本來，醫學報告話第二針反應大過第一針，我覺得又好似差不多。甚至依家都未開始手痛添。
我準時十點半到達會場，十點55分就排到打針。流程比我打第一針快好多。而且上次係少人過今日。
比起上次，我覺得班守門口check資料係緊好多。要睇晒我身份証，公司信，職員証，仲有第一針打針紙先放你入去。
由於我上一針同呢針唔同場地，上一個場地好大風，坐得耐會凍。呢個場地無咁大風添。
大家可以為留意下每個打針場地，原來都歸一個醫療團隊負責。秀茂坪個個場係聯合，今日呢個係浸會，原來有d係我唔識名既醫療集團。上次打錯蘇格蘭伯伯針果間九龍灣體育館個集團我就唔識乜水啦…好彩個個場係打科興……
所以，如果比較信賴大醫院既呢，可以打熱線去問下邊個中心係你放心既醫療團隊負責，先去揀邊度打針既。
?
