由三國轉玩戰鎚2,玩高精爆咗4次大漩渦都未厭,但玩三國果陣玩完劉備同袁紹應該覺得好悶。
喺度要多謝各位巴打之前教咗我好多高精實戰技巧
第一次玩:泰瑞昂 雙簡單 啱晒新手上路,起手十格城,泰哥又有減維護費,適合新手專注於學習戰場上操作。
第二次玩:泰弟 雙簡單 起始位置好偏僻,地型又唔方便行軍,四圍又多敵人,蜥蜴人、鼠人、吸血鬼海盜... 好考外交操作同決定打邊方勢力先。但泰弟如果升齊技,差唔多可以開無雙咁洗兵,降低咗戰場難度。但我自己感覺泰弟唔係好岩新手玩。
第三次玩:影王 戰役普通,戰鬥簡單。影王我覺得好啱新手第二次玩,因為自動分高,新手可以慢慢試吓點樣係大地圖上運用伏擊技巧,利用最少損失打擊敵人。如果我話玩泰哥可以學到戰鬥技巧,咁玩影王就係可以學到大地圖戰役技巧。而且影王敵人比較單一,就係暗精,新手可以避免同唔同派系作戰,減低操作難度。
第四次玩:女王 雙普通。個人唔係咁鍾意佢個派系特色,開頭未統一全島會窮到仆街。唔建議新手第一次就玩女王。如果要玩,可以試下玩滿編事務官加星龍,練習睇下邊啲個性嘅侍女、貴族同魔劍士係勁,再學習下睇兵牌數值同邊啲裝備抵用。