「日本WH工作假期/留學/生活討論」 (3)

諗唔諗住入藉？

wh簽

有分牌的
你愈高分愈易歸化
（年青 高學歷就是本錢）

少少難 至少考個jlpt先
然後當你做野都要寫報告
所以都要識寫最好

一係高度人才，一係簡易歸化

如果你完全無打算體驗打工，咁你可以一開波就揾正職轉工作簽。
如果想體驗打工，咁玩到visa 剩半年至3個月就開始揾正職轉工作簽。
留意番工作簽 係無得打工 (姐係滑雪場 農場牧場 民宿 呢類都唔做得)

同你調轉，我岩岩係日本申請左英國yms visa

打工黎講完全唔識日文都無問題，但正職黎講 唔識睇日文 應該無咩可能留，剩係面試個part 係過唔到

以為你去祖國5+1

同你同區，到時日本見

有機會，而且入左藉唔洗再膽心居留問題，可以做乜工作/唔做野都得

淨係想係鄉下退休

渣車我覺得Ok

想玩多一排先
始終yms 同5+1性質唔同
雖然我應該都會轉

日本都可以好悶 我覺得最緊要係識到好玩既人 咁悶既地方都可以變到好好玩

入籍要放棄晒原本所有護照 例如BNO
同埋好似話要改姓 改日本名？

介唔介意講下有咩原因揀久留米市？

利申：未去過，剩係知八女茶出名

40歲，N2程度

總係好想去日本生活吓，唔想七老八十先嚟後悔。

Search咗一啲麵包 菓子嘅學校，其實呢啲有無用？

https://search.tsk.or.jp/search/index.php#result

本身對整嘢食有興趣，但同家吓份工係完全無關係，亦無相關打工經驗。

其實係好想離開吓香港，日日睇新聞驚會痴線。難得老婆又話無問題，所以想過去試吓。

過去讀呢啲會唔會太癲？

我同你情況差唔多諗緊點走好
一方面唔想嘥咁多時間讀書，想讀日文夠溝通就算，但係又擔心無特殊技能好難搵工
想準備好啲先走，唔想去到手停口停，但係日日係香港搵錢好似浪費緊時間咁

40歲不如搞經營管理簽證
讀得嚟都40中
應該好小公司會請過40中既新人同仲0經驗
不如你去日本做返本行好過/搞經營管理簽證

你咁講似係會想番黎香港?
如果會番黎 當係去留個學無壞，半年又好 一年又好，我都識人係大阪學整餅
襯後生出多啲去玩 體驗下囉 老左有錢都玩唔陏

過30都已經難
日本大公司好鐘意請新卒 一張白紙慢慢train你。
越後生去個本錢越高

中年真係搞投資簽證移居日本仲好

入藉係要放棄國藉護照
如果你BNO入境就放棄BNO
如果你廁板入境就放棄特衰
如果兩本都用過(旅行入境)亦有機會兩本都要放棄哂。

改日本名係唔需要既,
因為漢字9成都有你中文個名
只不過可能有D字個寫法會唔同左

我未做深層Research 其實都係Up下,
或者去左北海道都唔出奇

我覺得久留米去福岡都唔係好遠, 而且作為二線地區黎講地價較平(雖然福岡本身都平) 但久留米會更加更加平, 岩我Design & Build Dream House

認同, 如果只係係想去體驗下玩下, 咁就去啦, 唔好諗咁多。最緊要唔好令自己將來咩都未試過然後後悔。

咁好
我見d人搞入籍好多都話改個新名
又要符合日本個漢字表要有
應該姓個到就難搞d
如果姓陳 叫大文 ，大 文兩隻字日文都有 都常用既日本漢字黎，唔洗改都得，但個陳字點搞？ 有d姓日本漢字係冇 或者日本個姓氏表到唔常見