我細個時都試過,沖涼前我婆問我食唔食麥皮,本身諗住唔食,但最後唔知點解答左食,之後去左沖涼!
果陣係冬天,因為怕沖涼好凍,所以無開抽氣扇,結果沖完涼著緊衫果陣,開始頭暈,本黎諗住著埋條褲就拿拿臨出去抖,但捱唔到,直接暈左係廁所到,暈低果陣左手插左落盤水到個人跌左落地下,個頭唔肯定有無撞到地下,係暈之前我聽到我婆問我沖好涼未......
原來我婆見我沖涼沖咁耐,咁岩碗麥皮煮好左,就走入黎叫我,點知我無應佢,佢立即打開個膠褶門,見到我訓左係到,嚇到佢大叫,之後佢拖左我出廳,無耐我就醒番......
自此之後我沖涼一定會開抽氣扇或者門,諗番起我覺得係碗麥皮救左我