國外讀書既時候 每一日都會睇娛百 睇咗就快10年 由豬粉變鬼粉 直到小鬼離開娛百 康熙完結 台灣綜藝沒落之後先開始無咁留意 只係間唔中新聞見到佢既緋聞 見佢接左玩很大 但係一直都無諗住睇
直到早幾個月wfh無聊 於是開住玩很大一邊睇一邊扮工 見到佢雖然依舊無咩運 玩遊戲好似捉唔到技巧 但都係咁努力不懈 仍然係當初既佢咁 於是睇返佢以前既新聞 follow返佢ig 差唔多日日都見到佢update 感覺好似同一個好耐無見既朋友重聚返咁 點知突然就
雖然呢兩年香港發生好多事 令我覺得好人無好報 對人性差唔多死心 但係見到小鬼走咗之後 身邊既藝人朋友唔係空泛咁歌頌佢對演藝界有咩貢獻 而係講佢點關心照顧人既真實例子 因為佢既離開崩潰落淚 其實都希望自己可以向佢學習 好似佢咁盡量多關心身邊既人