[紅葉。基友。京阪奈]兩個小生去日本7天團

日本人好鐘意係繪馬畫得超靚

原來我無意中影到當年鳥居奉納個價錢
4年通脹左接近20%，跑贏通脹
要入貨奉納既大戶記住快啲決定，升值潛力巨大
利申：冇持有任何伏見稻荷大社既御守


之後就行番落山
睇過之前遊記既人知我唔鐘意行回頭路
今次就行番頭先話落山條路
呢度係稻荷山，自古以黎被稱為神山
伏見稻荷大社係山腳，自然都吸唔少靈氣
呢邊都有好多細細個既神社仔
包括眼力大神(保眼)同腦天大神(保腦)



頭年上山冇乜點睇到紅葉
落山就睇到幾棵



行番落山腳已經10點半
趁未有車到過平交道去啲舖望下
不過已經好多人，個個擔哂遮
天氣凍個個又著到成隻糉咁
所以搞到店面都好迫，唔係好想入
經我發現，用縮骨遮既大部分係遊客
日本人通常都係用便利店長遮

下一站就去宇治食個靚飯先
JR既稲荷駅同埋京阪電鉄既伏見稲荷駅都去到宇治
稲荷駅係正大社前面，伏見稲荷駅就要行5分鐘
但要留意既係大家既宇治駅唔係同一個位
JR既宇治駅係中村藤吉本店前面
京阪電鉄既宇治駅就係宇治橋北岸
如果論速度同價錢，JR係壓倒性勝利
因為少站同埋唔駛轉車就到
但係離平等院嗰邊比較遠，要行15分鐘
京阪電鉄就要搭去中書島駅再轉宇治線先到
不過行去平等院就唔駛10分鐘
咁我去中村藤吉本店食飯，梗係搭JR啦


JR木幡駅京都方向月台後面幢黃色樓唔係普通樓
而係聞名世界既京都動畫本社
係日本動畫歷史上佔有好重要既位置
做出黎既動畫無論故事情節，原畫質素
甚至音樂都十分出色，製作認真
作品包括涼宮春日的憂鬱系列，K-ON系列
同埋呢期係戲院上映既紫羅蘭永恆花園
日本動畫銷量排行榜頭50名中佔有5個作品
論數量只係排係傳統大廠Sunrise同東映
Sunrise有高達同Lovelive系列，畫機械又得畫女又得
東映就有龍珠同One Piece，食老本既搖錢樹
後起之秀仲有SHAFT，作品有物語系列同神作魔法少女小圓
同埋ufotable，作品有fate系列(fsn, fz)同呢期屠榜既鬼滅之刃
不過京都動畫上年發生縱火案令好多資深員工去世，RIP
希望之後可以再出番更多好既動畫


係下一站黄檗駅之後JR基本上同京阪電鉄宇治線平行


大約20分鐘就到宇治駅，都幾快
現場啱啱落完雨，氣溫1度


宇治係抹茶之鄉，出既茶更加係日本三大茶之一
自古以黎就會進貢皇室享用
而係現代做得最有聲有色最出名既就得2間
一間係中村藤吉，一間係伊藤久右衛門
今次就試中村藤吉既宇治本店
香港以前都有幾間分店，不過執柒哂
位置就對正宇治駅南口，好易搵


本店既門市10點開門，就係正門入去既右邊
入面全部都係賣茶既商品，例如茶葉同茶整既手信
佢啲茶因為真係靚野，所以價錢都幾驚人
當然唔少得有甜品類既野，有蛋糕同果凍
但係全部都mark住保質期好短，要買番香港就要留意

正門行到最入就係喫茶室，係中村藤吉本店既餐廳
當年11點開，我地11:15到，入面已經半滿
出面都有位坐，仲好好咁每張枱配1個暖爐俾你暖腳
不過就要係門口張登記紙寫自己名同人數等店員叫
心諗死喇，唔係好識寫日文喎
我剩係記得即刻Google"日文名字"之後鳩寫上去
好彩之後店員行出黎望又識讀，我又識應，入到去


等候區都好好咁有個炭爐俾你暖下身
朋友K親自示範單人圍爐取暖
朋友K：気持ち

留名

中村藤吉尖沙咀果間都收左皮了？

上次都有去宇治正到
有條賣抹茶嘅街成條都飄著抹茶嘅香氣

店員帶左我地去室內窗邊近門口既2人枱
入面當然有暖氣，暖到要即刻除番大褸頸巾
門口有部鋼琴同留聲機，用途不明
我坐係背對窗口個位，因為斜對面有堆靚女
但係揀緊食乜既時候我就後悔
--------------------------------------------------------------
：(望住個menu)食乜好呢...
：喂喂喂，出面有批女女彈下彈下圍爐取暖喎
：(轉身)睇過，
：多謝你讓個靚位俾我喎，隨時都睇到有人行過
：

係食緊野既途中佢係度瘋狂干擾我
--------------------------------------------------------------


枱面每個位前面都放左張雙色麻布餐墊
上面印住"中村藤吉本店"，連個杯都印左自己商標



係呢度揀食乜係一個好難既決定
一黎本menu好厚，大部分野食都係彩色圖文並茂
結果樣樣野都想食，不過胃就得1個同冇錢
二黎呢度最出名抹茶甜品，隔離幾枱女女都係食呢樣
但係而家天氣凍，食得少我驚頂唔到幾粒鐘就餓死
甜品食唔飽，剩係食主食又可惜
要哂2樣又多得滯，胃就得1個同冇錢
結果我就搵到其中一個choice係兩全其美
就係呢個にしん茶蕎麦セット (鯡魚茶蕎麥麵set)
不過第一樣野想吐槽既係點解麵要配白飯???

呢個set除左有主食，飯同埋漬物之外
仲有1個中村藤吉其中一個招牌甜品 - 生茶ゼリイ
可以食到主菜同甜品之餘，價錢都唔太貴
日本既飯好食就唔在講，上面唔係紫菜而係茶葉粉
溝埋飯食落有淡淡既清香，都幾特別
我本身諗住茶蕎麥麵落左抹茶粉整應該會食落有清香
但係個湯底鮮甜得滯，遮哂茶蕎麥麵啲味
個湯底用柴魚煲成，香氣重得黎又帶有強烈既鮮甜味
不過佢唔係味精湯，所以飲落都唔會口渴
係味道平衡上扣左少少分
不過一啖湯一啖飯食落又幾夾
鯡魚就係典型燒汁醃完煎，味道OK但冇乜特別



朋友K就學左隔離啲女女咁叫左個冬のどるちぇ
其實就係冬季限定甜品
佢都好慷慨咁俾我每樣試一啖
中間有幾舊Cream同抹茶Brownie
因為有少少抹茶既澀味所以冇想像中咁甜
左邊係抹茶芝士蛋糕，口感好香滑
抹茶中和左芝士既滯，所以好好食
右邊嗰舊就有好多野
有抹茶雪糕，焙茶雪糕，紅豆同團子
雪糕既茶味好濃，幾好食


對於我呢啲唔鍾意食太甜既野既人黎講
抹茶帶苦澀，所以抹茶甜品點整都唔會太甜
呢個生茶ゼリイ既味道絕對係我食過既甜品入面排頭幾位
入面有團子，紅豆同生茶啫喱
生茶啫喱好滑，但帶少少苦，好似飲茶咁
但係加埋啲香甜既紅豆一齊食就一流
圈子就普普通通，𡁻下𡁻下彈下彈下冇乜味
門市雪櫃有得賣，但係我驚返酒店之後會散哂所以冇買

當年我個餐就只係1200yen，而家好似加左好多價
朋友K咁少野已經1000yen仲要唔飽
但佢睇女都已經飽哂既

全香港都收哂皮了

你指平等院表參道？
可能因為太凍，我聞唔到

應該係
我夏天去

如果京都車站，坐的士去清水寺要幾多錢？

塞車我怕你塞到破產

睇今次呢篇睇到好肚餓

塞幾耐

我就未搭過的士，因為日本的士都幾貴
京都駅去清水坂係大路都還好
係清水坂上到參道尾人又多路又窄
真係行路會快過搭車
同埋未必架架的士會送到你上參道尾
可能參道中間就會叫你落車行

間舖頭暖笠笠，出面又凍又落雨
搞到唔係好想行出去
於是食完都叫服務員斟茶繼續吹水
最後因為望到外面已經排左超過40人
基於群眾壓力所以迫於無奈12點埋單走人
出面大約有一半係香港人
可見抹茶文化已經攻陷香港
唔想排隊既就最好開門後半個鐘內黎到或者黎食下午茶
如果唔係午餐時段嗰輪過黎等起碼等1個鐘

因為我地陣間搭京阪電車走，唔會行番黎呢度
平等院前面都有一間分店，但間舖細好多冇咁多野買
費事陣間嗰間冇得買又行番過黎
所以都係係度買左盒茶同抹茶蛋糕孝敬老闆同兩老
------------------------------------------------------------
：乖仔，又幾好食喎，唔係太甜又好香
：計番都成舊水港紙架，梗係好食啦 (半盒莎莉蛋糕咁上下大)
：咁貴，下次唔好再買，試完就算喇
：哦 (你地咪又係食哂)
結果下一次帶佢地黎呢度咪又買左5條蛋糕，真香.gif
-------------------------------------------------------------

係中村藤吉門口轉右行番10分鐘就會去到宇治川邊
望到個大鳥居同平等院表參道就代表就快到平等院



因為今日落雨，條表參道冇乜人可以輕鬆行
不過因為宇治呢邊出產既茶都幾貴
細細包都要成1000yen
退而求其次就買用茶整既餅乾和菓子嗰啲
味道都唔錯，最適合派俾同事同朋友
條表參道行到尾就係平等院，開始多紅葉
落雨既冬天睇紅葉有一種淒美既感覺
而且真係好撚凍



平等院入場費要600yen，唔算平
但其實入面唔止睇園景同建築
仲有一個叫鳳翔館既展覽廳
入面放左幾件日本國寶，所以絕對係物超所值


係平等院人面都有唔少靚紅葉睇

落雨d紅葉真係失色

THEN

成百蚊話貴咪一樣食

繼續行入去就會見到鳳凰堂
係成個平等院最重要既建築
右邊呢條橋可以直接行入去本殿
不過就要加300yen
我地又未去到咁虔誠所以就不了



呢度都有好靚既紅葉，如果天氣好一定好靚


呢度係世界遺產之一，正常應該係好撚多人黎
不過你地憑水面就知而家超大雨
加上又凍，啲人等停雨唔黎住
正好俾我有好多時間影靚個鳳凰堂



平等院建於1052年，鳳凰堂就係1年後建成
由平安時代權臣藤原賴通改建父親別院而成
建築上展現左古時日本人對西方極樂世界既想像
將佢當成係佛教徒終其一生追尋既淨土
入面有個好大既如來佛同幾十個細既菩薩像
仲有木造天蓋，梵鐘同大量壁畫，全部都係國寶
而且鳳凰堂比金閣寺幸運得多
可能因為遠離京都市區同保養得宜
接近1000年歷史入面從未受過天災人禍所毀
呢一刻見到既樣正是當年起出黎既樣
建築，雕刻，藝術品等等都好完整冇乜損壞
保存到咁耐係日本甚至世界上實屬罕見
作為國寶同世界遺產亦係當之無愧
甚至連10yen銀同10000yen紙幣都會見到佢
就知道鳳凰堂既地位係日本係幾咁崇高
呢度2014年先整修好，所以好新淨

影完鳳凰堂就繼續行...


係廁所隔離有樓梯走上去鐘樓
朋友K以為可以敲鐘所以衝左上去
點知係唔得
不過我地發現偏離原有路線所以行番落去
下面就係鳳翔館，係一個新式設計既博物館
有2層高，地下係入口，正好俾我地入去避雨
入面放左好多平等院既國寶同埋宇治發掘到既文物
但係入面寫到明唔俾影相，所以都係守規矩
想睇就自己過去睇啦
但都係古代出雲歴史博物館個王之財寶壯觀啲
又係國寶仲可以任影
詳細可以睇番呢度

[腳痛勝景美食團]用12日獨遊關西 (山陰‧琴平‧天橋立‧京阪)
https://lihkg.com/thread/1964209/page/4

行完鳳翔館正好停雨，可以行得舒服啲
呢度望到鳳凰堂後面其實係突左出黎
從高空望落去呢個叫尾廊就係鳳凰既尾
左右兩邊既翼廊就係鳳凰既翼
中堂就係鳳凰既頭同埋身
古人諗野真係好好想像力


唔好以為平等院好似得咁少野行
鳳翔館慢慢行都可以行到成個鐘
加上周圍影下相行下紀念品店，其實都行左2個鐘
而家已經差唔多3點，所以都要加快腳步
但出面條表參道好似死城咁少人
應該係啲遊客知道大部分時間都落雨所以直頭唔黎
呢條街有齊中村藤吉同埋伊藤久右衛門既分店
兩間舖好似想打對家咁開正係對面
中村藤吉個檔口好細，所以都係去番總店會多野買啲
不過有餐廳，食既野同總店一樣，唔駛行咁遠
伊藤久右衛門就剩係得賣手信，但舖面超大
有餐廳既分店就係中村藤吉總店隔離，近JR宇治站多啲
又係開係隔離，應該係專登
唔建議去伊藤久右衛門總店，真係行好遠
不過之後我都去左，食完埋單間舖都係得4-5個客

本身想話你16年既旅行宜加先出遊記，點知睇睇下又覺得樓主講野帶點幽默

富士急遊樂埸正！Do you like thrill rides? I think you're quite adventurous like me. I went bungee jumping twice in Macau. The top of Macau Tower is thr highest place in Macau. This tower is taller than any other buildings in Macau. Right before I jumped, I felt nervous and a little frightened. All the buildings and hotels, including The Parisian Macao, looked so short. When I was falling, it was surreal and absolutely exhilarating. Do you like roller coasters? The most exciting roller coasters are in Fuji-Q Highland in Tokyo. Three of its roller coasters broke the Guinness World Records. The feelings before I did the bungee jumps were different to those before I went on the roller coasters in Tokyo. Right before I rode those roller coasters, I felt absolutely exhilarated whereas immediately before I made my bungee jump, I was nervous amd a little scared but of course, bungee jumping was a thrilling experience. Some people are crazy about bungee jumping, whether they bungee-jump off a bridge or out of a helicopter. I'd love to go skydiving one day. It would be a once in a lifetime experience.

The aor conditioning in The Four Seasons in Kyoto is set too high.