[紅葉。基友。京阪奈]兩個小生去日本7天團

平等院表參道行到尾就係宇治川邊
有條橋橫過宇治川，叫做宇治橋
但唔好睇少呢條橋，佢係日本三大古橋之一，始建於646年
不過你地都見到呢度附近好多山，條河又闊
所以好易有大洪水，當年既木橋都沖爛左唔少次
而家見到呢條橋已經改建左做石屎鋼筋橋黎行車
之後整番啲木板裝飾扮番當年個樣




返京都駅拎行李之前我要係木幡駅落車買野
JR同京阪電鐵都有木幡駅，2個站相距都係幾分鐘路程
京阪電鐵宇治駅過左宇治橋就到
橫掂車費差唔多，我又未搭過，就梗係揀佢黎搭



為左照顧啲外國人唔駛記啲超長日文既站名
好多鐵路公司將啲站makr number等佢地方便啲
但係京阪電鐵唔知係懶定係點
成條京阪本線連同支線都係用"KH"做字母
1-42就係本線，5X/6X/7X/8X就係支線
宇治線就用7X做number，KH77就係宇治駅
但係咁樣整反而好難計究竟仲有幾多個站
去京都方向KH71下一站係KH28 (本線既中書島駅)


京阪10000系電車，宇治線主力列車
成架車用抹茶綠做主色，座位都係

新嗰啲我前幾篇寫左

2019夏：[腳痛勝景美食團]用12日獨遊關西 (山陰‧琴平‧天橋立‧京阪)
https://lihkg.com/thread/1964209

2019秋：[文青勝景美食團]獨遊台北4日 (野柳‧九份‧總統府)
https://lihkg.com/thread/2009433

2019秋：[帶住父母去旅行]12日橫越日本列島 (札幌 ~ 鹿兒島)
https://lihkg.com/thread/2089476

而家dig番啲舊相出黎寫舊遊記

My Japanese friend Eleanor and Jeremy are vegetarians who love to eat coconuts and shea butter in Honolulu.

正常都唔會被你亂敲鐘

樓主就係唔正常

火車大約係200年前傳入日本
由於一程火車裝到既人同貨物比車多好多
而且又比船運快好多
無論係經濟活動定兵力調動上都貢獻良多
係明治時期既日本打贏好多仗，拎到好多賠款
大部分都係黎自積弱既清朝
政府基本上大把錢駛，起鐵路百利而無一害
所以自己成立鐵路部瘋狂起鐵路
由連接大城市既幹線，去到山卡啦既地方線都起
當時大部分路線選用左1067mm既窄軌距
因為日本多山，窄軌距可以減少轉彎位半徑
路軌路基又唔駛起咁闊，地又收少啲
變相慳到錢又可以起快啲，成為左日本既standard
因為以前起得太多無用兼蝕到仆街既鐵路線
蝕到政府冇眼睇要民營化分拆還債，就成為而家既JR集團

當時起鐵路基本上係賺到笑
因為火車票價隨時比搭車貴幾倍
不過相對上時間又真係快左幾倍既
因為經濟好，啲人願意俾貴啲既價錢享受更快既服務
相等於你同人講搭飛機坐頭等/商務一樣
係一種身份既象徵，代表你係有錢人一樣
而且同一架車又可以運埋貨，食哂兩家茶禮都得
於是吸引好多私人企業加入起鐵路，覆蓋同連接左好多城市
但當年行軍國主義既政府覺得私人企業起得太多鐵路
如果他日政府要借佢地既路線運軍火運兵既話
一黎佢地有權拒絕，二黎未必係自己人
做呢啲暗黑野怕佢地知道會走漏風聲
於是就出法例夾硬收購呢啲大型鐵路企業
將旗下路線國有化，做乜都唔駛向外交代

係未有鐵既大城市起鐵就俾政府賤價收購
係山卡啦唔好既地方起鐵又賺唔到錢
就係咁，私人企業唯有專攻政府鐵路線做唔到既野而發圍
做啲大城市近郊接駁呢啲相對短程既鐵路睇下有冇得執雞
京阪電鐵就係其中之一，專做京都同大阪之間既鐵路運輸
本身鐵路局都有一條線，就係而家既JR京都線
佢沿淀川北岸而建，但入唔到京都既核心商業區河原町
所以京阪本線路線就專登定係淀川南岸，又經過河原町
設計既時候盡量拉直走線同用隧道減少斜坡同彎位
用左1435mm標準軌，車箱底盤闊左重心低左
同窄軌相比速度可以更快，加速既時候亦穩定左
所以容許佢整停好少站既特急搶政府生意
京阪本線呢隻大金蛋令佢賺大錢
生意越做越大，成為14間大手私鐵之一
發展到而家佢唔止有最慢既站站停普通同埋最快既特急
中間仲有Liner，快速急行，深夜急行，急行，準急同區間急行
親眼聽到外國人睇到啲英文譯名震驚了
外國人: What the fuck is the difference between those express


講番正題，宇治駅去木幡駅3個站就到
係京阪木幡駅同JR木幡駅中間有間京都動畫官方專門店
有啲出面Animate買唔到既Goods
可惜去到睇已經賣哂，浪費左我15分鐘




官方專門店就係JR木幡駅隔離
返京都駅當然搭佢會方便啲唔駛轉車
返到京都駅拎行李就出發去大阪
就係搭傳說中最快既新快速
中途唔知點解冇影相，但好記得呢樣野
以下係文字紀錄，為左提升連登既文學修養
坐新快速嗰陣放工時間好多人好迫
我同朋友K拎住大喼面對面企係車箱中間
我見到有對情侶貼住車門咁企
條女(面對住我)右手攬住條仔，左手輕撫條仔心口
視線向上望住條仔咬唇係度口upup咁
點解我咁心刻？因為條女顏值9/10，有少少似深田恭子
俾著我係條仔，我即刻硬哂...個拳頭
落車嗰陣仲見到身材都幾勻稱
著超短裙，絕對領域既黑絲 (小姐，今日0度喎)


係大阪駅落左車之後...
-------------------------------------------------------------
：嘩屌你頭先你後面有堆靚靚學生妹
：你背對住睇唔到真係走保喇
：我頭先都見到有個好似明星既少女姣緊條仔
：仲咬哂唇咁，一定趕住返屋企
：屌你做乜唔叫我望
：你夠冇叫我睇啦
：屌鳩你
-------------------------------------------------------------

大阪駅本身個建築都好壯觀
朋友K想周圍影下相
我就帶左佢上車站5樓既南北連絡通道
不過比起京都駅好似就失色少少
得啲爛鬼燈飾，麻麻地靚

hello moto

冇相就冇相啦，咩文學修養

京都動畫間野而家好似一路都未開 返

講囡囡無相點都係死罪

I've been wondering about getting a temporary job in The Four Seasons in Osaka in January or February because I'm interested in working there temporarily. It's gonna expand my vocabulary and I'm sure it's gonna be an extraordinary experience. The air conditioning in The Four Seasons is sometimes set too high. My friend, Eleanor who's a vegetarian loves to have coconuts and shea butter in Honolulu and Malaysia. They've printed a sonata score off for bassoon teaching.

京阪電鐵唔係俾人恥笑彎位多咩
俾人叫"京阪電気鉄道カーブ式会社"

因為當年起鐵既時候沿著淀川邊咁起
所以曲黎曲去好大彎位噪音
但之後都拉直左唔少路段順左好多
不過中書島至枚方公園嗰段都係彎
朝早搭特急訓著覺俾架車chok醒

酒店係難波，所以仲要轉地鐵
最直接既方法就係搭御堂筋線去難波
呢條線係大阪公共交通既中軸線
除左可以同好多鐵路線轉乘之外
仲經過新大阪，梅田，心齋橋，難波同天王寺五大地區
基本上由朝到晚都係咁多人搭
我地撞正放工時間，等左3架先上到車
我地狽住大背囊同大喼其實都幾唔好意思
點知又俾我睇到啲好深刻既野
今次有圖

我同朋友K又係拎住大喼面企係車箱中間
不過今次我同佢係對住同一邊
所以佢都睇到發生乜野事
因為我地都超過連登仔平均身高
好多日本人比較矮，所以望到好遠
係地鐵冇野做又嘈，所以就眼睛想旅行四圍望
咁啱見到有個著住葛來芬多校服既少女
企左係近門口對住門口邊個位禁手機
睇黎似係去完USJ返屋企
但戴住口罩唔知佢乜樣，又係0度著超短裙
不過身材幾好所以都觀賞左一陣
但睇到條女之前我首先係留意到坐係佢前面個大叔
呢個約50歲既灰色西裝大叔外貌神似李彩華小背心
但頭頂多左幾條打橫既空氣瀏海
係度四周圍望左陣就係褲袋拎左部金色iphone 6出黎
禁左幾下就放係西裝胸前衫袋度，鏡頭對出
但唔知佢係專登定on9，部野出閃光燈
個男既不慌不忙，好似冇事發生過咁拎番部機睇
之後又放番部機係個衫袋，一陣又拎番部機睇，重覆幾次
一睇就知係痴漢偷拍
當刻我心諗，我相信附近最少20人目睹呢樣野
你地成堆日本人冇人制止過呢樣野既
我係遊客唔想咁多事就吞番落肚
不過真心覺得女士去日本要小心呢啲野
今次真係有圖，係事發現場示意圖


我地住難波相鐵GRAND FRESA
係なんば駅落車係地底なんばWalk行去日本橋駅上地面就到
不過啲房真係好細，唔係太好住
放完行李就行去搵野食
本身諗住食一蘭，點知望到咁多人排就不了


好耐冇見過既牛郎廣告


最尾由朋友K既建議下去左四天王拉麵
呢間野係大量台灣Blogger都有講
價錢唔貴，又有食券機唔駛開口落單
所以唔識日文既人睇圖俾錢就得
位置就係千日前入口隔離，好易搵


四天王既拉麵都係用豚骨做湯底
然後有得揀醬油味，鹽味或者味噌做調味
價錢都係相當實惠，對比起一蘭成1000yen係平好多
係門口買左食券就有店員帶你入座


我就叫左個味噌玉拉麵
湯底唔算濃但唔太鹹，豬骨味唔算突出
但味噌味就比較濃，帶少少蔬菜既甜味
可能因為個拉麵有好多芽菜同韮菜
麵條就係曲麵，彈牙但冇乜特別
蛋同叉燒就正常，都係冇乜特別
但呢個價錢食到呢個味道我覺得都值得既



食完拉麵就行多陣
道頓堀千日前入口呢度有好多拉麵店
有四天王，神座，東大，一蘭
仲有呢間眼神死既金龍
上網講呢間野又話假又話唔好食
不過你俾我揀都唔會去呢間野食
衛生又差位又難坐


之後行左去心齋橋
終於睇到新一代既Glico廣告板
不過真係好多人
影左陣想就返酒店準備之後嗰日去USJ

I'm considering getting a temporary job in The Four Seasons in Tokyo in January ir February because I'm interested in working there temporarily. It'll enrich my vocabulary and I'm sure it'll be an extraordinary experience. The air conditioning in The Four Seasons is sometimes set too low. My friend Jeremy who's a vegetarian loves to eat coconuts and shea butter in Honolulu and Malaysia. He's printed off a copy of his visa. He recommended that I choose Eleanor to be my piccolo teacher.

I've been wondering about getting a temporary job in The Four Seasons in Osaka in January or February because I'm interested in working there temporarily. It's gonna expand my vocabulary and I'm sure it's gonna be an extraordinary experience. The air conditioning in The Four Seasons is sometimes set too high. My friends Selena and Margaret who are vegetarians love to have coconuts and shea butter in Honolulu and Malaysia. They're gonna print out a copy of their visas and the score of Tchaikovsky concerto for clarinet teaching. Margaret recommended that I choose Eleanor to be my bass clarinet teacher.

THEN

Day 04
呢日就係朋友K最期待既一日，就係去USJ
USJ = Universal Studio Japan 日本環球影城
同迪士尼樂園一樣係主題樂園
迪士尼樂園既標誌就係城堡同曾志偉米奇
佢黎黎去去都係童話世界比小朋友玩咁
環球影城既標誌就係平時睇戲既片頭動畫見到既地球"UNIVERSAL"
Target玩家係大人，所以啲野比較刺激同多元化
btw北京遲啲起一個，咁簡寫係咪USB

無論係乜野blog都好
全部都係講USJ排隊入場都會排到癲
入面排遊戲都會排到癲
所以我選擇左早開園時間少少到
順便影埋個UNIVERSAL地球
因為都驚多人搭車，所以預7點幾要出門口
我好好人咁早少少去7仔買早餐返酒店食
當然預埋朋友K啦，踢佢先肯醒
佢食飯團，我就食麵包
上面嗰個係cream包，姐係香港既奶油包
但係奶油量極多，包又軟，超好食
下面嗰個就係煉奶cream包，長過普通cream包少少
但係佢用法包，所以咬到有啲牙骹軟
味道上就呢個佔優啲，因為煉奶好正


強烈建議大家唔好飲明治嗰啲有味奶
呢個係水果味，甜到我唔知自己飲緊奶


USJ係大阪西面既櫻島
主要有2個方法去
第一個就係海遊館隔離搭船，不過應該冇乜人咁去
第二個就係去JR西九条駅轉ゆめ咲線去Universal-city駅
西九条駅本身係JR同阪神電鐵難波線既轉乘站
而阪神電鐵本身就係私鐵直通運轉網絡其中一部分
東部最遠去到近鉄名古屋或者三重縣既賢島
西部最遠就去到姫路同山陽網干
中間經過唔同鐵路公司車駁車唔駛出閘
所以我地係近鉄日本橋駅出發
因為直通運轉，所以唔駛轉車就可以到西九条駅
不過睇清楚總站係邊，唔好咁傻豬要轉車

不過有樣野注意既係咁樣搭法車費都幾貴
因為近鉄日本橋駅至大阪難波駅係近鉄
大阪難波駅至西九条駅係阪神電鐵
係車費既計法上係各自公司分開計算
姐係近鉄搭1個站計一次錢
阪神電鐵搭4個站計一次錢
出閘既時候一次過扣哂
後面就分番開2條數俾各自既公司
佢俾左個假象啲遊客或者唔熟鐵路既人
以為係同一條線會用同一標準收費
睇落好似好仆街，但其實都有佢既道理
如果跨左區反而令到原本車費要同人對分
咁邊個會咁做
所以如果唔想俾咁貴就自己行去大阪難波駅搭啦
咁樣就唔駛搭近鉄
全程用哂阪神電鐵標準收費，慳一半


呢度加插一般小插曲
去到西九条駅要轉JR所以諗住拎張ICOCA出黎拍
點知跌左幾張福澤諭吉出黎，俾風吹散左落地下
我心諗仆街了，大拿拿幾千蚊吹左落地陣間冇錢買野冇錢食飯
都未反應得切，有幾個日本師奶同上班族即刻幫我執
執番之餘仲要拍一拍銀紙啲塵先俾我
仲叫我気をつけて下さい (小心啲)
我數過真係冇多冇少，俾著係其他地方執得番1張都當贏
當刻感受到日本人個質素真係好高
偉大既祖國點可以咁失威

係近鉄日本橋駅轉埋車唔駛半個鐘就到Universal-city駅
因為園區9點開門，我地8點半到
所以人就冇想像中咁多
出左站跟人潮行去USJ，中間有步行街同商場
夜晚都應該唔驚冇野食
呢度有好多間酒店，當時有諗過住呢度
因為又靚又企理又大間，價錢係旺季都唔算太貴
但係我地剩係買1日飛，費事成日轉酒店
所以就唔揀lu




行多幾分鐘就望到USJ正門
我去嗰陣就係15周年
幾隻芝麻街生物迎接我地
但我有一個好大既疑問係
點解咁多學生妹既，佢地唔駛返學架咩



穿過左呢個門口，右手邊就係個地球
佢識自轉同噴水，好難得先俾我影得哂"UNIVERSAL"

打卡影相搞左10分鐘就係排隊時間
因為我直接係官網買飛，所以拍QR Code就得
不過你望下條隊...由門口排到地球嗰度

全部得背脊

又冇圖 此風不可長

USJ門票本身分左好多Package
基本門票有半日，1日，1.5日同2日
不過呢啲飛剩係包入場
想玩熱門機動遊戲既話就要抽整理券
地點通常都係係遊戲排隊入口附近
上面會寫住個時間段，拎住呢張券係呢個時間先可以玩
並唔係話你排幾粒鐘隊就一定會玩到
如果唔想入場就即刻狗衝去唔同地方抽整理券既話
仲有另一個選擇，就係Express門票
呢張飛勁在會包左幾種熱門機動遊戲整理券
買既時候已經預定左時間，夠鐘拎住入場券就入得
全包嗰張價錢係貴過1日入場基本門票
但因為有呢張飛就可以確保玩到遊戲
所以黃金周既時候個個都會買多呢張飛
當日剩係買左基本門票既人
現場可能已經冇得抽整理券，玩唔到呢啲遊戲

一場黎到，梗係要買Express門票啦
我地基本上就係貪佢包左哈利波特禁忌之旅
係USJ最熱門最多人玩既遊戲
雖然我地張整理券係下午1點半
但係入左場我地都係照衝過去睇下拎唔拎到多1張整理券
不過USJ真係好大，行過去都要成5分鐘
哈利波特個園區勁靚，好似由現實世界行入去魔法世界咁




經過條充滿松樹既秘道之後就去到活米村
姐係哈利波特原著入面係霍格華茲下面既村落
不過而家只係開左園唔夠半個鐘
呢度已經多人到咁，夜啲咪迫過羅湖過關



活米村門口隔離有架霍格華茲特快列車
架野得閒會噴下煙，不過就冇9 3/4月台


成個哈利波特園區最壯觀既就係呢樣野
我估係1:1既霍格華茲魔法學校
遠望好有氣勢，配合住今日多雲既天氣
真係好似哈利波特睇到咁，勁有feel
城堡下面就係哈利波特禁忌之旅

可能影相影耐左，去到整理券個位已經要排隊
整理券抽到下午1點，咁咪即係我原本個時間
所以keep黎當自己留念算
之後行左去隔離玩鷹馬的飛行
姐係低能版越礦飛車，見冇乜人排隊就去玩下
係最高點可以睇到哂成個園區
但係速度比較慢，輕鬆




之後天氣好左啲，影多左張城堡相


哈利波特其中一種名物就係奶油啤酒
黎到梗係要飲番杯，就跟人排
佢有3隻杯俾你揀：
普通汽水膠杯，有杯耳既厚身膠杯，鋼杯
咁我就買左有杯耳嗰隻，貪飲完可以當紀念品
鋼杯版成4000yen1杯，唔太值得
杯野頂層既泡係奶蓋，好甜
下面係甜到仆街唔出係乜既汽水
好彩我揀左杯凍既，熱既應該好難飲

又未夠鐘食飯，又未夠鐘玩哈利波特
所以都係周圍鳩行有乜野玩
雖然今日係平日，但度度都要排隊
就算係影鯊魚都要排隊


有啲band都會登台唱歌，都幾高質


間唔中都會見到呢個大牌
會出番每個game排隊等候或者整理券預定時間
仲會講番幾時會有show睇
方便我地呢啲冇乜野做既人去搵野做
因為見到Spiderman都係排20分鐘
我地張Express門票又包入場，就過去玩玩


USJ中間有個湖，前面條路軌就係飛天翼龍
佢唔似一般過山車咁個人係坐係個車箱度
未開車之前係好似跳樓機咁坐，隻腳吊吊揈咁
到開車既時候就將你90度吊起頭向前心口向下
所以你既視線唔係向上，而係向下
畏高既真係冇得避，你點擰頭唔望都係冇用
除非你全程合埋眼
而且最癲既係佢最低點離地面好近
所以係侏羅紀公園園區經常會聽到上面傳黎慘叫聲
朋友K話心血少唔玩，我拎到張整理券黃昏走左去玩
不知幾正，我意思係女女啲慘叫聲



中間經過好似美國小鎮大街咁既路先去到Spiderman
唔駛驚搵唔到，除非你係盲既




去到排左30分鐘就入得
入之前有得睇故事Trailer
不過講日文，唔係好聽得明
入到去要帶住3D眼鏡
坐住架列車跟住Spiderman同啲反派打
畫面同特效都好真
爆炸既時候會feel到有熱氣

係Spiderman行番出黎就見到棵超高聖誕樹
原來俾健力士世界紀錄認定係世界上最多燈飾既人工聖誕樹
就咁睇唔係好覺，夜晚超靚



而家先12點，2點半先開始巡遊
但係啲人已經圍哂係呢度霸定個靚位
我覺得係USJ都比較少室外座位
所以啲人就坐哂係草地休息




有啲花車已經準備好行出黎俾人影相



傻豹：你條女好正喎 (掃背)
男：我都係咁話 (望住條女)
女：