[紅葉。基友。京阪奈]兩個小生去日本7天團

行去祇園四条沿途都有唔少紅葉睇


但當行到去一個位突然間見到好多人停哂係度
一望入去原來係高台寺既通道
雖然條參道好短好窄但係好有feel
唔係講緊鹹濕野
所以留左係度影左成15分鐘
唔講咁多，多圖少字

11點半終於行到黎四条通
四条通就係京都另一個商業區 - 河源町既所在地
類似係香港既彌敦道咁，附近好多百貨公司同舖頭
而四条通西面終點就係八坂神社
呢一間八坂神社係全日本幾千間八坂神社分社既總本社
代表靈力最強，係度求消災解厄特別靈
呢度亦係日本神社三大祭典 - 祇園祭舉行既地方
當年為左求瘟疫退散而搞，而家每年7月都會搞




入面有啲攤檔賣野食
不過因為啱啱開檔所以未有野食
同埋都真係幾貴


呢棵紅葉樹紅得好靚


朋友K見好多人去參拜於是拜埋一份
但係其實拜之前要去個水池潔淨左先
不過冇事既，細路仔唔識世界
神明應該唔怪佢既

我去嗰陣得幾度
應該冇人夠膽除鞋洗腳既

行完八坂神社就行去花見小路
但太早到未開門，啲舖門都係緊閉
所以係冇乜野好睇
之後就行去錦市場食飯
呢度號稱京都人既廚房
設計同黑門市場差唔多
不過條街就長啲舖頭比較多元化
但因為好多漬物店，成條街聞落好酸



黎到既時候正值食飯時間
成條街都好多人好似我咁搵食
於是我就用左最能夠節省時間既食飯方法
事前我冇做research，見到乜就食乜
姐係掃街

首先係十字路口既一間精肉店鳥清
本身係做雞肉檔，但有做炸雞
呢杯雞翼啱啱炸起，仲起左骨等你可以一啖食哂
香口得黎有少少脆但唔乾，幾好食
最好搵fd一齊夾，因為都少少貴


之後就係隔離舖買左1塊玉子
味道普通，唔駛特別試


行前2個街口有間叫做こんなもんじゃ
係賣開豆製品，最出名係豆乳冬甩
不過我今次係食豆乳雪糕
唔甜得黎又好重豆味
溶係口好似飲緊好濃既豆漿咁
插住嗰條就係八橋，號稱日本最硬和菓子
又可以當羹用又可以食，一舉兩得
千祈唔好嘗試咬斷未經處理既八橋，你啲牙崩左佢都冇事
食到咁上下條八橋就會吸水變淋，到時先好咬
而且仲有樣野好，就係冬天食係唔會溶既
臨走前encore左杯行住食

樓主啲手指有啲似女人

死基佬

已封鎖會員 - #19_Rashford

lm 樓主 都去得幾密

留名

之後行番轉頭睇下有冇走漏眼
見到有好多人去買可樂餅於是走去望下
因為只係100yen 1舊所以買黎試下
望落好正常，一咬落去不得了
屌，朱古力黎既
古有明將排隊探伏，今有井上佃煮店排隊等中伏
味道又冇想像中咁差既，啲朱古力半溶得黎都幾滑
個皮都炸得脆又唔多油
只係日本人對甜既定義超過我既界限
對我黎講舊野好撚甜
不過間野同明將一樣壽終正寢左，可謂人民之褔



之後去丸常蒲鉾
呢間野專食魚糕既炸物，超多人
咁啱見到有新鮮炸起既就專登叫左舊黎試
呢舊野名堂叫牛油薯仔
一般魚糕食落係爽口彈牙
呢舊野因為有溝薯仔所以有少少粉粉地
食落係幾香口，熱辣辣幾好食
不過都係嗰句，有少少貴，成200幾yen



之後就係錦市埸最多人排隊既舖頭
就係カリカリ博士既章魚丸
有幾隻味揀，但因為我地未食過所以揀原味
呢度既章魚丸唔同香港同大阪咁硬身
係比較軟身，入面一pat pat好似未熟咁
同明石燒有少少似，不過係姫路食完有陰影
味道係幾好既而且又抵食


頭先食左幾樣野其實都已經駛左千幾yen
但都好似唔係好飽，可能因為凍
早知就去屌個松屋，500yen唔駛水任飲
之後就行去搭巴士，要行去三条通
之前講過古京都規劃係好似棋盤咁
打橫既大街係一条至九条命名
由北到南順住排，而家都仍然有呢啲大街
不過就叫"通"
細街就叫小路，好似梅小路
錦市埸，河原町，八坂神社就係四条通附近
行去三条只係向北行去大街，5分鐘都行到
於是就行落鴨川邊行過去
呢度計又行多左3.5km，總共行左差唔多10km
大約係尖沙咀行去新都會廣場咁遠

唔夠飽就宵夜食松屋啦

上次夏天黎呢度好多人坐左係河堤
因為視野廣闊又涼爽又多女昅
情侶們fd子們唔駛專登去Cafe消費
坐係度傾下偈聽下水聲唔駛錢又一日
但係而家係冬天 (陰天，氣溫6度)
所以證明日本人都係怕凍既


呢度係鴨川，真係有好多鴨架


除左鴨之外仲有烏鴉同鴿
唔知係我錯覺定點，呢度啲鴿咁肥美既



下一站去金閣寺
雖然想行路過去但真係無能為力
搭鐵轉到頭暈之餘又要行好遠路
所以只可以靠的士巴士
河原町去金閣寺有3架巴士直接到
錦市場行番出大路嗰邊有個大站
但係嗰個站長期都咁多人又多線，好似彌敦道咁
為免上錯車，上唔到車，上左車冇位坐
我地就行前2個站去三条京阪前上車


點解我咁唔想搭巴士，係因為京都成日塞車同埋班次太疏
第一次去日本已經係清水道等左10架都未上到車返京都駅
之前河原町呢一段四条通已經係交通黑點
因為係繁忙既商業區，所以又多車又多上落貨
同觀塘一樣乜野時間都塞死哂
之後市長為左解決呢個問題
諗左一個超越八奇思考領域既計謀 - 縮減行車線
以前每邊都有2條線，而家縮得番1條
啲司機知呢條路得1條線就會行第二條路
有需要既車先會駛入去，減低車流量
行人路闊左又可以令遊客行得舒服啲
舖頭又開心，空氣又好左，短期成效的確係唔錯

但係京都遊客人數係接近幾何級數上升
當中大部分都係同胞
好快就因為太多人等巴士去景點，但巴士又唔密
啲人見有車就死都要塞上去，因為上唔到又要等好耐
都幾符合國情
變相增加左每架車既上車時間
就會出現放工時間巴士等前車上齊客駛走先埋到站既現象
呢度得1條線，所以後車要硬食停低等巴士入站頭先超到車
但偏偏呢個站係巴士必經之路，硬食塞車
最後全程車搭左1個鐘，係嗰度塞左20分鐘

上車我坐最尾嗰行窗邊朋友K坐隔離
去到四条河原町就上爆左架車+要企位
隔離就坐左對香港人情侶，講既自然係廣東話
但佢地講既野都幾令我嘩然，好撚心刻
嗰對情侶各自有另一半但過黎偷食，WOW
我就同朋友K全程唔出聲聽佢講野
到站既時候佢未落車，想叫佢借借
朋友K坐出面同佢講「Excuse me」
咁個男既就行落一級俾佢過，仲笑笑口咁
我就仆街黎既，同佢講聲「唔該」
佢即刻好似見到鬼咁向後踏多左步咁
最後奉勸大家，就算係外國都隔牆有耳
香港人都可以好似日本人架

咁口賤好仆街

上年追紅葉有無撞正台風十九號？
上年飛左兩次紅葉trip 十月果次食到正 中埋四級地震

唔係上年，係4年前

2014 2016 2017 2019我都有去
今年....... 我屌你支那武肺老母

The best hotel is Four Seasons but its air conditioning is set too high.

金閣寺正名叫做鹿苑寺
由室町幕府第三代大將軍足利義滿命名
寺入面最標誌性既建築舍利殿係由金箔裝飾
好多人剩係記得個殿係金色而唔記得個正名
久而久之就叫佢做金閣寺
當年日本以"古都京都の文化財"名義向聯合國申請
將京都同周邊地區17個古建築申請為世界遺產
金閣寺由於係京都歷史同文化佔有一個重要地位
所以被列入其中，並且係1994年成功登錄
同樣被列入既有清水寺，平等院，二条城等等



呢度係大正14年 (1925年)已經列為史蹟名勝
因為有政府協助所以保育係做得好啲


清水寺既入場券係一張書籤
而金閣寺既入場券就係一張好似符咁樣既野
全部都係中文字，唔駛我特別解釋啦
我傾向相信啲字係印而唔係寫既
如果唔係撞正Golden Week寫過萬張咪手都斷？！


呢度就係金閣寺既舍利殿
總共有3層，上面嗰2層除左屋頂之外都係金色
地下嗰層就有木造既足利義滿坐像，木造觀音等等
面向既水池同舍利殿形成倒映，叫做"逆さ金閣"
今日多雲，但好在水面都算平靜，都仲睇到既
上網睇到如果天氣晴朗+冇風，個景會超靚

等咗成日 30秒睇完

金閣寺係室町文化前期北山文化既代表建築
大約係1397年建成，至今有超過700年歷史
之後就係桃山文化，主要就係瘋狂起天守閣既時代
足利義滿退位俾個仔之後就係呢度出家修禪
同以往一般霸主一樣，剩係起得靚唔夠
仲要貼滿金先配得上幕府將軍
而且造出黎既園景種左大量松樹
俾人平靜既感覺，最適合作為禪寺修行
亦成為日後日式造園既示範作



金閣寺舍利殿經歷過幾場戰亂都倖免於難
建成100年後發生應仁之亂
室町幕府位於京都既大本營被戰火侵襲
將鹿苑寺其他建築燒清光，但燒剩湖邊既佢
明治時期因為天皇重新掌權而提升神道教既地位
所以佛教被打壓，好多佛寺關閉同拆卸
同一時期既廢城令都搞到好多天守閣拆卸
好彩鹿苑寺本身地位高，最終都保得住
到之後二戰盟軍都冇點樣空襲京都，大量古蹟都冇事
經過600幾年戰火都仲保持完好
偏偏就敗係人禍，係1950年被1個厭世既僧人縱火
除左舍利殿燒清光之外
真正既木造觀音，足利義滿坐像(國寶)同大量古經書燒毀
而家你見到既係1955年用番明治時期整修既圖紙重建

雖然舍利殿係史料記載話真係貼滿金
但係呢個世界上冇人好似都敏俊咁話見過當時既樣
究竟個華麗程度有冇吹大到其實係冇人知
而睇番燒毀前既相其實就冇咁金色既
因為過左咁多啲金都剝落哂咁滯
同抄參考佢咁起既慈照寺(姐係銀閣寺)個樣差唔多
反而有嗰種融入日式庭園寺廟實而不華既風格
但研究人員檢測後發現建材上表面都有金箔既痕跡
因此推斷舍利殿本身應該都係全金色
所以決定"忠實呈現"舍利殿本來既面貌
就係一樓以上貼滿金箔，姐係而家既樣
咁而家呢個面貌就梗係有特色啲既



白蛇の塚既典故有好多講法，我就唔講喇
個牌下面有3舊石，其實係石刻既佛像
中間有個碗，據說掟得入就會願望成真
好多人都拎啲散銀掟，不過下場通常都係


君の名は？ (當年正是2016年)

金閣寺行左1個鐘，又要趕去下一個景點
中途經過呢間好唔起眼既金閣寺郵便局
因為京都市政府規定左除左建築唔可以太高之外
係名勝附近既建築亦唔可以過於浮誇
以免影響古都既形象
所以連郵便局都唔可以用大大個紅字白底Logo


下一站景點就係嵐山
金閣寺去嵐山冇得一程車直接到，就算搭巴士都要轉車
轉車就冇轉乘優惠，2程車加埋姐係460yen，成30蚊港紙
而當時作為初階交通魔童既我決定用番常用既嗰一招
冇錯，就係行路
我就好憎搭巴士既，有得揀搭鐵就搭鐵
係地圖睇最近就係去北野白梅町駅
過左金閣寺郵便局就咁轉右一條大直路就到
之後搭嵐電就會到嵐山，十分方便


---------------------------------------------------------------------
：K，我地行路去車站搭鐵
：又行...今次行幾遠呀又
：好近姐，大約1.5km
：屌，有冇巴士搭呀，而家冇錢咩
：你等得黎我都應該行到，你望下個巴士站
：(望到啲人龍)唉屌好啦行啦
：計畫通り
---------------------------------------------------------------------

因為冬天好快就天黑，越行就越凍
本身我地2個一邊慢慢行一邊鳩up下
去到後期用接近競步既方式衝住行
Google Map話要17分鐘既路程，我地15分鐘行完


一入到站就見到有車等緊就快開
所以就唔慢慢影上左車先講
嵐電其實係電車，不過有時係路面同車一齊行
有時就行路軌，都幾有特色
北野白梅町駅屬於北野線
要去嵐山駅就要係帷子之辻駅落車轉乘
不過都好方便，計埋轉車半個鐘唔駛就到



平時嵐山既夜晚係冇乜特別
呢一日就撞正京都嵐山花燈路
所以附近都有亮燈，吸引好多人黎
我估啲舖頭都專登開夜左，所以超級熱鬧
但我就最憎同人迫
朋友K叫我去影相留念，咁好啦

Lm

成條街都好多人
不過如果我同你地講而家係下午5點半都未到
你地信唔信


呢度就係渡月橋，位於桂川上遊
夜晚睇落好似冇乜特別
呢個位天氣好既時候勁靚





之後就行番轉頭去竹林之道入口
因為嵐山花燈路只係呢1個星期先有
所以唔止遊客多，就連日本人都極多
咁同日頭睇有乜分別呢？
一黎佢用射燈光射住啲竹林
主要用黎防止有人仆親修飾環境
二黎佢中途順便放左啲藝術品
等你地除左睇竹睇紅葉之外都有其他野睇下



但個問題係呢度真係好黑
用幾年前既手機鏡頭行住影基本上係鬆郁濛
所以啲人好多都係行行下就停左係度影
所以人流慢上加慢，舉步維艱
我係度影左200張相得10張用到

叫得做花燈路，成條路既路邊都有花燈
但其實花款都冇乜幾多個
就係紫色，藍色同彩色




我就覺得佢用番白色同黃色既燈就夠
突然間竹林有啲藍色燈就好似好唔夾
凝住嗰度有野會行出黎咁


行左成15分鐘終於行到天龍寺北門
算係成個竹林之道比較闊既位
呢度附近好黑又多人，都幾容易走失
除左最常聽到既"Wow" "すごい" "きれい"呢啲感嘆詞之外
就係"どこ?" "どち?"呢啲對位置表示疑問既人
因為竹林全部都係竹，好難講自己係邊
呢度有個"天龍寺北門"既牌
所以做左失散人士聚集區


繼續行入去就係成個竹林最壯觀既位
同頭先好唔同，呢度打燈打到勁光
應該係因為呢度係官方打卡位
所以完全唔驚唔夠光影唔到相
但係呢度仲迫過第一日新開既中環Donki
個個都企路中心務求影到張靚自拍
當然我都唔例外，不過無圖