[紅葉。基友。京阪奈]兩個小生去日本7天團

仲有2日
不過呢期裝修可能寫得冇咁快

應該食轉金龍

食完拉麵我地就進發新世界
唔係鄭家純嗰個
位置係難波南面，新今宮附近
呢度係大阪既象徵
日本既綜藝節目一講大阪就會出呢度既VTR
影住有個電視塔，塔身唔知點解會寫住日立
明治時期呢度舉行過大型博覽會，類似世博咁
所以規劃左好完善既交通網絡
大正時期呢塊地就做左主題樂園命名為「新世界」
起左一個抄巴黎鐵塔咁既建築，就係第一代通天閣
因為呢個地標好受歡迎，附近好自然開始發展
就成為左繼難波同梅田之後既繁華街
好出名既飛田新地料理組合都係附近
二戰期間因為火燭同埋物資短缺所以拆左

我地搭地鐵去到惠美須町，係北面行過去
基本上一出地鐵口就望到佢
黎嗰陣仲咁啱60周年，
但係行過去嗰陣覺得唔係好對路
點解冇乜人而且啲舖頭落哂閘既
時間：夜晚6點



戰後經濟快速起飛
新世界附近既人就籌旗整番個塔係度
第二代通天閣既設計者係内藤多仲
你唔識佢個人都正常，但係一定知佢既作品
東京鐵塔同名古屋電視塔都係出自佢手
所以鋼架同觀景台部分都有點兒相似



人口係地庫，show張Pass就入得
之後搭番電梯上觀景台
呢度得大約100m高，隨時你屋企都住得高過佢
而且冇戶外觀景台，影出面好易有反光
不過附近冇乜高樓，所以都一覽無遺既
呢度望向難波方向
就係我地頭先行黎嗰度，冇人既


呢度就望向天王寺方向
近我地冇燈嗰度就係天王寺公園
好高嗰座野就係阿倍野HARUKAS
係全日本最高既樓


呢隻野叫Billiken，係福神
相傳摸佢會有好運


無啦啦見到隻拎住章魚燒鐵板既無嘴賤畜
睇黎似係去恰鳩佢啲朋友

金龍我都仲未搞得清楚邊間真邊間假

金龍好普通喎

上面張街無哂人既相片，感覺好似而家疫情街景圖

通天閣就唔止觀景台既
去番2樓3樓有得睇通天閣既歷史展板
另外就係大量既產品宣傳
道頓堀有勁多固力果既廣告板同舖頭
呢度都唔例外，仲有好多小遊戲
不過就有啲鳩鳩地



可能係時間太早或者真係冇人知呢個地方
我地係接近包場狀態
唔知係同我一齊訓太緊火定係日日踢佢起身
朋友K好似好大壓力咁
開始公開做出一啲旁人側目既行為
係呢個moment佢要爆喇
首先就對住固力果廣告牌人仔做出大鵬展翅既姿勢
但我覺得佢似係跣親多啲


行多陣見到個Pocky心心舞台
隔離放左碌Pocky攬枕俾情侶打卡用
朋友K好似食左藥咁拎條Pocky上台當沙包係咁打
朋友K：Pocky丫拿，心心丫拿


去到紀念品店之前見到個筋肉人
用黎紀念新世界誕生100周年
今次朋友K就嘟起個嘴錫筋肉人
筋肉人：屌，死撚開啦


行完通天閣就去番道頓堀Hea
發覺除左印左Billiken嗰啲野之外
其他野都係がんこ寿司隔離間小丑舖買到
所以唔駛專登係通天閣買

嗰頭其實治安唔係太好，尤其夜晚
啲舖頭唔係好夜開既居酒屋
就係好早收既一般商店
如果你睇番我獨遊關西嗰篇
日光日白行嗰頭都會見到醉酒佬訓係路邊
本身同朋友K行完通天閣真係想行去飛田新地
行過去都係10分鐘咁上下
但係見到啲路又靜又見啲人眼望望
即刻縮番入地鐵站

講真喺外地見到條街又靜又有人眼望望咁都咪話唔驚

Day 6
呢日係大阪市區一天遊
冇特別Plan到行程，去到邊行到邊
咁第一站當然係附近既黑門市場
係日本橋駅向南行一個街口就係


作為黎大阪其中一個必到景點
無論係自遊行定跟團都一定會黎呢度
呢度會令大家有家的感覺
因為香港人佔呢度遊客比例係極高
周圍都會聽到廣東話

呢度出名可以掃街食野
有刺身，燒海鮮，章魚燒，生果等等
最出名既就一定係刺身
第一間叫黑門中川，舖面唔算大
放哂一盒盒啲刺身去門口個凍櫃俾你買
買完可以坐入去食，不過得好少位
呢個價錢唔算特別平，但勝在夠新鮮
啲拖羅油花唔錯，食落都唔腥




另外一間就係黑門三平
無論門口定入面都大好多
又係可以買完入去入面食
除左有刺身壽司之外仲會有其他熟食
例如燒蝦，煮鮑魚，海膽等等
所以呢間舖任何時間都咁多人
我地頭先係黑門中川食左刺身
呢度就揀左鰻魚，又大塊又厚ですね
塊鰻魚大到遮住左舊壽司飯
不過除番開每舊接近港紙50蚊，都幾唔抵
但係賣相又靚又好味，算啦



價錢方面黑門市場絕對唔會叫抵食
我地食左嗰3盒野，每人得幾塊刺身同壽司都要港紙300蚊
仲要已經冇食海膽鮑魚呢啲貴價野
嗰度仲有賣用淡雪士多啤梨整既果汁，1000yen 1杯...
食多幾款真係會窮
如果多人黎share既話可以試多唔少野

lm

諗起和歌山黑潮市場

師兄嘅行程好似好趕喎

樓主係咪比人拉左？

我對通天閣個感覺：晒錢，真係可一不可再

見你地咁想我寫，專登著番部機寫文

呢一日其實係冇乜野做
係黑門市場食完早餐之後又係我最鐘意既行程
就係行路
行邊度？就係行唔同既商店街
你地可能心諗：屌你地日日都行，有咁多野行咩
但我對"多野行"既理解唔係指行街而係指行路
其實呢度好大，商店街駁商店街咁行都行到好遠順便睇女
首先我地係黑門市場行去道頓堀千日前向南行
千日前筋商店街出名多廚具買
例如煲，鑊，碗，筷子等等
有啲間舖見到啲老師父係度打緊銅片整煲
不過人手造就當然貴，都成萬yen 1個

千日前通另一個著名既地方就係朋友K留影呢個位
大阪娛樂界既總壇就係呢度
左邊係吉本興業劇場難波豪華花月
所屬既搞笑藝人定期都會係度表演
吉本興業以搞笑藝人聞名
每年都會搞M-1, R-1漫才比賽，獎金極多
除夕晚日本民營電視台收視第一既絕對不能笑24小時
俾人打嗰5條友就係吉本興業既藝人
右邊就係DonkiNMB48劇場
NMB48唔駛我介紹啦


千日前通向南行到尾就係難波駅
行左陣高島屋同埋Namba City，都幾唔啱男人行
係高島屋正門對面行入戎橋筋商店街
行到尾就係戎橋，姐係呢度
呢度駁住心齋橋筋商店街既南面起點
理論上終點係心斎橋駅，姐係Uniqlo同H&M嗰度
但係如果有留意既話，前面其實都仲係心齋橋筋
不過個天幕就唔同左款
不過我地就繼續向前行睇下有乜行
結果就係真係冇野行兼冇野睇，得啲阿公阿婆
天幕行到尾就已經去到下一個地鐵站本町駅
之後就搭番地鐵去番難波食飯

朋友K想食啲特色野但又唔想食拉麵
於是即刻google左間鶴橋風月出黎
專食大阪燒，啱哂要求啦
因為都行左成3粒鐘，過哂食飯時間
已經冇乜人，所以一入到舖頭就有位坐
呢度係遊客區，有中文menu睇
朋友K話餓死要食3人餐
搞到叫餐嗰陣個店員仲問我地本当に


我地第一次食呢啲咁需要自己DIY既野
咁啱得咁橋坐隔離有3個學生又係食呢個餐
於是我地就係度偷睇佢地點整
首先黎到既就係モダン焼
其實就係普通大阪燒加炒麵
落鐵板呢步就唔難，落左油就咁撈勻倒落去就得


之後就係炒雜錦
有蝦有墨魚有魷魚鬚有肉塊
老實講如果3個人黎食
每人分得一粒都幾少
味道就冇乜特別


個豬肉片奄列黎到就已經整好哂
就咁放上鐵板煎熱煎香就得
日本蛋香就唔駛講，加埋甜甜地既汁
夾係中間既肉好多汁，幾好食
朋友K見有鰹魚絲就撒左上奄列面
仲多手撒埋去モダン焼上面
：仆街未反面呀
：有乜所謂，咪又係咁食


結果就係當我要反面既時候
啲鰹魚絲隨風飄走左一半
好彩都反得靚，冇整散個餅
之後係香港食過幾次
每次一聽到隔離有恥笑聲就知佢地出左事
炒麵麻麻地，好油


搞左咁耐終於食到個モダン焼
食之前係個面塗上燒汁同沙律醬
但個醬太搶味，其他野唔係太食到味
不過我地煎燶脆左個底，口感唔錯

第一次去關西自然想去多啲地方

嗰陣見啲blog講通天閣好正咁
點知俾人昆左咁又冇野睇又冇野買
如果唔係張pass包我真係唔會去

住大阪用jr pass 放射式去景點好正
岡山
天橋立都去到

好想去日本

你令我諗返起我幾年前去日本個遊記...不過死哂圖

2個人食3人餐 ，打算叫多個日本妹一齊食？

上次示範左山陰岡山+關西廣域Pass
新嗰張關西廣域pass雖然貴左
但係變左包指定席6次
JR西係咪窮到傻撚左

2019夏：[腳痛勝景美食團]用12日獨遊關西 (山陰‧琴平‧天橋立‧京阪)
https://lihkg.com/thread/1964209

我都想

我睇過呢個po ，獨遊嚟講日本真係世一
關西廣域pass堅正

本身已經半賣半送，而家仲包指定席
神JR PASS