上回講到飛揚回想返年輕時...然後面前就有架波子兜女!
食屎啦!揸波子兜女好撚威呀?!
咁啱肉榮嚟到~就問飛揚做乜咁好火~仲請飛揚食煙添~
飛揚就唔怕老實講話自己無限輪迴地獄...
肉榮唔撚信~仲試鳩飛揚~
飛揚鳩知咩!呢條路線都係第一次行咋嘛!
肉榮都係唔鳩信~認定飛揚係吹水~
屌!而家記住醉酒佬同兩條淫底𡃁妹仔!下次睇你仲有冇得串嘴!
然後就食住煙咁諗食乜好~
肉榮話不如食太興~
『嘩?做Super Hero呀?唔係Tony Stark都食唔起喎...』太興呢間所謂嘅茶記貴撚到吖...
「唔係吖~Eric Kwok都食得起吖~」肉榮擺出一個Iron Man姿勢...
『屌啦...咁係因為佢變咗做Iron Man姐~你試吓佢仲係Eric Kwok?咪一樣食唔起~』飛揚又擺出一個Iron Man姿勢...
「咁唔係食得啲乜?邊個Ban邊個諗~」肉榮又扯多兩啖煙。
『大利啦~』大利都算平嘅~
「執柒咗幾年喇!你係唔係屯門人嚟㗎?」肉榮印吓印吓隻腳...
『吓?唔撚係吖化?大利咁呃水都要執?咁而家嗰度開咗啲乜柒?』飛揚一面驚訝...
大利真係唔算貴,但就出名呃水...
啲料唔多囉...冇乜款囉...來來去去都係嗰啲囉...Cheap嘅嘢但中價囉...
不過呃還呃,佢啲魚蛋麵都真係幾好食嘅...
「開咗間仲呃水嘅咩記...唔記得喇~總之唔係人食㗎啦...」肉榮皺晒眉又答唔出...
『唔係俾人食俾咩食吖?』飛揚又皺一皺眉...扯一扯飛煙...
「五十一蚊一個下午茶餐你話俾得啲咩人食喇?」肉榮一咁講...
『哦~俾蝗食嘅~』飛揚立即明晒~
跟住嘅劇情發展又會係點呢?
準備出文
今晚出完
鍾意嘅朋友記得Like同Share俾身邊嘅朋友一齊J~
有咩記得喺下面留言講~我會一一回覆~