「MH．Rise」 太刀研究所

翼蛇身超心1
毒蠍腰弱特2
金獅腳超心2

三件加埋你粒石就滿弱特超心
頭手自己再揀

未開到毒蠍腰
就雷狼頭身
金獅腰腳
一樣滿弱特超心
手隨你

屬性傷害都會受斬味補正影響

同埋弱點特效嗰50%會心，應該唔可以直接塞期望值個會心率度
唔係人人都做到TA片咁，下下中弱點
正常應該係7成左右嘅刀中弱點已經好勁下掛
渾身又係，你嘅計法係唔需要碌，下下都可以用居合斬/見切斬就移啱位斬中弱點
斷估實際上得一半時間開到渾身

再研究下咁點計期望值

是但喇 我數就俾咗你
你要咁駁我都冇計
點砌係你自由

大家點睇怨婦果把太刀

今日試玩過, 下下爆120 感覺幾爽

有弱特2攻2 護石仲要問

你打隻怪/龍，你平時係打咩部位
頭、尾、發光嘅部位90%都係弱點
受到嘅傷害係最大

假設你用普通武器
打頭、尾、發光嘅部位扣50
但打其他部位扣20
咁你會點打呢？
你會唔會追住岩龍啲岩石來打？

咁你無裝弱特又係打呢幾個部位（弱點）
有裝弱特又打呢幾個部位（弱點）
咁一般人都會裝弱特啦

如果你唔睇傷害
只求自由砌裝嘅樂趣
咁又係另一回事
你鍾意嘅，可以砌套靚裝來影相都得

想打同打到係兩件事
下下中弱點已經係TA片啦
以雷狼為例,弱點係好細嘅頭，佢郁少少，打唔中頭
己經係中身/前腳呢啲白字位
如果直接喺期望值計算+50%會心會有啲偏差

唔係人人都做到ta片咁 下下打弱點
咁咪練lo 其實有無弱特 打弱點效益都係大到仆街
只要你係想進步/打得快/玩得好/甚至係入門
你都係一定要追弱點打 所以當建議砌裝ge時候一定係會考慮打弱點
如果你話當大家討論點砌裝 咩好d 計期望值ge時候
一定會考慮追弱點打 除非隻怪好特別例如world炎妃咁
弱點係對翼到平時已經唔係技術問題 的確好難打中 咁先會考慮其他

拉埋隔離輕弩POST嚟講
都有人研究過
攻7貫3速強3 VS 攻5弱特3超會2貫強3
最後得出嘅結論係 攻7貫3速強3 勁啲

貫彈裝弱特本身已經弱智 拉咩嚟講

其實唔洗ta都可以大部分時間中弱點
你拎啲人人都唔同既野黎計數，點樣同你討論
更何況唔中弱點本身事輸出已經好低

主要分別係速強3 你唔好亂用錯例子啦

你要用低技術黎夾硬講你個套高傷d 完全係矛盾

我唔係咩ta高手，但係ib 個陣廿刀紫斬達人藝咪又係咁用
以輸出為大前提一定係咁樣計
如果你想輕鬆玩打唔中弱點都有一定輸出，大可以砌過另一套裝

其實呢樣野響world已經有大量討論

的確係有人會陷入左我打唔到弱點不如唔出弱特既迷思
但核心並唔係弱唔弱點問題，係百爆超心既關系
打白字都會有會心傷害，白字通常低於黃字既2分1，所以即使3刀只有1刀中弱點都會超過冇出百爆超心既組合，甚至大部份情況打白字都會贏，弱特雖然響呢個角度睇係加分，但正正因為弱特同超心及會心率掛左勾令套裝擁有更高既白字傷害呢點已經夠做

就正如上面sunny巴已經列出左兩套既期望值
而會心套即使調低到20%會心率即係唔打弱點打白字，冇貓吹，都會同非會心套持平

而值得一提既係白字傷害太低了，就算提升到大量攻擊，都有排未追到一下打弱點再帶出既1.35至1.4倍傷害，因為白字個基數本身就細

就好似50白字，就算你計埋斬味之類有辦法加到1.2倍既攻擊力，都只係由50變60，提升左10點傷害，而打50白字既攻擊力同時我當有100黃字，再通過弱特超心2後，就有135傷害，多出35點傷害，實際情況只會有多冇少，即係你打3刀白字既傷害提升，都未夠我打黃字1刀既提升


咁就有一個客觀事實，我地既實際戰鬥，究竟出刀多d難，定打弱點難?一個好勁好勁既玩家，可能5刀可以貪多一刀，而其實大家都明，刀數係有極限，斬味系統就係依賴呢個其實係最客觀最確實推算到玩家傷害既條件---出刀數去確立既

相同既武器，相同既技術，要多出3倍既出刀數，比打弱點難得多，基本冇絕無可能發生，再加上會心超會同弱特系統掛勾本來打白字低會心率出來個傷都唔會低於套攻擊既方案

其實結論已經好明顯，我希望透過分析俾返d一早已經有結論既野俾你地睇自己簡，其實技能同招式唔同，並冇技術高低先會發揮既問題，你要話櫻花好過兜割，都仲有少少拗既餘地，capcom係一早計好哂數，好似弱特點解係3格技，因為佢要整到大多數情況下比攻擊更重要既核心技能，佢個基礎就係俾50%機會打1.25倍，大概等於12.5%既期望值，比攻7佔7格位更超值，即係兩刀中一刀弱點響技能格數角度都係抵過攻7，而且仲可以同超心聯動，當然有起步會心幾多既變數之類，但其實都係條死數黎

「想打同打到係兩件事」
我知呀，咁你係咪全程都打腳/身先？
唔識走位？
岩龍夠全身係岩石啦
斬落去就彈刀
咁你係咪全程都打岩石？
唔識捐去佢身下打？
如果你夾硬要兜要駁
我無嘢好講

算啦，唔好再同佢理論
佢嘅前提係打一場90%都打唔到弱點
頭、尾、發光部位
隻怪會郁，佢又唔識走位
完

多謝各位，學到嘢

咁我想問下，如果出埋紫斬之後
會係匠5勁啲，定係都係弱3超會2勁啲

雷狼前腳都好似弱點黎wo
利伸：非高手、但印中數字都係橙色，等指證

假設依家出咗條新龍
大家都唔知邊部分係弱點
頭、身、腳、手、翼、尾、背
正常你打下唔同部位
扣得多嘅一般都係弱點
除非有人on99一定要瞄住扣得血少嘅部位打
否則大家都會走位去打頭、尾或其他弱點部位
利申：我都係非高手

前腳唔係弱點
world先係
除非超帶電狀態

裝同武器都唔知答唔到你喎

如果想玩冰刀/雷狼刀
係咪一定要塞滿冰/雷屬性強化
定係就咁加攻都ok

我都想問，應該係加屬攻強化，定指定屬性指定強化？

應該係「屬性強化」、定「會心擊屬性」