《The Call:超時空通話》| 正式預告 | Netflix

363 回覆
31 Like 9 Dislike
2020-11-30 00:26:46
成個次序好次係
隔世救未來-->超時空來電(THE CALLER)-->呢套
中間隔左一套抄隔世嘅簡化版西片。
2020-11-30 00:31:25
咩邏輯?
聽完個電話,身體堅硬度會強化到由有事變冇事?況且間屋都俾警方查封做案發現場,電話拎晒去做證物啦。
2020-11-30 00:33:25
其實最後死左幾多人都冇野
因為最後結局一定係痴線婆後母得知個女係痴線嘅所以殺左佢
因為呢件事已經發生左
應該係最後主角搵到方法話比佢後母知
2020-11-30 00:33:39
好似唔係如果
係已經打左
結局就女主角gg
2020-11-30 00:33:52
其實咁拍都唔合理,
如果一個細路女二十幾年都俾人困住,咁唔會再有果種驚恐表情啦。
一早變左死魚眼,冷酷冇表情。
2020-11-30 00:39:42
其實呢
如果跟番佢原作果套西片,
講女主其實有黑暗人格,只不過殺完老竇後隱藏左。(好似撒卡咁)
然後現代癲婆刺激到令女主嘅黑間人格出現番,反殺癲婆。會過癮好多。
2020-11-30 00:47:58
上面大把人講左
聽完電話,身體唔通會鋼質化?之前跌落樓會死。聽完電話都會死。因為身體強度冇變。
2020-11-30 00:51:54
關於BUG,我唔想話係BUG,但套戲完全冇邏輯交待過嘅問題如下。
第一次改變時空後,女主仍在自己房中,只是房入面的擺設及自己造型唔同。呢點好容易理解,因為女主放假在自己房好合理。

但問題係第二次時空轉,女主和父親駕車,這一場完全莫明其妙,女主已和癲婆反面,咁女主仲有心情同老竇學車?女主冇諗過癲婆會搵佢屋企人報仇嗎??女主係2020年人,由回到未來開始咁多時空片,女主真的一套也沒看過嗎?佢仲有冇人類基本應該有嘅智商?講真完全無法同情女主,說回正題,點解女主會喺隧訓?女主老竇死左點會令女主行入隧道訓覺?
好喇,實有人話係即時轉變所以女主身處的地點不變。
咁問題係女主點解係訓喺地?而唔係保持坐在駕駛座的坐姿坐在地上?

跟住舊大屋竟然仲有叫書妍接電話嘅字留低?點可能???仲有間舊大屋條電話線仲駁住?部舊式屋內用無線電話間電仲有?二十幾年無晒電啦!

以上問題好重要,因為一改變時空,好多野都會重置。
照道理,老竇死左喺果間屋,正常一係早早賣左俾人,一係就好似女主最初去果間屋度咁。

另一好討厭嘅地方就係角色永遠唔會企喺有利自己嘅位置,例如女主,佢等到佢老母個電話,咁反正係無線電話,咁梗係拎起再背靠牆,或匿喺一角,留意入口位置。背門大露?想點?
而且冇可能叫阿媽做媽,正常都度好段提示說話,例如:「妳唔駛理我係邊個,我有情報,請冷靜不要出聲。呈英淑殺了妳丈夫,妳個女俾佢困住。不要在呈英淑面前說,偷偷和警察組織人手突襲救人。」由於一早已留意入口,所以女主可以不被偷襲。

最後決戰,出現3次背門大露???唔駛冇橋到咁掛?第一次女主賣背脊俾現代癲婆,第二次差佬,第三次老母!服了!!

另外又講講癲婆,殺左廿幾年人都仲係打婆仔交?????吓??
照道理殺左廿幾年人,迎戰技巧應該係職業級,即係兩三招可以打到女主脫骹又或者隨身有彈弓刀制人於死或挑斷女主腳跟。

最尾一場,其實即係第三次重置啦。女主你跑嚟跑去做咩?你部手機呢?睇吓CONTACT LIST你老母喺唔喺度咪得。上網查吓舊新聞啦。而家單野仲哄動呀!

至於最尾果種,係美國B級片OR C級片手法嚟,可能係鬼佬俾左意見,效果就係令套垃圾戲變成垃圾都不如!倒扣一億分!

未睇嘅唔建議睇。完。
2020-11-30 01:10:25
你查下佢繼承者們既腳就知
2020-11-30 01:25:12
好廢 寫到個癲婆無敵咁

第一 爆炸正面食晒一d燒傷都無 仲堅到食完個豪火球術仲可以即刻返去
第二 個差佬廢到俾人斬左野就收皮 癲婆二樓跌落來抝撚晒頸都無事
第三 一個警察失蹤左完全無人去搵咁on9

最搞笑係個童年女主角擺到明係誘伏個老母 佢老母係完完全全上當 見到個女就唔記得個癲婆

個編劇係咪TVB出來
2020-11-30 01:48:53
就咁睇套戲已經設定左時空係單綫性,冇平行分支
理應死左之後唔會再存在未來嘅自己先係
咁嘅設定癲婆根本係bug
2020-11-30 02:21:36
最尾嗰癲婆望嗰一眼得人驚
2020-11-30 07:54:35
韓國套劇集Signal都係抄呢條橋
2020-11-30 09:01:04
2020-11-30 09:08:12
點解石油氣果到炸唔死個痴線婆?
2020-11-30 09:24:14
2020-11-30 17:58:17
因為女主唔知會有狗吠引左癲閪出屋
癲閪係屋入面死9左啦
2020-11-30 18:15:58
一開始個女仔成日打去善希度求救
話佢老母想殺左佢 間雜貨店就係叫善希
所以佢原本以為英淑係比老母虐待既乖女
個老闆娘有燒親疤痕套戲好似冇交代?
2020-11-30 20:56:50
之前美劇咪出過套Frequency都幾正,好可惜一季就比人cut咗
2020-11-30 22:39:51
咁一樣唔通,因為唔會出現女主見番老母嘅時空,而係直接跳入去困住嘅時空。

而且成套戲嘅原本設定就好怪,唔知點講得通。問題喺買屋果度。
原時間線(紅字為不變)
女主一家3口去賣屋--->女主見神婆同癲婆--->女主屋企火燭老竇燒死-->神婆殺癲婆被捕
究竟喺原時間線上,女主老母仲點向神婆買間屋???
當時女主老母死老公,仲有閒錢同心力去買屋開農場????最重要係明知果間屋死左人,仲買??????(唔清楚韓國人文化,係咪明知間屋死左人同自己有屋企人過身,都會走去買間兇宅,仲有錢都唔會再咁做啦!)
而且好快神婆已經被捕,點向一個已經被司法拘留嘅殺人犯買屋?(唔識韓國法律,有冇高手知)

而第一次改時空後,
女主一家3口去賣屋--->女主見神婆同癲婆--->-->癲婆殺神婆同士多啤梨人之後被捕
一樣嘅問題甚至更嚴重,究竟女主老竇點買間屋?
好明顯間屋業權係神婆,所以老竇仲要同神婆喺地產度見面,咁神婆冇出現而老竇帶女主去間屋見癲婆當一樣發生,唔同嘅係喺癲婆被捕時間線度,癲婆冇殺女主老竇。
但問題咁即係代表老竇冇可能買到間屋!因為有業權嘅神婆已死,而癲婆冇幾耐就被捕。咁之後癲婆喺屋度殺左兩個人嘅事就通晒天,咁正常人都唔會再買間屋啦!

根本任何一條時間線,無論老竇有冇死,都冇可能會買間屋。
個古連最基礎嘅設定都有問題。

原作電影係講女主離婚後急急搵平租嘅屋搬,簡單同合情理好多。
2020-11-30 22:42:31


咁樣會觀眾易接受啲
其實咁拍都唔合理,
如果一個細路女二十幾年都俾人困住,咁唔會再有果種驚恐表情啦。
一早變左死魚眼,冷酷冇表情。
咁一樣唔通,因為唔會出現女主見番老母嘅時空,而係直接跳入去困住嘅時空。

而且成套戲嘅原本設定就好怪,唔知點講得通。問題喺買屋果度。
原時間線(紅字為不變)
女主一家3口去屋--->女主見神婆同癲婆--->女主屋企火燭老竇燒死-->神婆殺癲婆被捕
究竟喺原時間線上,女主老母仲點向神婆買間屋???
當時女主老母死老公,仲有閒錢同心力去買屋開農場????最重要係明知果間屋死左人,仲買??????(唔清楚韓國人文化,係咪明知間屋死左人同自己有屋企人過身,都會走去買間兇宅,仲有錢都唔會再咁做啦!)
而且好快神婆已經被捕,點向一個已經被司法拘留嘅殺人犯買屋?(唔識韓國法律,有冇高手知)

而第一次改時空後,
女主一家3口去屋--->女主見神婆同癲婆--->-->癲婆殺神婆同士多啤梨人之後被捕
一樣嘅問題甚至更嚴重,究竟女主老竇點買間屋?
好明顯間屋業權喺神婆度,所以老竇仲要同神婆喺地產度見面,咁神婆冇出現而老竇帶女主去間屋見癲婆當一樣發生,唔同嘅係喺癲婆被捕時間線度,癲婆冇殺女主老竇。
但問題咁即係代表老竇冇可能買到間屋!因為有業權嘅神婆已死,而癲婆冇幾耐就被捕。咁之後癲婆喺屋度殺左兩個人嘅事就通晒天,咁正常人都唔會再買間屋啦!

根本任何一條時間線,無論老竇有冇死,都冇可能會買間屋。
個古連最基礎嘅設定都有問題。

原作電影係講女主離婚後急急搵平租嘅屋搬,簡單同合情理好多。

打錯字,買屋。
2020-11-30 23:54:14
迷信老母同淑英講

你未來引起更多死亡

如果係因為迷信老母都係從手機得知
未來淑英係殺人犯先殺佢

會好好多
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞