幾好笑
本來想搵番D日子答你,但點知發現左個更加嚴重嘅問題。
呢套戲真係好恐怖,恐怖在邏輯謬誤,細節問題層出不窮!
嗱,就咁嘅,先由第一次重整時間線後講起,
老竇帶女主去大屋搵神婆,因神婆冇喺地產公司出現,而呢日係幾時呢?
最簡單,呢日就係癲婆殺女主老竇果日。
後嚟由新墳墓死亡日期得知係
1999年12月11日!
咁大家睇左戲都知,老母見老公同個女咁夜唔番屋企,就當晚去果度搵差人幫啦。咁差人見有個老竇帶住個女,只係老母唔知佢地喺邊就HEA攪啦。但有個好心差人決定陪老母去大屋睇吓。
問題出現!
時間一跳就跳左去12月31日!!!
如果呢樣係成立嘅,咁老竇同個女就失蹤左20日!!20日就唔係小差館啦!肯定變成大規模搜查啦!而大家都知套戲並唔係拍兩父女失蹤20日,而只係半日度,所以只得一個地方小差館嘅差佬幫。
而女主係知道癲婆殺老竇果日係1999年12月31日,所以佢搵果日嘅意外現場做陷阱
所以後來女主見到自己老竇個墳寫死於12月11日,應該好奇怪至係。不過你真係唔可能要求冇邏輯嘅導演同編劇識得處理架喇。
我得一個問題問你,
女主老竇被殺亦即係約神婆去地產公司果日,到底係12月11日?定12月31日?(你答左我再話你知當中更恐怖嘅邏輯問題)