我破咗個文青處,但佢唔肯同我一齊。//《偏偏喜歡你》

1001 回覆
606 Like 18 Dislike
2020-08-04 12:28:18
2020-08-04 12:39:54
三、知道

「青,你要搬住先,原本舅父住姨媽屋企,但佢哋鬧咗交,所以要俾佢哋嚟住一頭半個月先。」

青青母親說,總之就是因為一些原因,青青要外住一段時間。

「咁我要搬去邊?」

「XX嗰頭。我之前個同事佢屋企嚟,嗰度有多間房,你瞓嗰間。」

「OK。」

青青反而幾開心,她終於可以享受一下自己霸佔一間房的感覺。

她簡單執了衣衫、日用品、電子產品,然後去往別人的家住。

開門的人和她對視,呆了一呆:

「咁都又見到你?你係咪嚟住?」

阿樂瞪大眼,感到驚奇,他知道會有個女生入住他的家,但想不到竟然就此重遇她;青青連忙遞上這個月的租金表示謝意:

「打搞哂啦。估唔到我哋阿媽係識嘅。」

「我哋都幾有緣喎,果然係有緣自會相見,宜家換得Ig未?」

「得,多多指教。」

青青看着阿樂的用戶名稱,感覺有點熟悉,然後發現,他是那個狗衝無果的男孩子;那麼,那天他說遇見的人也正正是她。

因為他表白失敗,其實她心有點愧疚,本來他可自欺欺人繼續收獲快樂;但不能透露更多,唯有面色自如。

「你咁耐都冇po嘢嘅?」

他們開始聊天,傾大家幾歲、讀緊咩科、咩書院、有冇玩啲咩。

這時,阿樂母親從廁所出來,熱情地和青青打招呼:

「你好啊!係咪青青啊,宜家都咁大個啦,以前同你媽咪做嘢嗰陣,你得幾歲大咋。宜家高咗好多喎!希望你嚟緊住得舒服啦,有咩問樂仔就得㗎啦,佢對屋企仲清楚過我。」

「姨姨你好,麻煩哂啦。」

阿樂母親擁抱青青,再叫阿樂:

「你幫青青擺好啲嘢先啦,我要出門口啦。」

阿樂有種「哇」的新奇,他對她的好感度很高,單純因為她的長相很親和、沒有攻擊性,說話又很直接、利落,而且很友善。講到尾,大概是因為她是他喜歡的類型:眼大大,面圓圓,皮膚白白,頭髮長長,那麼心地應該善良。

其實,他也不知道自己喜歡怎樣的人。

青青看阿樂替她介紹家的擺設,這才真的在燈光下第一次好好打量他。

他身穿粉藍色的中學班衫,背後寫着「LOK・CA」,她問:

「咩係CA?」

「我以前中學讀Chem班,學號係20,對返化學元素表係Calcium。」

他留了一頭烏黑的斜陰,髮質看起來很順滑;眉毛雜亂粗豪,單眼皮但眼睛不小,架了一副笨重的黑框眼鏡;鼻樑高挺、鼻翼寬厚;嘴巴不大不小,牙齒整齊亮白。長相很斯文,整個人都高高的,頸背有點厚重,但整體身形適中。

她有些想失禮地問:

「點解你之前會當兵?條件都幾好。」

她打消念頭,吞了吞口水,感激他的幫忙。

- - -

夏天,七月,熱。

青青喜歡一個人看電影,在家中,在晚上。

阿樂敲門進來:「點解你可以咁耐都唔出房,做緊咩?」

「睇戲。」

「自己一個咁無聊?」

「不知幾正,速度自己較,覺得悶可以飛,想去廁所就停咗佢,聽漏咗台詞又可以play back。」

「咁出街呢?自己一個睇唔睇?」

「睇啊,下星期準備去睇《幻愛》。」

其實,她本來已經邀約Matt,但他說都沒有空,所以她決定自己睇。她並沒有想和他復合,但她打算遲一點才斷絕得乾乾淨淨、說清說楚,她已半個月沒見過他,有些話要當面講才對。

「咁——你鍾唔鍾意人哋陪你睇戲?」

「睇吓係邊個囉。」

「哦……唔阻你啦,慢慢睇啦。」

阿樂原本想問她要不要一起去看?但想想,大概會被她拒絕吧,寧願不問,就不會尷尬了。

他有些不由自主地好奇於她。

她常有些奇怪的想法,二人一起看舞台演出的影片時,她會說:

「佢哋可能會跌死,如果啲人有心殺佢哋。」

「?」

他突然聽到她這樣講,擺出不解的臉。

「呢度咪好多煙,佢哋盲舂舂咁向前行,其實根本睇唔到舞台,如果下面其實係空心,佢哋可能會跌落去跌死。」

「……咁呢個呢?水舞間,有冇得死?」

「有,絕對有。你望吓,佢哋咁高跳落去,如果下面啲水唔夠深,佢哋就會爆頭死。如果有組織有預謀咁想佢哋死,唔係唔得。」

她認真地說;他只覺得她很搞鬼:

「掂。你真係應該寫小說。」

「唔啦,我邏輯好差,實有好多bug。」

「何必自輕?」

或者也因為她的喜好很簡單,她喜歡吃米線,四十蚊港紙有找;經常飲水,原因是既對皮膚好又沒有卡路里;她也可以靜靜坐在窗邊,一直看外面的風景:

「你住得咁高,真係好,出面幾好睇吖。」

「係咩。」

「係啊,都幾舒服吖咁樣望住,又有燈又有山。」

她會盯着被蟻圍繞的糖,看牠們爬來爬去,總之好無聊好無聊。

她會在夜晚六點半外出跑步,然後在七點半紅着一張臉回家,背脊全濕。

「咁勤力嘅?」

「係,實踐緊終身事業。」

她反問他:「係呢,咁你平時有咩做?好似唔多見你出街喎。」

「冇做咩呀……打吓機、彈吓琴囉。」

「你係鍾意嘅?」

「OK啦。」

「咁就得啦,成日都聽到你間房有琴聲——嗯,係呢,你咩status?」

她知道他沒有談戀愛,但她很想八卦後續,女神有找回他嗎?有回心轉意嗎?現在,他們熟絡了一些,所以她就問。

「冇啊,我毒撚嚟。」

「咁有冇同鍾意嘅女仔傾偈啊?」

阿樂忽然混亂,不知所謂心上人其實是誰?但既然是「所謂」,那他就想起之前一直心心念念的Tanya:

「冇啊……同佢,冇聯絡啦。」

「幾好吖,等下個囉。」

青青準備進房;他問:

「咁你呢?咩status?」

「A,早排分咗手。」

「節哀順變——我意思係,唔洗唔開心嘅,世上咁多好男仔,而你又咁好。」

他乾笑,並不知其分手,但見她常常沉默和發呆,應該心不好受吧;她停頓,如果真的「咁好」,為什麼又會有「不好」的際遇,是不是正正因為不夠好呢?

她回頭,以三七臉對他笑:

「我知啊,唔灰。」
2020-08-04 12:40:22
都係宜家早啲出加更
2020-08-04 12:52:59
double 正評
2020-08-04 13:10:55
皮已正
2020-08-04 13:16:03
Chem班calcium
不過我都chem班件班衫又真係有元素野⋯
2020-08-04 13:18:19
2020-08-04 13:50:34
勁靚點影㗎?
2020-08-04 13:54:09
出故太密我會寫唔出
不專業表現
2020-08-04 13:57:13
2020-08-04 14:13:11
2020-08-04 14:15:36
瘋狂正評
好鍾意樓主同樓主篇文
文筆一如既往地好
而對於故事節奏嘅把控又進步咗,更加明快
已follow ig
加油呀
2020-08-04 15:51:20
樓主cc?
2020-08-04 15:59:48
留名 幾好睇
2020-08-04 16:07:51
2020-08-04 16:39:19
2020-08-04 18:27:43
青青無同Matt做過?
如果唔係 樂又點破佢處

感覺Matt唔鍾意青青 係因為佢自我意識太強

憑感覺 直截了當 笑時笑喊時喊 比起自問自答喜歡直接同對方交流 呢一啲行為 只有一個自我意識無咁強 唔介意他人諗法嘅人先做到

而自我意識強弱 同善良與否無關

何況 男性可能會對住嗰d 相信自己正直 永遠都係啱嘅女仔 感到好攰?

第三者雖然會瞞會騙 但反而能夠正視自己陰影面 可能反而係優點 又或者 正視自己嘅低等 係一種Matt眼中嘅真?
2020-08-04 18:43:54
睇黎巴打你屋企望出去個景好開揚
2020-08-04 19:07:29
之後會講,不過如果真係自我意識強,同佢一齊之後以前已經覺得,唔應該一個變心嘅藉口(?)

角色上,青青係一個非常直接,有笑容有眼淚嘅人,經常性服軟、自我反省,亦都同Matt直接講過自己嘅不足,唔覺得自己永遠啱(希望之後同阿樂嘅相處睇到)

唔評價Matt點睇Yuki,真假瞞騙嗰啲。因為女人睇女人,同男人睇女人好唔同;同理男人睇女人,同女人睇男人都差好遠

變心,或者無關舊人壞,新人好,可能就係對厭舊人而新人有新鮮感,好簡單直接,冇必要責備舊人有錯/褒揚新人嘅好~
如果問我,我會覺得變心/愛未必有對錯之分,但希望可以有返啲廉恥,唔好落井下石
2020-08-04 19:07:50
感謝
2020-08-04 19:08:17
2020-08-04 19:15:46
2020-08-04 19:15:58
好得意
2020-08-04 19:19:07
單純諗返Matt到底點諗 佢口中嘅真假 又代表d乜

我都認同一腳踏兩船唔啱 變心係好傷害人 但係就好似阿樂 其實都唔知自己想要嘅係乜 而Matt嘅變心 亦可能有呢個原因

上面comment見到有人話ig寫過青青 睇完ig見到話佢從來無做過壞事同傷害人 就會覺得 個角色係自我意識好強 同埋好自我嘅人

青青呢種女仔總會有人愛 就如Yuki或者個女神
2020-08-04 19:19:17
講漏咗,當然主角們都有好多缺點優點,
不同面向,呢個都係故事想表達嘅嘢
好引發到我思考多謝巴打
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞