[紅葉。基友。京阪奈]兩個小生去日本7天團

Day 5

Chur完4日，剩番呢幾日hea到仆街
朝早9點訓飽先起身慢慢諗食乜
朋友K唔知點解好想食吉野家，咁就跟啦
今次食吉豚定食當Brunch
舊魚好似好食過京都食嗰次
厚身少少大舊少少又燶少少
不過都係一樣鞋得滯
豚肉就OK，起碼佢係有啲厚度
唔會好似牛嘩樣每塊薄過紙又碎上
咪道...咪香港吉野家食到嗰隻味囉
利申：好耐冇食


食飽飽先去奈良撚鹿
同去USJ一樣都係行去近鉄日本橋駅
不過係搭去相反方向，全程都係近鉄
所以係同一標準收費，單程570yen
近鉄作為鐵路長度僅次於JR既日本最大私鐵
擁有京都站，名古屋站，大阪難波站同天王寺站四大核心車站
全日本最高既天王寺Harukas 108就係近鉄既物業
黨鐵抄左佢嗰種發展模式，同半個地產商冇分別
但起碼近鉄有心過黨鐵搞鐵路

搭車去奈良就簡單
只要係近鉄奈良總站既車就上得
搭快速急行同急行會快啲到
加埋1個鐘有6班車，唔駛1個鐘就到


多數人都會出左站直接行出大路一路直行
去奈良公園同東大寺嗰邊
但因為我去過，所以就想去我未去過既春日大社先
於是就穿過商店街沿三条通一直行
非訓練人士切勿模仿，行撚死你
商店街最尾就係中谷堂，專賣麻糬
舖面通常會有2個阿叔係度打麻糬
1個負責打1個負責拉起啲飯
佢地既神之光速手打到上埋電視
不過可能呢日打完左，我地就睇唔到表演
朋友K跟人買左一盒拎住個膠袋掉掉Fing，之後就

除左第二日係清水寺睇紅葉之外
今日終於都好天番



因為呢度好多遊客
所以市政府都出左一個奈良鹿格鬥指南
描述4種遊客會遇到既情況，簡稱咬踢頂撞
但係點解冇教遊客既應對方法既
我本人就有1個建議
就係千祈唔好將食物放係當眼既地方
放左入背囊既都要包實佢
遲下講到咁上下我會解釋一下


奈良市以前叫平城京，係日本前國都
當時正值唐朝時期，大家交流頻繁
所以當年起左好多建築都有唐朝既影子
就算政治上遷左都去平安京，姐係而家既京都
奈良繼續係宗教上保持住原來既影響力
即使經歷戰亂，甚至二戰盟軍既轟炸
奈良同京都一樣都離奇地冇穿冇爛
大部分建築都真係保留到幾百，甚至千幾年
所以日本以"古奈良的文化財"申請為世界遺產獲批
其中一個建築就係興褔寺，出名多國寶
有幾多？日本接近5分1既國寶佛像都係呢個寺入面
更加唔好講好多建築都係國寶
呢個興褔寺五重塔，當然係日本國寶
第一代燒左再起番，而家係第二代
但都係1426年建成，有接近600年歷史
點解唔入去參觀？因為趕時間


由近鉄奈良駅穿過商店街轉左經三条通
行左15分鐘(本人步速)就會見到一個鳥居
穿過鳥居之後就係春日大社參道
恭喜你，你成功行左3分1路程 なに?!


呢度開始勁多樹
啲鹿好似有保護色咁要仔細睇先睇到

咁春日大社係咪都係坐巴士算

冇呀，真係行過去

一路行一路見到啲鹿係樹林遊蕩
因為呢度遊客少又冇鹿餅賣
所以氣氛好和平，你唔搞佢佢唔搞你


捕獲野生幼鹿一隻
啲鹿好撚串，如果佢地望到你冇野食
佢地就會露出呢個蔑視既表情行左去
鹿：行埋黎又冇野俾我食，過主啦屌


呢隻一睇就知係老鹿
毛色又深啲又有鹿角既痕跡
但係唔知隻角係甩左定俾人切左


行到黎呢度，離春日大社本殿仲有900m
但係計番我地已經行左超過1.5公里
計番時間仲要行多20分鐘
好彩冬天黎，夏天黎既話應該變左水人


行到咁上下終於見到有人流
因為冇乜人會好似我地咁on9行哂成條參道
係近鉄奈良駅搭巴士去春日大社前其實唔駛10分鐘
但係單程都要200幾yen，有Pass既當然就任搭啦
但我地呢啲窮撚係大阪過黎打下卡就算
唔買Pass既情況下都係行過去


行行下開始見到好多石造既燈籠
其實就係以前祈福獻俾春日神明既
同璟伏見稻荷大社獻鳥居一樣
所以都有寫低名既


如果你地記得之前我講過既野
應該知道朋友K就咁拎住袋麻糬黎行
結果係我地停影相既時候有隻鹿咬佢個膠袋
扯爛個袋之後仲要好醒用條脷揭開個膠盒黎食
朋友K：屌，啲鹿咁撚勁既
因為睇到呢樣野我先有之前個建議
就係唔好放食物係當眼地方
佢地睇唔到都聞到，就會全部聚哂埋黎
之前冇事可能因為我同朋有K都真係行得好快

有冇食到

4年前仲記得咁多野

睇完個早餐 好想食牛肉飯
為左唔去吉野家 我聽日去買料自煮

THEN

呢期公司勁撚忙
更新時間會延遲，請見諒

隻鹿食飽完就自己走左去
但我地都要執番啲手尾既
之前我去便利店買野都儲埋唔少膠袋
拎左個俾朋友K執番個爛膠盒走之後就繼續行

行多5分鐘之後 (總共行左半個鐘有多)
終於見到春日大社第二個鳥居，人都多左好多
因為隔離就係巴士站同旅遊巴停泊點
係得我地咁on9行哂成條參道
呢度有個大牌寫住第60次弍年造替
弍姐係20年，造替姐係翻新整修
乘番數就代表春日大社起碼有1200年歷史
名符其實係日本國寶兼世界文化遺産
相傳春日大社係由關東既鹿島神宮建立
當時用當地既鹿將御靈運到春日大社供奉
啲鹿運完個神過黎就變左神使
地位高尚冇人敢郁佢地
以前真係唔俾殺鹿，殺左係要處死
嗰啲鹿就係奈良落地生根就變成而家咁
而家就成為奈良既象徵之一


影靚相真係要配合住天時地利人和
呢度附近好多高樹遮哂太陽，正常影相唔靚
但係而家咁啱就係中午12點正，太陽直射落黎
所以自動打番燈，個鳥居即刻sharp哂
而且平時啲鹿見到野食同埋女先會行埋黎
難得見到呢隻迷途小羔鹿企係鳥居下面唔郁
我行埋去摸幾摸佢又唔走喎，超乖
同埋唔知點解前一刻呢度仲好多人打卡
突然間啲人散哂冇乜人企係附近阻住
即刻叫朋友K拿拿聲企正隻鹿隔離影相
而奇蹟地咁啱得咁橋隻鹿係望住鏡頭
成個旅程我最滿意既一張相就係度出現了
鹿：
之後隻鹿都未走，我叫朋友K照辦煮碗幫我影番張
點知啲角度構圖錯撚哂，影左啲垃圾出黎，DLLM
垃圾就唔拎出黎喇，靚相就拎出黎公審啦



行過左第二個鳥居就入到春日大社既核心範圍
見到好多鹿，可能因為見到呢度多樹林俾佢地生活
相比起市區啲鹿，呢度鄉下啲
攻擊性好似冇咁大，都唔會reject俾人摸
點解我咁講，遲一個post你就知


可能頭先張相我覺得太完美既關係
去到春日大社覺得個景唔夠靚提唔起勁影相
所以好奇怪地我係一張相都冇影過
其實係因為春日大社勁多人
我驚亂影人會俾人捉番差館食豬扒飯
下一張相已經離開左大社行左去若草山腳
有巴士上到去若草山頂，單程100yen姐
不過我地今日有少少趕行程，所以就唔上去了


呢度十足十Windows XP個wallpaper
不過因為正值冬天 (氣溫5度)，所以啲草枯黃哂
但啲鹿都繼續食僅餘既草苗


朋友K：俾部iPhone你地食
鹿：呢條友做乜鳩

就係食到先勁
朋友K死死地氣回程過番去買

因為算係第一次自己自定行程同fd去
所以睇番相都仲會記得番
啲行程野都有留番record，所以都寫得番出黎

有機會嘅都想跟你咁玩

其實係屋企煮既話
用萬字豉油，味醂，糖，水 1:1:1:1煮個汁
唔想咁鹹就用鰹魚汁醬油
煮到有少少杰啱味就倒番出黎備用
之後用個pan炒洋蔥炒到少少透明開始林林地
拎啲肥牛出黎一齊炒到佢開始出油出水
最後倒埋個汁落去煮到肥牛全熟就上碟
好食過你扑野家9倍

Season's greetings! Wishing you a season full of Yuletide cheer. May the beauty of the vacation warm your spirit!

撚完鹿就經奈良公園行番去車站
中途會經過東大寺望一望
都係嗰句，附近都係冇人既
係得我地2個on9仔先會行過去


奈良公園鹿就冇喇，鴿就大把
紅葉就冇喇，松樹枯樹就大把
我懷疑係前幾日落雨+大風吹跌哂啲葉


行到東大寺附近就開始人多，鹿都多
可能因為爭地盤爭食爭女
2隻老鹿就角對角隻揪
隔離啲人類就係度吶喊助威包括我
啲鹿就係度食花生
冇記錯爭持左分幾鐘佢地就和好番
唔通啲鹿叻到識得係遊客面前表演


因為呢日真係好凍
啲鹿好似貓咁將啲手手腳腳收埋哂
好搞笑



東大寺又係另一個日本國寶兼世界遺產
建寺時間同春日大社差唔多
大約都係公元八世紀遷都過黎既時候
因為個寺既位置係皇城既東面，所以就叫東大寺
有東大寺當然就有西大寺，就係皇城既西面
位置就係近鐵既大和西大寺駅隔離
平安京，姐係而家既京都市區都有相同設計
有東寺，都有西寺(冇左)，中間就係皇城(冇左)



東大寺大部分木造建築都係國寶
例如呢個南大門，而家係第二代
高25m，有超過800年歷史
係門既左右擺左2個木雕，都係國寶
南大門入面就係大佛殿
係第三代建築，有超過300年歷史
係世界最大既木造建築，高48m，長闊超過50m
入面放左個國寶大佛，由建寺到而家都係嗰一個
所以有超過1200年歷史
個寺我就冇影到相，除左唔想影佛像之外
而且因為過左南大門影過去
個建築都大到我相機影唔哂


呢度見到紅葉樹，但已經係凋零狀態

去完東大寺就去下一站 - 大阪城
用公共交通去嗰度係十分方便
大阪城公園呈五角形，每隻角都有鐵路站
近鐵冇得直接到，要轉車
首先係近鉄奈良駅搭難波方向既快速急行/急行
之後係鶴橋駅轉JR大阪環狀線
雖然環狀線有1個站正正叫做大阪城公園
位置係公園右邊隻角
但係我知道呢個站一定迫滿遊客
所以就搭少1個站，係森ノ宮駅落車
係公園右下隻角行過去
但如你所見，都真係幾撚遠
所以今日係步行日



呢度雖然係遠啲，但係少人好多
比起奈良，大阪城啲紅葉樹多好多
顏色都好靚，所以沿途行過去個景都好靚
但有個缺點就係呢度十分空曠，所以好Q大風
好撚凍呀師父





行左大約10分鐘就行入內城
呢度可以上佢個城牆，可以係高處望過去
唔望由至可，一望過去大阪城
屌，點解仲咁遠咁既

LM

如果大家唔係好明我點行去既話
可以睇下下面官方個圖，我正正就係咁行
森ノ宮駅行去大阪城天守都要1.4km
姐係彌敦道油麻地行去太子咁遠
https://www.osakacastlepark.jp/images/pdf/map_jp.pdf

行下停下20分鐘終於行到去櫻門
呢度要補充少少歷史知識
天守既建造發展於戰國時期
當時四圍都打仗，啲大地主驚俾人搶掠
所以起一個高層建築出黎當暸望台睇水
天守幾十米高，係上面一望就望到幾十公里外既動靜
但都代表敵人幾十米外都望到你
於是就係周圍起城牆護城河做防護
呢度係大阪城天守最後一道防線
所以櫻門道門係用好厚既鐵鑄造
而通去櫻門既路只有一條，仲係上斜
所以敵軍攻黎既時候可以做好多野檔住佢地前進
例如門口推大石碌落去，倒油倒釘咁
等啲敵軍叉錯腳避唔切就跌落護城河爬唔番上黎
乜咁似獎門人啲遊戲節目咁既
假如佢地真係攻得入，又要推開嗰道勁重既門
中途仲有機會俾城牆頂啲兵亂箭射死
大大減低被攻入既機會


一入到去就會見到幾檔美食車
價錢通常會高過嗰種食物既平均價
梗係啦，旅遊點喎，你啲遊客邊度識格價
不過都係食風味為主，我嫌貴所以就冇食到


朋友K第一次黎，一場黎到當然陪埋佢上去
天守隔離就係售票處，買左飛行樓梯就入去
天守入面搭電梯上頂樓，好Cyberpunk



上次去大阪城天守感覺唔太好，因為多人
今次更加唔好，因為更加多人
尤其係多左好多戴住帽既同胞旅行團
天守中間嗰幾層係介紹大阪城既歷史
但大部分阿叔阿嬸遊客都係直行直過
因為佢地對呢啲知識性既野都冇興趣
正如我帶阿媽行博物館佢都係咁
如果想知多啲歷史可以睇我上次個post
由#101睇落去有詳細既講述

2014夏 - [處男親善訪日之旅]7天京阪鴨仔團
https://lihkg.com/thread/2169568/page/5

大阪城應該去2月去睇舞台劇

Hollister offers you a discount if you buy three V-neck t-shirts. Zara is giving a thirty five discount on the red sweatshirts for men until the end of next month. There's a discount of forty percent on the white down coats until the end of the week. Students receive discounts of up to twenty five percent on the gray sweatshirts and all swimming trunks until the end of February. The price of the swim trunks without discount is around three hundred and forty dollars. The price with discount 8s only two hundred and ninety dollars. The discounts apply to only students. Zara is offering a ten percent discount on all denim jackets. Hollister is also giving a discount of twenty percent in all leather jackets. Both companies are offering discounts of up to fifty percent on some quilted jackets until January. Last Thursday, I bought a pair of swim briefs at a big discount. My friend Eleanor also purchased a pair of high heels, A pair of mom jeans, a padded jacket and a red blouse at huge discounts. My cousin bought a pair of flats and sneakers (trainers), a pink bikini, a blue tankini, a green swimsuit or bathing suit and a navy blue t-shirt at deep discounts.

如果大家有去過木造既天守
例如姬路城，松本城嗰啲
頂樓除左樓梯個窿之外都係空地
所以就算好多人上去都唔會特別迫
但係大阪城天守係用鋼筋水泥做
入面有電梯直上頂樓
但又有1條上行同1條下行既樓梯
本身都已經佔用左頂層唔少空間
但係咁都不特止，佢仲將其中一部分分俾商店
果然貫徹左大阪人嗰種搵錢搵到盡既性格
所以我地係下面嗰陣行樓梯上去既時候已經塞塞地

頂樓既外圍就係觀景台，得1.5個身位俾你行
有個肥少少既人企係度睇風景分分鐘變單程路
而且可能怕人手多多亂摸
啲閃令令既野都用膠板封實左



可能因為驚人跌落街或者跌野落去
所以出面仲整左個鐵絲網做防護
可能因為驚俾人屌整哂鐵絲網點影相
所以鐵絲網中間專登開個窿
大佬，我隻手冇路飛咁長伸出去影喎

天守西面個廣場搭哂場搞show
如果有睇番我前面啲相應該見到好多紅色直幡
其實就係2016年NHK大河劇真田丸既祭典
套劇係由大家都好熟悉既堺雅人飾演主角真田信繁
套野都幾好睇，大部分都跟史實
大阪城同真田丸本身都有段故事
真田信繁係戰國末期名將
係關原之戰因為變節而遭流放
之後德川家康統一天下，建立德川幕府
開始清算舊有勢力鞏固政權
對以前侍奉過既前一代霸主豐臣家宣戰
所以豐臣家就四圍搵佢啲仇家過黎幫手打仗
信繁就偷走去豐臣家既根據地
號稱最強要塞既大坂城參與戰事
佢發覺大坂城三面環水，但南面就係平原
於是就提出係南面弱點起一個細城增加防禦力
而呢個由信繁所設計同建造既城就叫做真田丸
係大阪冬之陣以少勝多，打到德川軍要撤退
不過最後都係輸左，個城要拆


南面就見到金鯱，外型係虎頭魚尾
傳說係見到火就會噴水既守護神
天守通常會有呢舊野防止火災


西南面就係頭先行過黎既地方(有條橋嗰度)
好闊嗰座山就係生駒山，隔左奈良同大阪

加油 繼續寫埋佢

行程仲有幾多日？

頭先check番啲行程record
原來我地係機場嗰陣買左Osaka Amazing Pass 2日券
其實就係一張車飛咁既樣
搭車插張卡入閘機嗰陣個背面就會印左時間
有效時間就係當日起開始計連續2日
期間大阪地鐵任搭，亦都包左大部分大阪市區旅遊點門票
4年前張飛只係賣2300yen
而家包多左唔少貴價門票
所以而家加價到要成3600yen
如果係純大阪市區玩
當年我地下午去大阪城天守閣先開始用
奈良去森ノ宮係近鐵+JR，用唔到
門票600yen，咁樣計實際上只係用1日半
但我地之後去埋通天閣同藍天大廈已經回左本有突
都仲未計可以瘋狂搭車唔駛行
BTW我地去大阪城既時候嗰度冇閘機印時間
check飛嗰陣只係用marker寫時間上去
如果賤起上黎你可以捽走...

呢張飛亦都可以就咁買1日券
包既門票同2日券一樣，但唔止可以搭地鐵
係大阪市區內所有大手私鐵都可以任搭
如果仲想去遠啲仲有1日券擴大版
可以係1日卷既使用範圍之外
另加阪神，阪急，南海電鐵
或者monorail(去到萬博紀念公園)是旦一間私鐵路線
最遠可以去到神戶同和歌山嗰頭，當然包埋機場
所以剩係玩大阪近郊同市區景點都幾抵玩
奈良就唔計，因為近鐵冇同佢合作

講番大阪城，係上面都唔係特別多女風景睇
所以行左1個鐘就走番去心齋橋
今次就行去谷町四丁目駅搭地鐵返去
又係行到仆街


中途會經過呢幢好奇怪既建築
其實就係NHK大阪放送局同埋大阪歷史博物館
我地張Pass可以免費入場
但係得番唔夠1個鐘就收皮，睇得啲乜
所以就冇入去


番到去酒店放低野又去搵野食
雖然只係5點，但我地早餐之後都冇食過野
所以真係好肚餓，諗住快靚正搞掂佢
本身我就係松屋既堅實支持者
但係朋友K就好想食一蘭
因為冇食過就好似冇去過心齋橋咁
雖然講唔出咩野大道理
但係我聽完之後覺得非常之有親切感
所以我受到感化專登帶佢去食
但真係估唔到呢個時間都要排
定係個個都有早黎就唔駛排既錯覺
一蘭係咪好食到要排隊呢，Well...


其實一蘭落單既流程我覺得係有點兒那個
首先排隊既時候店員會派紙筆俾你
張紙寫住湯底濃度，麵軟硬度嗰啲俾你圈
但又冇指示講個落單流程
啲素人(姐係未食過既人)以為入左座先慢慢諗食乜
排到入去既時候見到個食券機
先至意識到原來而家就要決定食乜
跟住啲人先拎錢出黎慢慢禁
但機就得2部，就俾2班遊客霸住黎禁
我地等左成5分鐘先空到部機禁食券
由5點開始排到搭半先至入座
坐低就交食券同張紙俾竹簾伸出黎既手就得

一蘭本身有個乜都有啲既套餐
本人窮撚，叫個普通拉麵加隻蛋就算
上次食普通辣唔夠喉，今次就2倍辣
味道同我上次食一樣既，都係濃厚既豚骨湯底
麵條係細麵，雖然唔彈牙但係好索湯
溏心蛋煮得幾好，仲有少少流心
但係我係日本食過唔少豚骨拉麵名店
一蘭係唯一一間我食完會覺得口渴既拉麵
所以我就唔會特別推介呢間野