚，由於我係一個人行嘅關係，我開始有啲驚。

半路上，突然殺出一隻程咬金，咁佢就好凶猛好恐怖，用血紅色嘅眼睛望住我，喂大佬喺香港地有啲咁嘅嘢真係有少少驚。

不過唔緊要，我正職係一個驅魔人，面對呢啲情況我梗係知咩事。

我同佢大戰左三日三夜，功力都就快耗盡，之後咁啱醒起我係連登有故未寫。

即刻開大技收咗佢，然後返屋企覆你哋。

呢個就係點解我冇出文嘅原因。

但係當我返到屋企，入咗一個異次元嘅空間，當堂嚇咗一跳。

之後有位叫三道仙人嘅哥哥仔同我講呢度嘅時間同出邊唔同。

係空間入邊過一百年係等於出邊嘅一日，我真係得啖笑。

咁因為我有好多野未做，咁我就係入邊留咗一百年，而奇怪嘅喺，我竟然冇變老。

咁我見到呢個勢就食住上，一留就留咗二百三十二年。

其中我係入邊修練咗金鐘罩鐵布衫，所以我依家想俾個人頭你哋都俾唔到，我仲修練左九陰白骨爪，令到我日後打文可以準時出。

咁我出返嚟嘅時候，已經看破咗人間險惡，我諗我已經超越左仙人。

所以聽日會繼續出翻文。

至於前科。係因為冇人睇我先冇出

睇緊，快出

睇緊，快出

今晚會出

再冇就jj保證

Pish

「哈！睇來你都有啲自知之明，不過呢就咁嘅，我依家叫小圖，唔喺潔琪！」
她把手叉在腰上，真像一個撒嬌的小女孩！

小蘭自發怒之後就一直在旁邊默默生氣，我走過去她的身邊，並打算詢問剛才她所說的事。
「蘭⋯仲嬲緊⋯？想問吓啱先⋯」話未說完，她就打斷了我的對話。

「冇嬲！只喺唔甘心⋯⋯」她嘟起嘴巴，做出一個招牌生氣動作。
「你已經唔記得曬⋯」

我能看出小蘭是在強忍淚水，但由於自己並沒有任何有關於小蘭的記憶，所以也無從以對。
「你可唔可以講翻之前啲事俾我聽下？」我雙眼堅定，打算好好了解與她的過去。

小圖還在旁邊跟林業敘舊，我就不打擾他們了。
但小圖對林業的言語自然得令人驚訝，是記憶融合了的關係嗎？

小蘭示意我到一旁坐下，她自己又坐在右方，我馬上用我那堅定的眼神看著她，她面上立刻泛起了一片紅暈，還避開我的視線，是有那麼害羞嗎？

「係話俾你聽之前，我想講一個小故事先。」她突然挽着我的手，並把頭倚在我的肩膊上，我並沒有抗拒，因為在這個氣氛之下，就只能將就一下了。

「喺好耐以前，香港嘅其中一個陰陽師家族生咗一個細路女，我暫時稱呼佢做米⋯琪啦！」不用想也知道這個小女孩就是她自己。

「成個家族都認為呢個米琪喺萬中無一嘅超強陰陽師！每一個人都唔敢得罪呢一位細路女，所以佢就喺成長過程中一直都順順利利，因為佢嘅父母權力好大，係某個組織嘅首席陰陽師。」

「咁米琪就自然冇真心嘅好朋友，每一個人都對佢恭敬恭維，完全冇人會接近佢，就算有，都係為咗討好佢父母。」

「米琪好悶好悶，寂寞同孤獨嘅情感令到佢充滿壓力，直至有一日⋯⋯」

「佢屋企突然來左一個啊叔同一個男仔，當然米琪都冇興趣，因為通常屋企來嘅都唔係啲咩好人，一係就刷鞋仔，一係就啲叔伯姨父。」

「咁米琪就自己去咗花園，之後繼續好似之前咁坐係地下自己同自己傾計⋯⋯突然！有個人喺佢後面吱咗佢一下，令到米琪即時尖叫咗一聲。」

「米琪見到係個男仔就即刻發嬲，即時講咗啲平時一定會嚇親人嘅說話『我要同我啊爸講！』。」

「正當佢以為個男仔會低頭認錯嗰時，個男仔竟然話『你咪講囉！我味驚過！』，其實宜家諗翻起，都覺得個時真係好小學雞。」你己經暴露了自己就是那個主角了。

「米琪覺得好奇怪，從來冇人咁樣反抗過佢，然而因為之前萬試萬寧嘅解決方法第一次冇效，一時之間令到佢將積落來的壓力一次過發洩曬出嚟，大大聲咁，喊咗出嚟。」

「大人聽到之後都即刻趕過嚟，但喺奇怪嘅係，米琪爸爸並冇責怪到個位啊叔，反而低曬頭同佢講對唔住，事件到最後都和平解決咗，個男仔臨走前仲同米琪做咗個鬼臉，令到佢一直記憶猶新。」

「由個一刻開始，米琪就一直都記掛住呢個咁特別但又討厭嘅男仔，亦都係第一個敢於挑戰佢嘅男仔。」

「到咗有一日，佢竟然喺學校見翻呢個人，並且同佢同一班。」

「米琪扚起心肝去認識佢，久而久之，佢哋就成為咗一對好朋友。」

我並沒有回想起任何有關於她所說的那種回憶，也沒有印象認識過她，難道，在那個時期發生了什麼事嗎？


「最後呢？佢哋變咗點？」我問。

「唔好急住，佢哋一直都過得好開心，直至去到第三年⋯⋯」小蘭臉露難色，很抗拒回想起過去。

「個男仔⋯突然失咗憶⋯⋯完全唔記得曬同米琪所發生過嘅事⋯就好似無認識過佢一樣！」

「米琪聽到啲咁嘅消息，個心即刻跌咗落最低谷，個種感覺猶如萬箭穿心，成幾個月都無覺好瞓。從此，佢就唔再結交任何朋友，全心只為組織貢獻。」

原來⋯米蘭與我有一段如此令人痛心的故事，難怪對我都毫無防備心啊。
「對唔住⋯我己經唔記得曬。」我只能低聲道歉了。

「原來你都估到個故事主角係我哋兩個。」米蘭重新露出微笑。

「你改啲咁嘅名係人都估到啦！」

「唔理啦。我同你講啊！當我收到要活抓你嘅任務呢我認真嚇親，但又好開心喎⋯因為⋯⋯有得再見返你⋯」她把我的手挽得更實，她那一雙明月頓時壓住了我的臂彎，令我動彈不能。

「我都係喺你失咗憶之後先知你係Boss個孫，難怪之前咁串！」

「你有無嬲到我？咁輕易就唔記得曬同你嘅一切⋯⋯」我問。

「無！一啲都無！我知道唔係你嘅錯，亦都相信總有一日會同你見返面，所以就一直都無怪你。」她又露出了微笑。

但，她越是不責怪我，我就越內疚。

因為，我心不在你那裡啊⋯⋯

我喜歡的⋯⋯是小圖。

大家可能會問「會唔會離咗題？」

故事差唔多會進入第二個主線，就會貼合返個題目，敬請期待。

Push

Pish

樓主JJ不保

樓主JJ不保

慢慢來

因為時間問題，
可能會縮減至每日2000字
敬請見諒

唔好再失蹤就得啦

「喂你哋傾夠味，仲痴到咁埋！糖痴豆啊宜家」小圖突然把我們拉開。

小蘭露出了一個很不滿的眼神看著小圖，感覺到視線的她立刻給以回敬，兩人再次產生了一股氣場，這一對女生果真麻煩！

林業走了過來我的面前，托一托了他那殘舊的眼鏡
「你係咪想知關於潔琪嘅事？跟我嚟。」

他步行到一個貨櫃的面前，在燈光的照射下這物件顯得特別出眾，
「手術，通行，3506。」
只見林業一聲令下，櫃中的大門就分開了，眼前有一條像是通往深淵的樓梯。

「行啦。」他把雙手插入大白袍的衣袋內，並一步一步的往內前進。

兩位大小姐也己經停下爭吵，與我並肩看著這個一片漆黑的樓梯。
「入去？」我優先開口。

小圖並沒有任何懼怕之意，直接往下邁進了。

一旁的小蘭也拿起符咒，跟著小圖一起下去了。

「麻煩。」只能去了。

我們三個就這樣小心翼翼的往內進發，基於沒有燈光的關係，我們只能摸著兩邊牆壁以避免墜下。

不久，我們終於看見了光線，並且進入了林業身處的地方。

眼前有不少的機器與一些巨型容具，就我所看大約是一間實驗室，應該就是大家口中所說的研究所吧，這一個地方雖說是光線充足，但容器上泛出的綠光令整體感覺變得陰森恐怖。

林業正在對一個容具的面板進行設置，我們往前一看，竟發現容具內裝著一具屍體！
其他容具因為太過混濁，所以令人無法知道內裡裝著什麼。

始終大家都己經身經百戰，加上面前的也是屠殺不少人的林業，所以也不會太過驚訝。

「呢副屍體係之前潔琪殺過嘅其中一個人，成四十幾年，都腐爛得七七八八。」
他面露笑容，並說「但有我林業醫生嘅精彩操作！死過都變翻生啊！哈哈哈哈哈！」
「我嘅科技係現今世上絕對無人可以與之相比，準備好做第一派觀賞復活手術嘅人味？？？！！！」

果然是瘋子⋯⋯唉

他按下面板上的紅色按鈕，容具內發生劇烈的動盪，綠色的液體在上下滖動，屍體發生變化，原本經己腐爛的手腳也回復正常，臟器、胸腔、腹部、頭部，全部都己經恢復生氣。

在一輪的變動後，屍體己經變成了一個祼身的男人，小圖目瞪口呆地看著整過程，小蘭則是刻意避開視線。

容具內的綠液被抽光，男人沒有了液體的支撐便倒在地上。

相信大家都清楚下一幕是什麼，對了！便是那個男人緩緩地爬了起來，並驚恐地看著四周的環境，當他看到正在對著自己笑的小圖時，便立刻發了瘋似的大力拍打容器。
「FUCK!!!!!IS YOU!!!LET ME OUT!!!」

他的表情就好像見到鬼一樣，不能想像潔琪在以往給予了此人多大的痛傷？

（以下用中文代替英文）
「嘻嘻⋯咩原來係你啊？當年玩得開唔開心？」小圖像轉了人格一樣，表情行為都與潔琪一致。
她把手放在容具邊，令男人嚇得手足發麻，一動也不敢動。

林業在旁阻止小圖靠近，並對著男人說「馬克斯？」

馬克斯點了點頭，看到了其他人後也安心了下來。
「你係邊個？我唔係己經死咗咩？！」

「唔好緊張，我叫做林業，你俾我暫時復活咗，呢次係想問你一啲往事⋯」