《The Call：超時空通話》| 正式預告 | Netflix

咁就直頭唔會有戲做

我原本都係睇呢d戲唔會太多深入 爽完就算
但睇左你呢段 真係最好嘅解釋

但的確有啲位 我睇完都覺得有啲位解釋唔到

例如99年巫女用火燒癲婆個陣，19年女主都見到啲火。呢啲位真係bug

呢個位我會理解做係主角因為童年陰影而出現嘅嘅幻覺
呼應返之後帶出正正就係因為主角細個玩火錯手害死咗自己阿爸

反而我覺得bug位係最後阿爸嘅死亡日期, 墓碑上面寫住係12月11日
但99年阿爸比癲婆殺死之後, 19年嘅同日因過去改變, 阿爸喺副駕位消化
呢個時候主角應該已經意識到癲婆喺99年殺死咗阿爸
同日聽返癲婆電話之後就開始計劃反殺佢
但佢下晝搵嘅舊新聞竟然係搵1999年12月31號嘅新聞
而當日的確係31號冇錯,因為癲婆死唔去之後返到屋企, 同一晚差佬同女主阿媽就搵上門, 然後進行終局戰 (當時有電視直播除夕倒數, 所以肯定所有嘢都係同一日發生而當日係31號)

所以我理解唔到點解阿爸死亡日期會寫12月11, 我情願當係劇組人員手誤寫錯算

而家先醒起原來係燃燒樂園個女主角

啱啱再開返套戲嚟睇下
套戲播到1:09:45左右
99年癲婆殺完女主老豆行近女主嗰陣
左上角牆上面有日曆顯示31號
咁就肯定唔存在佢11號殺完女主老豆再禁固女主直至31號差佬同老母上門呢回事
所以都幾肯定片尾老豆墓碑個死亡日期係錯

bug就一定多
但自己覺得既係第二個結局都應該唔會發生，只係 夢 或者 幻想 或者 導演嚇鳩你
發生既話就係電影大bug

前設一 - 兩邊既時間線係同步推進緊，就算改變過去都唔會令現在既時空時間倒流
前設二 - 兩邊時間流逝速度一樣，詳見爆炸果下（雖然唔合理，爆完即刻打到比佢）

開始時間 - 用4分鐘果陣既電腦睇應該係2019-02-12 2:51pm
1999-11-17 前兩日 時間未知，但因為後續電影推進（爆炸五點之前打電話日）理應一樣

每次改變過去，無論點改，受傷點都好，女主都會
1. 換衫同髮型同妝容
2. 係原地 （即使渣緊車都係原地，改變左理應唔會出現有架車比佢渣，所以可以肯定既係點都會係原地）


睇返個第二結局
假設一 - 英淑打比過去既自己係發生係女主去搵佢之前
原則上可以係即使英淑打左返去都仲係比人搶左電話，之後女主先黎搶電話同改變時空之後駁返第一結局

但係結局都係唔會出現女主比人軟禁

假設二 - 出現係女主掃墓之後
無可能，原因有好多
1. 如果佢死渣住左部電話，唔應該仲係跌落樓（因為唔會有老母係二樓鎖住自己爭執）
2. 女主同老母理應同步消失，因為時空係同時改變
3. 由於原地法則，應該點都係原地
4. 兩邊時間流逝速度一樣，比人推左落樓就係推左落樓，無可能可以打到返再前幾十分鐘既自己
5. 就算第4點成立，果個咁靚既地下室既環境配合既時空唔應該係咁廢墟既屋
6. 朴信惠比人軟禁完咁多年仲係咁靚女點得架

唯一可以講既係，被軟禁既朴信惠的確換左衫
不過我第一時間都係係度諗，點解佢唔係第一時間去搵部電話係去掃墓咁on9

再補充就係另一個bug係成套戲都只可以過去打比現在，雖然無明提過，姐係兩種可能

1. 現在打比過去
你要咁玩吹你唔漲，但係你最尾先打破呢個設定好撚on9

2. 過去打比現在
我就當現在英淑係無自己過去既記憶（同女主一樣）都仲解釋到既，但佢地好似好熟咁傾左好多次電話叫現在英淑打聽自己點受傷，其實都係駁唔返女主既時間線（因為女主係掃墓之前理應係持有電話果個，佢只可以係掃墓呢段時間用到呢個電話，比盡咪傾左兩個鐘，其實用返上面時間流逝一樣既假設其實都係打唔到比現在既英淑，因為過去英淑既時間線已經行左郁左，佢應該要已經跌左落去了）

其實兩個英淑傾電話呢幕好多人比導演fake咗

「正片」中長髮英淑與某人（最後「彩蛋」確認是1999年短髮英淑）通電的片段，緊接著1999年短髮英淑給警察開門，在「正片」播的是「刪剪版」，但片尾「彩蛋」播放的卻是「沒刪剪版」，即觀眾可以看到電話對話到開門的完整過程，這其實是同一段情節，只是分開播放而已。


唔係墮樓後先再傾電話，傾電話係發生喺開門比差佬同女主阿媽之前

所以都係唔會出現被軟禁結局
至於老母消失有機會係從來無出現過（女主有幻謊症會呃自己，太遠睇唔清係咪真係有戴著老母比既圍巾）或者導演玩野fake你真係改變左

睇過d影評，我都係傾向臨尾係導演用黎嚇人/幻想
所以我覺得導演畫蛇添足，其實happy end已經好好
全鐘瑞跳落樓既姿態係全骨折，下半身已經郁唔到點救都唔會救得返，根本無可能聽電話照指示就救到佢
其實臨尾朴信惠同佢老母見返面既時候，再比多d對話佢地煽下感情成套戲都已經幾完美
可能新仔導演想引起多d話題先整d懶係open end出黎

兩個女主都做得好好
朴信惠carry到呢d角色擴闊戲路
全鍾瑞燒失樂園個時已經好好，但燒失樂園始終太文藝，唔會令太多觀眾識到佢，今次呢套戲希望多d觀眾知道有呢d咁好戲既新演員存在

其實佢最尾要你估 有幾個ending 個個睇法唔同

有幾個答案
1其實佢精神分裂 所有野都女主角做
2一係就個奸角醒番之後格左一晚先殺埋佢老母
3奸角醒番之後離開左間屋

點解唔會？只要99年英淑無死無坐監，
女主就會出現被軟禁個結局

呢part睇到勁嬲
有無咁on9

咁講真人地救左佢老豆
咁大個恩點都要還嘅

但當時佢已經知道對方殺咗阿媽同士多啤梨叔叔啦喎

其實冇乜好討論
女主已經救左癲婆條命先，癲婆報恩至救女主老土。
根本已經冇拖冇欠。

係癲婆救女主老豆在先，女主之後先話比癲婆知佢老母會殺佢

重點都係一個
一早已經一命換一命
兩者已經冇拖冇欠。

咁講叫做講得通少少
但假設殺人犯個下真係未死，起返身殺返佢呀媽
咁點解未來女主個邊個殺人犯會消失左，間屋企仲要廢置左佢唔係應該繼續係間屋到？你話可能比人拉左，但女主又比佢捉著左，即係無比人拉到啦

跟著過左某段時間（拜山個段），個度比盡咪幾個鐘時間，未來突然改變左，即係過去既呢段時間有樣野trigger到令到未來改變左，而係呢套戲入邊既trigger point就係有人傾咗電話教左殺人犯做乜d野先改變到
咁既話問題又黎，殺人犯係呢幾個鐘入邊仲可以打俾邊個或者有人打俾佢黎救佢？

所以點諗我覺得都係bug
佢個時間logic係成套戲都仲還可以接受
但去到最後一分鐘完全係將個矛盾放到最大

喂大佬時空未穩定呢樣野真係好難說服人
佢之前既劇情一直都係即時見效
同埋時間有咩穩定唔穩定佢個下真係未死，咁未來就係未死，相反個下係死左，未來就死左架啦
乜有得死得唔夠穩定所以個未來睇著黎變？

巴打心水清
咁多個留言最buy你
根本佢跌左落去之後就算打到電話仲有邊個可以救佢
「打電話」呢個trigger point唔發生，又點會無啦啦改變左未來

可能我用穩定呢兩個字唔合適la
我意思係兩個時空係同時正向流動
而加個世界會受二十年前個刻影響
但十九年前嘅事因為係「二十年前」嘅世界仲未發生
所以唔會影響到「而加」「住」
我理解係二十年前個一刻發生嘅事會影響而加以後嘅事
但二十年前加一個鐘嘅事唔會影響「而加」「住」
因為個一個鐘相對於二十年前係「未來」一小時
所以要兩個世界都同時過多一個鐘
先會影響到「而加」（一個鐘後）
個世界觀係唔make sense,但導演就係用呢個世界觀拍
如果唔係點會癲婆臨斬落女主個一下先消失
係就一早消失左
或者通第一次電話就完左全家死曬女主比人捉左冇曬中間個d情節