成個次序好次係
隔世救未來-->超時空來電(THE CALLER)-->呢套
中間隔左一套抄隔世嘅簡化版西片。
咁一樣唔通,因為唔會出現女主見番老母嘅時空,而係直接跳入去困住嘅時空。其實咁拍都唔合理,
咁樣會觀眾易接受啲
如果一個細路女二十幾年都俾人困住,咁唔會再有果種驚恐表情啦。
一早變左死魚眼,冷酷冇表情。
而且成套戲嘅原本設定就好怪,唔知點講得通。問題喺買屋果度。
原時間線(紅字為不變)
女主一家3口去買屋--->女主見神婆同癲婆--->女主屋企火燭老竇燒死-->神婆殺癲婆被捕
究竟喺原時間線上,女主老母仲點向神婆買間屋???
當時女主老母死老公,仲有閒錢同心力去買屋開農場????最重要係明知果間屋死左人,仲買??????(唔清楚韓國人文化,係咪明知間屋死左人同自己有屋企人過身,都會走去買間兇宅,仲有錢都唔會再咁做啦!)
而且好快神婆已經被捕,點向一個已經被司法拘留嘅殺人犯買屋?(唔識韓國法律,有冇高手知)
而第一次改時空後,
女主一家3口去買屋--->女主見神婆同癲婆--->-->癲婆殺神婆同士多啤梨人之後被捕
一樣嘅問題甚至更嚴重,究竟女主老竇點買間屋?
好明顯間屋業權喺神婆度,所以老竇仲要同神婆喺地產度見面,咁神婆冇出現而老竇帶女主去間屋見癲婆當一樣發生,唔同嘅係喺癲婆被捕時間線度,癲婆冇殺女主老竇。
但問題咁即係代表老竇冇可能買到間屋!因為有業權嘅神婆已死,而癲婆冇幾耐就被捕。咁之後癲婆喺屋度殺左兩個人嘅事就通晒天,咁正常人都唔會再買間屋啦!
根本任何一條時間線,無論老竇有冇死,都冇可能會買間屋。
個古連最基礎嘅設定都有問題。
原作電影係講女主離婚後急急搵平租嘅屋搬,簡單同合情理好多。