【Pixar新作】靈魂奇遇記 Soul 討論區

因為感動人心既從來都唔係說教
而係你見到摸到感覺到既一事一件，親身既體驗同見證

好好睇 好大感觸
睇完諗起呢句歌詞「讓我對這世界好奇」

留名
好好睇好似睇緊以前迷失方向嘅自己咁
覺得好睇過COCO

推

覺得一般 說教太重 忽略咗整體故事
類似嘅Coco好好多

睇到後半幾個 sense 都喊咗出嚟

係咪越有經歷嘅人會越感觸

22間房牆上有好多之前導師既貼紙，見到有Albert Einstein
想睇下仲有咩人

最後Joe搞得掂佢都係因為佢跌左落地球
感覺到微不足道既美好 搵到自己既spark

覺得好好睇
過去一年多左好多時間煲劇 做好多無聊野
但有時又會覺得自己好廢
不過有時又會安慰自己 今日唔知聽日事
其實只要開心健康 可以好好感受生活就夠
睇完之後就會覺得好中 更加可以相信自己諗法

sense

唔好意思
一早睇完狂舞派
尋日先得閒睇soul

導演咁樣解釋重生嘅原因

犧牲自己的機會
落地球既通行證明明就係22號既
就算佢跳返落去terry都可能因為條數唔啱再捉多次

佢做既好事應該就係令22號感受到火花
好彩佢最後都補救到
如果唔係22號就因佢而成為迷失既靈魂

係唔係我份人太消極

明白佢想講嘅message 要活在當下 感受生活 每件嘅小事物都係火花

但對於我黎講 呢啲生活中嘅小感動 eg.食到好味嘅嘢、睇到好靚嘅日落 只係平凡沒趣嘅生活中嘅一點「小慰藉」

生活中見到呢啲嘅小感動係會安撫左心靈少少 但都唔足夠彌補到現實生活帶嚟嘅唔開心

如果我係22號 有得喺投胎先修班無憂無慮咁生活 唔憂錢唔憂吃喝唔使返工 我一定唔會落地球

分享吓我嘅諗法。我覺得識得欣賞「小確幸」嘅人，係因為佢哋本身生活條件唔差，已經達到一定幸福感，所以先可以為小慰藉（一杯咖啡、一首音樂）而開心。

但如果一個人生活中有「大事」click住咗，例如：錢、事業、愛情 、健康，基本生活都未settle，仲邊有閒情諗其他。尤其是香港呢個社會咁現實，住屋同經濟已經煩咗唔少人。

齋講部電影
pixel一貫嘅完美處理，有啲得意嘅想像（死後世界），輕鬆處理攞啲人生大topic （性格點嚟），好多得意detail 位
不過電影節奏我覺得麻麻，好多位都去得太快，我未完全投入到就已經轉場（探索死後世界／變成貓／同阿爸嘅回憶／幫22變返正常）

對我嚟講，30幾歲人，有啲好想要嘅嘢／人得到咗，有啲好珍惜嘅嘢／人失去咗，依部電影反而好似話我知，一切都係鏡花水月；正如你唔會知道堅持多幾耐先會成功，您可以選擇繼續，又或者抽身都可以

起碼睇完有感覺但唔沉重，算係咁

um，其實我反而覺得個主旨唔係「活在當下」呢
活在當下其實係要你唔好煩憂咁多未來嘅野
但Soul講個樣野係話俾你聽人生唔係得一種有意義嘅活法
姐係世界大部分人都覺得有意義嘅人生係要好有衝勁，好有目標目的先叫有意義
但其實點解單純想係世界體驗一遭就要俾人指責無大志無生命熱情呢？
每一樣野都想細細體驗同感受，已經可以係個意義呀

而覺得唔開心時可以思考下係咪自己太執著於某啲野，變左做迷失靈魂，release yourself啦

唔好睇22 號同joe有幾struggle, 睇黑人barber. 佢就係Pixar 話你聽點樣係搵到火花.

唔係達成到目標, 而係就算生活有無達成目標, 有困難都好, 你都要對自己既生活有熱情. 有一日你會發覺就算同自己一開始既目標有偏差, 睇返原來而家既生活都好有意思 (反照就係一開始既joe, 如果佢都可以享受教樂團既工作, 可能都搵到佢自己既火花, 不過joe 就太鑽牛角尖佢一定要成為一個出色既jazz 琴手! 反而忽略左生活中各個細節, 最後去到great before 睇返自己既一生都覺得係無意思)

愚見

你地睇粵語定英語？ 粵語會唔會好怪？

我覺得同套美劇the good place 有啲啲似

都係，其實佢啟發咗個靚妹而不自知，相反佢以為飛髮佬係佢知音，但其實對jazz冇乜興趣 (同埋都有少少埋怨「你從來唔關心我」)