「MH．Rise」 太刀研究所

另下飛踢 跳起左之後向下插，有時會有多幾下追下傷害，係要踢起後 ZR ?

踢中之前zr先會兜割跌刃
踢中前冇撳就變氣刃buff

你要劍氣升咗上去先得

明白哂

見切 居合一野升2氣 再隨便打下鬼刃大回旋上紅兜個傷害真係同櫻花冇得比
不過街場4人我都係換櫻花揸攤算
4個人成日唔知隻boss打邊個好易判定錯居合見切位置

太刀新手集中post下話 咩研究所
基本野都未搞清楚 用櫻花不如唔好玩太刀
要用櫻花即係刃都未上得到 又冇輸出
人人都話勁唔代表你都用得掂 又要爽又唔想練 無心練都係唔好用太刀啦 唔好入上位場做寄生蟲害人啦

煉金帶納刀 1
冰牙手腳
加埋岩岩好納刀3

新手有啲連兜割都未識出
你打街場寧願要一個新手白刃練空氣兜割
定要一個有低但穩定紅刃嘅櫻花
邊樣害人多啲

直接唔要啦 新手太刀即踢

ching咁勁 dps幾多

Solo 一定飛踢無懸念
團場仲要街場就是鳩但啦 快啲完場我唔想見到你係我面前練空氣兜割

新手玩咩武器都係廢
太刀有櫻花鳩斬都唔低dps仲想點

果啲長槍統槍龜係到吉吉吉唔撚屌既
笛唔吹攻擊up唔屌既
大錘成場隻怪未暈過唔屌既
盾斧超解air又唔屌既
太刀真係日日比你班仆街逼害

叫你地唔好用櫻花，都留低番d出路同改善現狀方法既

其實太刀今集buff個幅度好大，有d野唔係熱門話題，但仍然係非常幫到新手既暗buff


其實唔駛做到sunny巴咁都可以善用太刀既性能

今集既非蟲技替換技，令太刀立回門檻有好大既調低，應該係話新動作以前xx既剛氣刃斬系統上下限都好高

新手最常見既係用氣刃123上刃，途中氣刃3難以見切，所以會有人話，我一唔用櫻花，就成場都上唔到刃，或者打多人時，隻怪冇幾可打我，我又唔夠氣上刃，甚至條龍俾人打到倒地，我一個唔為意冇立即跟埋去，就做唔到上刃+登龍

即係最基本果隻上刃同登龍都有障礙的話，我地可以有兩個思路

1。原本既技能動作，踏步斬，氣刃123
要常態維持可以見切的話，響怪物非大硬直前，唔可以派生出氣刃3，氣刃3有3刀，出招時間長，怪物ai會提高點你名既優先級，所以好多時你會響一個冇辦法應對下既情況下食招，所以維持拔刀，善用突刺，令招式用到老，令自己可以隨時見切，係w既用法

2。替換成無雙氣刃斬連續技
此時氣刃3會改為一文字斬，氣刃大迴旋會改為無雙氣刃斬，此套連續技為xx勇太滿左槽至可以用既動作，當然到左rise有一定程度既傷害同速度削弱，但我認為仍然係氣刃3既上位替換

咁樣既好處係，氣刃2之後，冇氣刃3呢個巨大硬直，換黎既係可推搖桿既踏步一文字，同原地一文字，此時可以接見切同特殊納刀，即係話你會靈活左，罩門少左，上刃招式變左之後既氣刃無傷斬，單發威力大，打點高，位移少，後續用來維持鏡頭控制打點都有幫助，呢點對新手黎講好重要，而且成套出得比氣刃3+大迴旋快，所以你就算響怪物倒地／大硬直時慢少少，都可以打足成套再登龍

缺點係要比氣刃123打法更埋條龍身，但一文字斬有修正位置突進既功能，熟練後可以彌補，而且上限大，唔會話好似換左櫻花咁，令你冇左d手段去提升自己



另外值得一提既係替換技1，拔刀踏步斬替換成拔刀2連，新手成日覺得唔夠氣，可以用此技能替換，先講缺點，拔刀2連打點較低，就係所有缺點了

優點係拔刀2連既拔刀後直到招式進入後搖，你會有一段好長時間既強霸體，幾乎所有攻擊都唔能夠將你打飛，減傷率高於大劍肩撞一倍，用黎撞吼同突入既性能非常之高，而且配套埋兩刀命中有差不多3分之2既氣刃槽收入，好易夠氣就做到之後既上刃動作，1次唔得就2次，係新手極之穩定既氣槽來源

有速納3正常連技下，拔刀2連，特殊納刀，再拔刀2連，一文字，無雙斬，咁就可以由0氣槽上刃，當中拔刀2連有強霸體，可以偷步早出，特殊納刀轉小居合大居合都得，由於小居合有氣刃buff，所以之後會夠氣出埋一文字同無雙氣刃斬，一文字可突進同改變方向，可接見切，新手都輕鬆上到刃

如果你未有納刀3，可以用蟲踢下刺先拎一個氣刃buff，或者搵個位特納小居合拎氣刃buff，甚至做兩次拔刀2連先都得




其實不論呢個po係太刀討論定新手太刀圍爐，
新手有困難，上唔到刃，一句用櫻花啦，真係好懶，其實玩太刀，唔一定要做到sunny巴咁，居合見切都精通，普通氣刃12睇見切上刃，或者用新替換技，都可以好有幫助，留返招兜割，保證傷害，就算你唔能夠野野見切居合，都可以有穩定既兜割，打到條龍係咁撻低

如果話新手想刷素材用櫻花都唔得，咁不如出去主po問人砌咩裝刷素材啦，呢度唔係討論太刀咩?

成日出兜割果陣氣刃槽唔會降同會斬少幾下 係咪出錯咗招 同埋兜割係咪可以用轉視角嚟調整打落去嘅方向？ 定係跳果下已經要瞄準

打咁長會嚇走人
TLDR 換咗除咗飛踢以外嘅兩招替換技 善用氣刃斬上刃而唔係放棄兜割直用櫻花

有一點唔同意 就係用飛踢下刺儲氣
1. 翔蟲太珍貴 成日都上完紅無蟲割
2. 好大硬直比怪撞
情願繼續小居合好過
特納->時間點1->咁上下隻怪都唔嚟就小居+A->時間點2->特納...
如果時間點1有怪飛過嚟就大居合 時間點2就看破
我都唔係咩打機勁人但練熟依個循環就ok

按少咗吓ZR

踢中後小微調可以 通常我都會用嚟瞄頭尾 但大距離就無計

我係for果d連突入都無門既人，所以連招都排埋出黎
有人講到成場上唔到刃咁留1粒蟲受身算啦，用蟲攞個buff換血都叫打到咁囉

新手唔識上刃都係靠櫻花斬上刃

護石抽唔到到弱特2
有粒納刀3迴避1加兩個1洞 插達人珠補數

本身冇諗住出聲 但見到p巴咁認真討論同點我名
我都講幾句
我宜家常駐技能係 1. 拔刀二連 2. 大迴旋 3. 飛踢(兜割)
點解係拔刀二連同兜割 p巴講咗 我廢事再講
我講多少少大迴旋同氣刃無雙
點解我用大迴旋而唔係氣刃無雙呢
因為大迴旋嘅見切後上刃速度快過氣刃無雙
因為我係極少打哂成套上刃體操嚟上刃
好多時都係用見切同居合上刃
但有時都會視情況用氣刃無雙
就係打啲少機會用見切同打點啱無雙嘅龍
雷神龍係最好例子 少見切 + 長期飛下飛下
氣刃無雙嘅打點會好用過大迴旋
簡單啲講 我點分幾時用大迴旋同氣刃無雙 就係
會用見切嚟上刃/輔助嘅 就大迴旋
其他就氣刃無雙

另外再講下最多人問嘅配裝
今代現階段出攻擊嘅收益會大過會心
攻擊4之後 宜家變咗有倍率加成
同埋現階段太難出會心
加上有其他手段加會心 e.g. 會心蝶 戰鬥貓 貓嘅戰嚎會+30%會心
同現階段出超心2再推攻擊嘅收益會大過出超心3
詳情睇TDS Peppo呢條片
已經講解哂 同俾埋點出裝 有哂非洲人同歐洲人版本
https://youtu.be/SlTsl8XZId4

最後我唔係啲咩勁人 純粹係玩太刀嘅時間長
我都係MHW先正式入坑芒亨 之前幾代都係做棄game撚
太刀都係嚟到world先開始練
俾你地睇下 我打Juno嘅過程
就睇到我都係慢慢練上嚟



宜家睇返我World時期嘅片 我都覺得柒
係去到ib之後先好啲
所以唔好話練極都練唔到TA片咁樣嘅水平
你永遠唔知道人地為咗一條片 背後用咗幾多時間練

攻擊4 再夾邊幾樣你認為必須？