問得呢條問題證明你用緊錢本位思維諗野
呢個亦都係大部分傻散既思維
隻股今日升5% 傻散表示: 爽呀 唔洗做賺左一日糧
隻股今個月跌20% 傻散表示: 慘啦 冇左成個月糧 今個月白做
好多人話我心臟強大 點解上年三月T仔由$900跌返落$3xx都頂得住
其實我唔係心理上頂得住輸錢既痛苦 而係完全冇痛苦既感覺
因為我係用資產本位思考 目標係要儲優質股 我做足晒research知道佢長遠會好成功 十年後睇返咩價位都係低位
我唔係止蝕派 亦唔係SH派
我係資產本位派 係以投資既本質為出發點思考
錢既供應長遠只會有增無減 而優質資產永遠係供不應求
高質企業 長渣五年以上 真係你教我點輸
當然前題係高質企業 班廢老買夕陽收息股做資產本位就係財務自殺
資產本位係資本主義社會既基本邏輯
錢只係用黎買資產既工具
你有冇見過全球十大富豪自己公司股價蝕會話自己蝕錢? 走去止蝕?
你有見過誠哥話自己係SH緊長實?
最後止蝕撚會話 “我夠知啦 咁我止完蝕買返咪可以用同一筆錢儲更多資產囉”
但有冇諗過 如果你係預測到市場短期走勢 你點解冇係跌之前賣晒?
歡迎加入資產本位派
SH了