我點止一句呀?
解釋左一大輪喇。
你真係奇怪。
又用另一方式同另一件事解多次。
第一次改歷史之後,全部人齊晒係咪?包括士多啤梨人。
你唔好俾佢嘅拍法影響。你要攪清過去癲婆做嘅任何事都係20年前嘅事。
對於現在嚟講,一切已經發生晒,仲係20年前發生而唔係平行發生!我好清楚你就係俾套戲嘅拍法迷惑左,所以唔明套戲當中嘅邏輯錯誤。
總之,如果士多啤梨人20年前死左,就一早死左,行出廳唔會見到佢。見到即代表20年前冇事。
仲有一般嚟講,時空改變都係由改變工具引致,例如時光機,
呢套戲就用電話,過去嘅人由未來得到本來冇嘅資訊跟住改變事件方向。
但士多啤梨人同癲婆嘅相遇一早已經包左喺第一次改變之後。如果係死,改變之後就唔存在。存在即係冇死。(要記住所有事係20年前發生,如果你話癲婆收到未來資訊要殺士多啤梨就話啫,但成件事冇電話喺入面就完全唔通架喇。)
呢套戲嘅邏輯謬誤真係太嚴重喇。
咁令到後一個鐘頭所有角色好似npc咁,用嚟觸發事件,冇晒完整嘅血肉。
例如第一次改時空,老竇老母見到女主後,講多幾句一定會發現奇怪地方。因為女主冇20年幸福生活嘅記憶,性格,學歷,談吐都唔會係新生時間線父母認識果個。不過呢套戲粗疏到咁,又點可能要求有呢d位。