[紅葉。基友。京阪奈]兩個小生去日本7天團

呢啲大阪燒真係同女玩下就ok,又貴又唔飽肚

正宗大阪燒唔係咁岩香港人口味
太濕

冇學生妹圖

呢一日最後一個行程就係去藍天大樓睇夜景
不過離天黑仲有一段時間
所以食飯既時候係度諗中間個卡啦時間去邊
雖然張Pass都包幾多景點門票
但係大部分都唔係太吸引
例如搭船 - 凍冰冰吹到變雪條，不了
摩天輪 - 我又唔想俾其他fd誤會我係GAY既
聖誕節去摩天輪咪盞閃盲我隻眼
博物館 - 5點就收皮，而家都3點，未行哂就俾人趕
結果我地就去左梅田行Yodobashi消磨時間
行到5點幾仲諗住斯斯然行去睇日落
點撚知日本冬天夜晚原來好早就天黑
5點半就已經完全黑哂
咁好啦，唯有而家先出發

藍天大樓個外觀好易認
Exactly就係當年大學出面個磚陣咁
2幢大樓最頂嗰幾層駁埋左
話就話係梅田，你係梅田站都望到佢
但並唔係地球是圓的望住佢就會行到過去
藍天大樓同梅田站中間隔住一片超大空地
如果要係梅田站行過去
首先要行去GRAND FRONT OSAKA


去到就會零零舍舍見到對面馬路有一條都幾多人行既路
呢條路就係梅田站去藍天大樓既唯一通道
行到咁上下又無啦啦要落隧道
上番隧道就會見到藍天大樓
空地之前係梅田貨物駅，不過已經拆左
將來會變新發展區+地底新鐵路站
はるか預定2023年改道停埋呢個站
遊客可以搭JR係關西機場唔駛轉車直達梅田
到2031年なにわ筋線完成，南海電鐵都會通埋過黎
呢個地底站將會成為南海電鐵，JR同阪急既共構站


藍天大廈下面有啲彷德國既聖誕市集
另加一棵有少少鳩既聖誕樹
有酒飲，有賣薑餅，有女女睇
不過價錢都幾唔親民
500yen一細杯生啤仲要企係度飲


藍天大廈中間個位係穿窿既
駁左一上一落既扶手電梯去觀景台
上去既話要轉幾次電梯先到售票處
不得不提就算過左咁多年
我都仲記得售票處有4個reception姐姐
佢地著住制服戴住帽指示啲人排隊
全部都超級靚女，靚過哂好多明星同主播
連朋友K都話正
唔知而家佢地仲係唔係度
如果要我比較，佢地靚過大阪個夜景囉
不過冇圖




我懷疑好多人一係就睇完日落就走
一係就因為仲早就未上黎
我係地下上到觀景台唔駛10分鐘
上到黎呢一層就係室內，所以影相好易有影


望番去大阪站燈火通明
唯獨係隔住嗰個個空地完全係黑既


之後行樓梯可以上一層露天
呢層就冇乜燈，不過都唔驚仆街
因為地下有啲螢光閃石都睇到條路



至於個夜景靚唔靚，我就覺得麻麻地
一黎大阪係個平原冇乜高低起伏
望過去冇乜特色
二黎佢個護欄太闊，影唔到向下
梅田啲樓又唔係特別高，搞到唔知影左啲乜

THEN

展望台去哂haruka300多

睇完個夜景之後就係時候準備第二日返香港
所以就唔係梅田搵野食，走番去道頓堀
因為貪嗰度近酒店又可以買齊哂啲手信
衰極都仲有間大Donki買啲平野俾姨媽姑姐
是旦求其去左四天王食拉麵就算
買完野順便去7仔買左個Häagen-Dazs雪糕
呢個楓糖曲奇雪糕好好食
入面有啲一粒粒既曲奇
甜又唔算好甜，最啱做宵夜



Day 7
飛機夜晚6點起飛，預番差唔多3個鐘去機場
難波去機場預1個鐘
checkin + 過關 + 搭禁區列車預1個鐘
剩番1個鐘望下免稅店
本身仲諗緊市區仲有乜野好行
可以hea埋酒店checkout之後嗰幾個鐘
咁啱前一晚Google到機場附近有outlet
位置就係関西空港駅前一個站
りんくうタウン駅(臨空城)

南海電鐵有得上網買套票，1730yen
https://www.howto-osaka.com/tc/ticket/web-rinku/
包難波去臨空城，臨空城去機場既車飛
同埋1000yen outlet消費券
睇落好似好抵，但係我未必會買野
張消費券我未必用得著
而車費只係1150yen，平過買嗰張套票
咁我就梗係唔買啦
想偷我雞？冇咁易

所有去機場既列車都係臨空城有站
左邊嗰架係Rapi:t，架車靚咁多梗係收貴啲
停站少啲，全車指定席，所以會舒服啲
但本人窮撚，都係搭番右邊呢架空港急行
站停多啲，但係同Rapi:t都係差10分鐘車程
不過超多人搭，未必有位坐


係難波站出發大約40分鐘就會到臨空城站
落左車對住個摩天輪行就到



個摩天輪超大，不過因為係閒日中午
所以都唔覺有人走上去


臨空Premium Outlet係屬於三菱
係日本黎講規模比較細
呢個outlet算係佢旗下交通比較方便嗰個
其他都係開係深山或者揸車先去到既地方
香港人比較熟既就係御殿場嗰個


我去既時候個outlet仲未擴建
所以唔算特別多野行
不過大部分運動牌子同名牌呢度都會有
海邊呢個部分當時仲係一片爛地
而家好似變左美食廣場同埋商店
望出去條橋就係陸地去關西空港唯一既通道
上層俾私家車行，下層俾鐵路行
2018年打風既時候俾一隻漂流既貨船撞到移位

攞住行李就咪同居民逼急行啦

水貨客

我去過咁多次關西空港
除左第一次跟團係搭はるか之外
全部都係慳錢搭南海空間急行
搭Rap:id都係快得10分鐘，不了

一場黎到當然食埋飯先走
我地行左成個outlet一圈
用一個都幾準既方法判定食乜
就係「下午1點有邊間餐廳仲係要排隊」
結果就揀左呢一間まめ寅
主要係食和食同天婦羅
但係睇餐牌嗰陣做左認字特警
除左烏龍茶之外全部中譯都錯哂


好彩黎嗰個餐冇叫錯
雞肉柚子烏冬天婦羅套餐
烏冬好滑兼彈牙
湯底有淡淡柚子清香，係昆布湯底
飲落有少少柚子既酸味，不過淡左少少
雞就鞋左少少，但都好食
天婦羅炸得好好，吸油紙都冇乜油
有魚，蝦，南瓜，鮮菇，茄子，青椒，四季豆
上枱時仲係熱辣辣，味道唔錯
但係日本當柚子烏冬係配菜
所以都係會配碗飯俾你
之前睇月矅有外國人吐嘈呢個問題
日本人係會「え~~~~」咁樣
佢地係覺得炒麵麵包，拉麵配炒飯係冇問題


食完飯又冇野行，都係去機場算數
呢度有巴士搭去機場，200yen
雖然平，但係平日差唔多1個鐘先一班車
所以我地都係行番去搭鐵
りんくうタウン駅本身係一個共用站
JR西日本同南海電鐵係度匯合共用同站設施
月台設計類似東京市區內山手線京浜東北線咁
1-2號月台都係関西空港駅方向
2條路線共用路軌經関空連絡橋去到関西空港駅
3-4號月台係各自路線既分岐點
JR西日本就係和歌山 / 大阪 / 京都方向
南海電鐵就係難波 / 和歌山市方向
拍卡入閘之後可以是旦揀一邊黎搭
去関西空港駅價錢一樣
只係落車月台同出闡位唔同咁解
咁樣計落唔駛10分鐘就有一班車
千祈唔好上錯特急
搭幾分鐘要補幾百yen就無謂



今次揀左南海電鐵黎搭
黎到呢個站就代表個遊記就完了

呢度有個小插曲，咁多年後都好深刻
因為我同朋友K張機票係貴飛
所以係可以揀Premium Econ
出發前48小時可以用App揀定位坐
我勁早走去睇，當然個個位都揀到
本身梗係諗住我地2個一齊坐架啦...
------------------------------------------------
我 朋友K
：揀番窗邊位一齊坐先
：我唔想同你坐喎，我要坐後面
：一場朋友唔駛咁既，話哂一齊訓過...
：我地分開位坐，如果冇人劃你隔離咪自己霸哂
：如果有人劃你隔離係女既話...
：...大佬收到
------------------------------------------------

去到機場checkin，個地勤識廣東話既
佢見到我地個劃位咁奇怪，專登問我地
---------------------------------------------------------------
：我地呢班機有啲滿，我將你地劃埋一齊有冇問題
：我地想分開坐
：明白既，我地保持番你既劃位
(Checkin完之後)
：DLLM搞到好似我地2個基佬鬧交咁
：想嘆係咁架啦，佢話多人，分分鐘有女劃隔離添
：係就好呀
----------------------------------------------------------------

入到禁區我發覺真係唔駛係出面買手信
因為呢度間手信舖超大間乜都有
又唔駛搞退稅，又有凍野賣
唔駛拎黎拎去十分之舒服
嗰陣有個賣LeTAO芝士蛋糕既sales
識講普通話，英文同日文
最勁係佢識講廣東話，梗係要留意下
佢俾左舊蛋糕我試，試左番唔到轉頭
芝士味超濃超香，入口即溶
搞到我每次係關西機場都會買番個番屋企食

不過買完手信都仲有好多時間
唯有坐係候機室等到天黑



上到機係時候睇下有冇人坐我地隔離
答案係冇呀DLLM
好笑係其他Premium Econ位都滿哂
剩係我地2個隔離冇人坐
個地勤係咪真係覺得我地Gay Couple鬧交


飛機起飛了，旅程完結了


搭左半個鐘機長廣播話要reboot機上個娛樂系統
於是第一次見證到個system都幾舊下
同埋好似甩左個Device
好彩最後reboot完仲可以睇戲


今次個飛機餐就係又係和洋特色
吉列豬扒飯+鴨胸沙律
仲有一舊餅乾做甜品
因為太耐我唔記得左乜味
但如果係我冇印象就應該普普通通


[紅葉。基友。京阪奈]兩個小生去日本7天團 - 完

G持
仲有冇下一篇？

有，執緊相

估唔到回程程機仲可以有咁搞笑既劇情發生

留名等下一篇先

你嗰張櫈點睇都唔係PEY囉
係咪買咗最貴嗰隻可以免費改機票嘅econ就當自己係PEY

等下篇

樓主根本係gay

以為會劃個肥婆坐隔離

我check番機票位...你啱
我係坐40K, 姐係啱啱係premium econ後面嗰行

唔係呀屌
不過可以成pat泥咁攤埋隔離位咁坐係幾爽

開定先，未揀好相
[帶住班人自由行]9日關東關西跳板之旅
https://lihkg.com/thread/2370411