琴日先敢開返玩很大黎睇,一路睇一路心情好矛盾
感覺好似佢仲在生,佢仲係到,我仲有機會睇下一集。
但理智一提醒自己佢已經走左,醒起無得再聽到佢講「加油!」「你很棒!」,淚水即刻係眼眶打轉,好辛苦先睇得完六週年第一集。
我真係登佢好唔抵,覺得佢挨左咁耐既成績,就黎開花結果,結果無福消受。
挨左咁耐,仲要離開左世界先有咁多人真真正正關注佢,youtube 既點擊率突然爆升,覺得好諷刺。
我由娛百豬鬼時期開始追佢,好彩有去過簽唱會見過佢一面,如果唔係一定嬲死自己。雖然自己大個左之後已經無咁迷佢同追佢,但都會keep住追佢既新聞,又因為佢而睇玩很大,甚至會參考佢著衫配色,會特登搵同款等等。
真係去到佢走左個刻,先知呢個人一直存在係自己腦袋,一直影響住自己咁多。
黃鴻升,你永遠會係我心入面既遺憾,但同時會係我既力量
多謝你既好人好事教識我點樣做一個更好既人,好多地方都我地值得學習。