[文青勝景美食團]獨遊台北4日 (野柳‧九份‧總統府)

[極限挑戰]用10日獨遊半個日本
https://lihkg.com/thread/1957043/

[腳痛勝景美食團]用12日獨遊關西 (山陰‧琴平‧天橋立‧京阪)
https://lihkg.com/thread/1964209/
------------------------------------------------------------------

本人統計過，自從有經濟能力之後
我去親旅行都係日本，仲要去左8次
再加上其中一個橫越日本列島既成就已經達成左

短期內冇乜目標，再去日本好似冇乜癮咁
所以就揀左另一個好多香港人都會去既地方 - 台北
去一個4日既小旅行

以前我都去過台北，去左2次
但每次都同同行既人有不快既經歷
所以其中一個令我會選擇獨遊既原因
就係可以隨心所欲，想去邊就去邊，想食乜就食乜
唔駛理人地，唔駛平衡各方既感受，忠於自己

今次呢個行程同以前好唔同
由決定去至買機票到出發
只係1個星期既時間
所以預定既行程表都係得好少野
甚至冇plan過食野
但係成個旅程中途
係度瘋狂Google加加減減景點
又好離奇地最後可以無穿無爛又冇餓親自己又完成到個行程
可能台灣同日本既文化同交通設計都有相似既地方
所以本人既交通魔童同晴天娃娃屬性可以應用係呢度

時間：2019年10月中
本人行程既3個特點
1. 行餐死
2. 食得好
3. 早起身
4. 痴撚線

Day 01
BR828 HKG -> TPE
桃園機場 -> 中正紀念堂 -> 台大 -> 迪化街

Day 02
阜杭豆漿 -> 野柳地質公園 -> 基隆 -> 九份老街 -> 黃金博物館 -> 寧夏夜市

Day 03
國立故宮博物院 -> 淡水 -> 北投 -> 台北101 -> 饒河街觀光夜市

Day 04
總統府 -> 袖珍博物館 -> 華山文創園區 -> MITSUI OUTLET PARK 林口 -> 桃園機場
BR857 TPE -> HKG

lm

冇得去旅行唯有睇遊記當去左

支持

留名

Lm

Day 01


旅程既前一日我先開始執行李
因為本身班機7點半就飛
驚機場外面好多人排隊check野
所以預5點幾都要到機場
4點就要落街等巴士
但係我執行李執到凌晨2點
於是剩番嗰幾個鐘就變左繼續plan行程

5點鐘就到左機場
check野唔駛排隊
好快就入左大堂
當時就好多遊客係度訓緊覺


飛台北黎黎去去都係嗰幾間航空公司
今次揀左長榮，$1500
係出發前1星期先買，都唔算貴
但係我唔駛寄行李
係部機印左張登機證就去過關搵早餐食


屌，512閘口咪即係要搭巴士
點解好似仲cheap過坐快運


上次去機場禁區個美食廣場都仲裝修緊
而家終於全部開哂
但係6點先至有早餐時段
而家要迫住食正餐
不過好多都係貴到仆街




霸嗎相對平，但係前一晚冇訓過
而家仲食啲咁油既野我驚我嘔


結果我又係食番滿泰
呢個就係雜錦船麵 + 凍朱古力
個湯就一般味精牛肉湯
不過因為佢夠濃味，所以一飲就精神哂
有勁多炸豬皮
不過其他配料好似牛肉札肉就得3塊
凍朱同之前食過嗰陣飲既凍奶茶一樣
都係甜過糖尿，都係要溝水慢慢飲



去完RELAY拎左本HongKongWalker
就行落到512閘口堆櫈度慢慢坐
但臨上機就有Announcement叫我
原來佢要補check我入台證


Check完等左陣就開始排隊
但唔係直接上機，而係要轉巴士


起緊個位就係天際走廊
由1號客運大樓駁去北衛星客運廊
遲下就唔駛搭接駁巴士
而可以直接由1號客運大樓行過去


長榮呢架機係A321-200
HKExpress都有用呢隻飛日本
大家都係冇電視
不過個座位間距比HKExpress多左少少
加上隔離冇人坐，坐得冇咁辛苦



起左飛20分鐘就派餐
上次搭華航就熱餐，呢個就凍餐
自問好少搭非廉航食飛機餐
但呢個餐應該係我食過入面最難食既一個

蛋糕係班蘭蛋糕，但有陣油溢味
三文治係吞拿魚蛋治，但係冰凍既
一咬落去係食唔出乜味既
沙律菜都冇任何調味
明知係飛機因為氣壓問題會搞到味蕾遲頓
就落重少少味啦

留名睇day 3 day 4

頭先食左個咁難食既飛機餐
咬左幾啖就算
我見到前幾排啲人都係咬左一啖就放低
應該就唔止我一個人咁諗
個人又謝番

收緊餐嗰陣機長已經廣播就到桃園機場
9點就降落
不過架機降落都幾定
算係呢段航程唯一一樣值得嘉許既野

一落機望出去，好多青天白日滿地紅
因為嗰陣過左雙十節冇耐
咁人地慶祝國慶舉旗都好正常



一出機場大堂就見到好多好奇怪既擺設



本身我就用開自由鳥遨遊SIM
去邊度都可以用番同一張卡夠哂方便
係衰在冇電話號碼，不過都冇乜野既
雖然佢係貴過鴨記買嗰啲
但係自由鳥個速度好穩定
而且係當地一禁Roaming就用得
唔駛搞咁多野又換卡又set野

作為一個行路睇野都快既人
買Pass就最著數，因為價錢封頂
當你玩得越多，對家蝕得越多
我就係旅程前幾日決定買以下呢張野
北北基好玩卡無限暢遊卡 (3天)，NT$1900
3日內包以下既野：
1. 16個景點門票
2. 無限次搭台北捷運
3. 台北新北市公車 (除左4位數號碼之外)
4. 5條台灣好行景點接駁巴士
仲有一個原因係佢個網幫我plan埋
我fine tune番我想去既地方就plan好

不過counter個姐姐好似唔係太熟手
可能因為台灣物價咁平好少人會用Pass


之後就係出市區
當然要搭未坐過既桃園機場捷運
個站就係二號航廈地底美食廣場隔離



直達車15分鐘一班，都幾密
會飛好多個站去到台北車站
但係架車俾我感覺好娘


本身架車有無線充電
但係好多唔知係佢自己停用左定壞左
位邊有USB頭，試過係差到電既



雖然架車叫直達車
但係成日行下停下又多彎
硬係覺得好撚慢


40分鐘後到達台北車站
但呢個站唔係你地所認知既台鐵/捷運台北車站
係介乎捷運北門站同真‧台北車站中間
互相距離300m
而呢度可以自助checkin
最遲起飛前3個鐘放低行李就得
我當時去就只限長榮華航
而家好似再多左幾間



第一站去中正紀念堂
所以就行去北門站
搭松山新店線去中正紀念堂站就到


屌掛住睇台妹遊緊魂冇落車
搭番轉頭先

Lm

lm

台灣好多野唔知點解 (就算新野) 都有一陣娘味

本身Plan去台北既時候
都知我去嗰4日都有機會落雨
但因為有啲特別野係得呢段時間先睇到
所以要靠我晴天娃娃屬性做對沖 (?)
所以先至冇落雨

如果你係中正紀念堂站睇出口牌
佢會叫你去出口5出
但其實係出口3行5分鐘就可以去到大孝門
行前少少就係中正紀念堂側邊，仲近啲




就如字面所述
中正紀念堂就係紀念中華民國總統蔣介石
但介石係佢既字而唔係本名
所以叫佢做蔣中正會比較正統
呢個台灣標誌性既旅遊點
當然有好多尤其係強国黎既遊客過黎
睇佢地影相既Pose就知



一入門口就會望到中間有蔣中正既銅像
後面寫住佢係其中一個演講裡面
演譯國民黨三民主義既本質
三民主義包含民族主義，民權主義同民生主義
民族主義係透過倫理關係令每人互相緊扣而達致
民權主義係透過民主令每人都能夠平等付出而達致
民生主義係透過科學求精求實既精神改善問題而達致



天花用金色藻井結構
中間就係個超大既青天白日國徽


一早霸定個靚位等三軍儀隊交接
開放時間每個鐘搭正00就會做1次
一下子啲人縮番去欄後面



其實儀隊交接都係操下步fing下槍咁
但我都幾配服佢地係幾齊同埋係唔識笑




之前黎台北已經行過下面個展廳
所以今次就唔行了，好肚餓要走去食飯


下面個廣場原來擺緊國慶花車嘉年華
除左民間團體或者公司之外
原來都有政府部門參與整花車
完成度好高







行到去自由廣場牌坊邊
就可以見到捷運站出口5


係台灣都會見到法輪功

自膠
呢張先係法輪功

係中正紀念堂站去台大好簡單
搭松山新店線去公館站就得
但係一出站就落狗屎
利申我係冇戴遮既
如果頭先係中正紀念堂落雨我就會被困了
公館站出到黎有瓦遮頭又有便利店俾我買遮
晴天娃娃既屬性並非浪得虛名

不過既然黎到都去個門口影相啦
之後行去食飯


初牛 台北公館店
係等上機嗰陣Google過公館附近有乜野食推介
附近有個公館夜市所以講食就好多野揀
最後揀左呢間好多人話性價比好高
然後，我行到呢間舖既時候就停左雨了
咁我買把遮做乜鳩



舖頭唔算細，都坐到40人
午餐時間開到2點，而家已經1點
所以係度食飯既人唔算多


呢度專門食丼，有貴有平
出面有湯可以任裝
加飯可以叫店員任加


出面有2種湯俾你裝
不過因為遲黎，啲料俾人裝哂都冇乜料剩
第一款係蘿蔔牛肉湯，清清地唔係太濃味


第二款係味噌湯
有海帶同豆腐係入面，蔥就自己落
好好飲，唔會太鹹又好香


主菜上場
招牌炭烤厚切牛排丼
好少可見到餸仲多過飯
雖然賣相望落好似麻麻地
但真係好撚好食
牛扒熟度啱啱好，係5成熟
咬落去好林冇筋有肉汁
面頭嗰啲洋蔥碎鹹鹹地
淋上肉面個汁就甜甜地
加埋一齊好惹味
粟米仔有加埋個汁燒過所以好香口
隻溏心蛋好香蛋味


搞到我要加飯
但個飯佢都加左汁俾我，好有誠意


本身仲想encore多個丼
但係人地2點收皮，費時阻人收工加料
所以走去陳三鼎飲黑糖青蛙撞奶


之前睇人地啲blog經常都大排長龍
但去到又唔多人排


40蚊台幣一杯，唔算貴
食啲珍珠質感唔錯
唔會太硬又唔會太爛，甜度適中
但飲落味道其實好普通
因為佢只係鮮奶+冰+黑糖珍珠
飲耐左都幾滯但係唔會甜到那喉


不過之後歇業左，唔知幾時開得番

LM

lm

長榮都冇電視

佢係廉航機，電視就係天花降落黎
但剩係播安全須知同埋飛機去到邊
不過架機都係得一半入座率

我都有成10年冇去台灣
今次仲要冇乜點plan又去埋啲好遠既地方
天氣又唔好，真心驚會受傷

同埋我食野比較腌尖
我唔會肚餓見到有間舖就會走入去食
會寧願捱到夜晚返市區先食

之後就去迪化街
原因係要幫屋企人去江記華隆買豬肉紙
係公館站搭番去古亭站
轉中和新蘆線去大橋頭站
行10分鐘過去

台灣有樣好奇怪既兩段式左轉
有啲路段啲細cc既車唔可以直接轉左
而係要偏右去前面路口個格仔轉向
就咁聽完你都唔會明
而我行緊去條大路真係好多車
加上冇訓過有啲精神恍惚
過馬路真心驚啲電單車轉過黎


江記華隆係迪化街街頭呢邊
比起中段同後段都少人
啲紅磚建築都好古色古香
舖頭入面有5個師奶傾緊偈
我一入到去即刻就歡迎光臨咁問我要乜
又俾我試食又盛
雖然你地好熱情但我唔會俾你sell到
買左4盒豬肉紙就走了



本身都想行哂成條迪化街
但係一黎又想落雨咁款
二黎本人好撚眼訓
所以都係原路返捷運站去酒店
酒店係台北車站附近


係台北車站就順便買盒台鐵排骨便當返去食


台北車站個結構同東京啲大型車站一樣
又係幾種交通工具既轉乘/總站
地底又一大堆地下街同商場
我間酒店就近新光三越，所以出Z4出口
行去新光三越同H&M中間條路前少少
就見到"ORANGE"呢個字
就係我呢幾晚住既酒店
福泰桔子商旅 - 館前店


入酒店門口係要拍卡或者禁鐘
但係咁啱有人出黎我就閃左入去
Checkin要搭電梯上3樓


我就住7樓


拍門卡入房，間房張床好大
梗係啦，呢間雙人房黎架嘛
因為我都幾遲book酒店
好多性價比高既正酒店都full booking
自己本身想住近啲台北車站唔駛煩
而評語最好既就得呢間
佢得番雙人房，住晚1300蚊，其實都幾貴
不過遲book冇計啦
張床係偏硬但都係有彈力既
最鐘意呢隻床可以有承托
以前試過訓啲軟淋淋既床
訓得耐頭嗰邊會凹落去，第二朝腰痛



望出去就係頭先條路，都幾多車
但係我住得高同埋有隔音玻璃
所以都唔會聽到車聲


廁所都幾大，不過道玻璃門虧虧地關唔實
沖涼水壓有啲慢，不過都沖到涼既
應有既野都會有



最正既係呢度每日都送2支水
唔駛成日買野飲
台灣啲非純茶類飲品大部分都好撚甜


連遮都有


之後睇左陣電視
幼幼台本身聽落好咸濕
但個重點係老虎隻耳係頭頂呀