【Pixar新作】靈魂奇遇記 Soul 討論區

睇咗粵語 覺得配得幾好有笑位

好睇

人生唔一定達成哂目標先快樂
你見佢演奏完反而冇咩圓滿快樂
可能少啲執著
唔好set咁多目標要完成
人生先唔會咁唔開心
有幾多人真正做到想做既野 又開心
其實好少數

但對於一啲太冇目標 一生冇嘢要追求 但同時又要受着生活壓力影響嘅人 都起唔到咩鼓勵作用

我最想做嘅只係22號咁 無憂無慮咁留喺投胎必修班

因為我覺得本身生命就冇意義，所謂嘅火花都只係自欺欺人，勉強同自己講自己嘅人生唔係咁無意思

劇情唔算好好
但背後既訊息好正
講緊好多人一生，都會set一個目標比自己
覺得做到個個目標，先係會開心，快樂
但其實人生好多變數，跟隨呢d變數去活著都未必係壞事同辛苦（髮型師）
預期去追趕呢d目標，倒不如放下步伐，感受下身邊既事物，感受下身邊事物既變化（22號口中既執生），活左當下，呢d先係生命中最珍貴既地方

讀左都未必俾而家好
有時做人都可能將自己夢想或目標放到無限大
缺陷美都係一種美既形態
玩音樂仲有好多其他可能性

後生仔睇：inside out > soul
中年以上： soul > inside out

邊得咁比
inside out:情緒
soul:活著的意義
無論你返學也好定返工也好，總有過「返學為乜，返工為乜」既諗法，亦都有過情緒控制既時候
唔可以因為年齡而決定成年人卡通既質素

贊同

睇pixar d動畫覺得好睇
但因為自己既性格同人生，每次都無乜觸動既感覺
inside out無乜感動位，coco因為同屋企人感覺唔算深厚，無乜感覺
呢套講珍惜生命每一件事，我自己每日都做緊，好想一路活落去，每日見到自己心愛既人，唔想自己咁快老
所以22號個種搵唔到生命既火花個種感覺又係無乜感覺

哩套其實係大人卡通片，尤其開頭真係幾悶。故事我諗睇到22用Joe個身食pizza果時，都估到佢兩個最後會不和。另外，有一度22吞咗Joe落肚，我覺得果一幕有啲似刻畫咗有情緒病嘅人嘅內心世界，不停放大人對自己嘅批評，而無一樣美好嘅嘢。

我懷疑細路會睇到屌老母

我覺得片頭套兔仔都好好睇
邊睇已經感受到好似讀書戈陣，自己畫完既野唔敢周圍show畀人睇因爲好自卑，天外有天

應該就係講自己曾經都沉迷過打俄羅斯方塊

啲垃圾右膠最撚鍾意victimise白人
乜撚都話政治正確
黑人一定要做壞人
白人一定要做好人
咪又係另一款政治正確

原來剪頭髮隔離個Paul個配音係Snowpiercer入面個煩膠黑人主角，聽到把聲都嬲

今日睇咗，後段真心感觸落淚

最感觸個位係joe 成功去完台上演出
達成咗咁多年以來的人生目標
反而係佢臉上帶住一份空虛
佢係地鐵到望住自己的倒影
就好似心諗：原來呢個就係我一直以來既人生目標？
我達成咗啦，咁之後呢？
之後番到屋企，佢望住22號拎嘅物件
「即興」咁作一首歌，然後回憶番以往好多事

我就係呢個位喊咗，
佢回憶番以前生活既鎖碎片段
感覺上表達緊 佢咁多年黎 「執著於音樂」
無好好享受/細味到 生活中好多時刻
然後畫面縮細去到成個城市、
成個地球，再去到成個宇宙
我諗係想講，原來我地執著既野 係咁渺小

執著一樣野，同時意味住要放棄一樣野
套戲有個位話 迷失既靈魂 同 專注享受既靈魂 只係一線之差

我既體會係，
應該放低太多既執著，因為執著會令我地迷失，
會令我地過度追求結果，而忽視過程
咁樣我地可能會錯過好多 好多值得細味既事

追求結果，同時都要享受過程，放下執念，好好細味生活

睇完
睇到喊晒

呢套好過inside out
Inside out都睇到喊晒
但inside out頂多係有童年回憶 touching位
反思冇咁多
呢套直程係火花 人生目標 最後點去過每一日

Coco就難d比較
但coco故事性更強 又有twist位
個人覺得coco略勝

睇完覺得麻麻地
有啲平淡或者套戲就係想叫我哋享受平淡啦

想問下個大海比喻即係點，同埋22個火花具體係咩，係咪就係要感受人生每一分一秒身體每樣事物