我破咗個文青處，但佢唔肯同我一齊。//《偏偏喜歡你》

你越出得多文 可以討論嘅位咪越多囉

今日晏晝開始睇留個名先
好耐冇睇過故啦 有得追故好興奮呀

期間，阿樂不敢打斷，只默默地遞上紙巾，即使他一頭霧水不明白為何又有一個「女仔」。他明白青青的難受，如同此刻他看她，他也一樣。

他有感自己在喝一瓶剛剛投進一筒萬樂珠的汽水，所有的情緒噴發在無聲的鼻腔裏，卻在一刻驚嚇後，整個人獨得呆滯。

阿樂肯定，自己喜歡青青，他不止難過，還有些酸楚，如同他替Tanya難過一樣；她冷靜了一聲，像是呢喃：

「上次食飯，我見佢冇用電話殻——之前有——所以我帶咗一個俾佢，至少保護吓。但行行吓，就見到佢已經用緊，個殻上面畫咗個女仔隻狗——佢叫豆腐仔同埋名。

跟住我問：『咁King King呢？就算你將心思擺喺人哋度，點解用人哋嘅而唔用自己嘅？』King King係佢自己隻狗仔，好得意㗎。

佢話都有整一個，輪流用咋喎。

咪玩啦，當係我自己估，男人老狗自己去訂一個電話殼，上面印嘅唔係自己嘅狗仔？合理咩？我覺得，係個女仔訂完再送俾佢㗎囉。」

她的語氣趨向不忿，但下一刻又笑起來，嘲諷自己何有資格說三道四；又像想起了什麼：

「不過講開又講，我都想佢可以花多啲時間俾King King同埋屋企人，唔好成日淨係凑個女仔，我知佢最近好少理屋企嘢，但係我都知，姨姨同叔叔因為咁而唔太好過。」

「咁你同佢講囉。」

阿樂想：其實你理佢咁多做乜？人哋屋企人點，你操咩心？都唔關你事啦。

但阿樂又想起，青青講過Matt的家人對她很好；故在悄悄地想，將來一定要叫父母待她更好，不要輸給別人。

「我講咗啦。但佢邊度會理我，街邊啲乞衣對佢嚟講，仲好過我，我喺佢心中已經毫無分量，佢只想遠離我。」

青青攤開一隻手以示無奈，另一隻手則握着酒瓶，當水飲般；又繼續說，仿佛不能停歇，語調輕輕的：

「我叫佢俾個女仔張相我睇吓——之前我有望過，但唔記得係咩樣。

跟住，佢開始揾，自己喺度一路睇一路笑，話個女仔啲表情好尻、唔顧形象，仲展示俾我睇。佢笑得好開心，我有啲尷尬，唔知應該俾咩回應好。哈哈。

終於佢揾到幾張自拍，佢哋一齊嘅都有，佢都幫個女仔影咗好多相吓。

嗯，都係嘅。我都冇資格去講啲咩啦，只係——算啦。」

青青心裏酸溜溜的，過去，Matt也替她拍過很多的照片，然後說：

「靚吖嘛，影吓囉。」

但現在Matt的電話所對焦的伊人，已經變成了另一位。

阿樂擁一擁青青的肩，他知道她已經醉了，咬字沒有平時那麼實淨，語句邏輯開始混亂。

「去到最尾，我哋終於坐低食飯，我見到佢頸上面有一噠咖喱雞。個印係明顯到你同佢面對面就見到——唔撚係俾蚊咬啦啩？

我見到嘅第一吓真係有啲……點解呢？點解要咁對我？我知佢哋有扑嘢，咁洗唔洗留個咁樣嘅印俾我睇到呀？有冇尊重我？我仲已經提早幾日約佢，仲要留低噠嘢俾我見到？

你哋咁樣整，我啊，好歹都屍骨未寒啦——

我同佢講：『乜你哋咁激烈，小心安全。』佢嘅反應係呆一呆，先至遮一遮，然後話：『你講得咁自然嘅，睇嚟你都放低咗好多。』

仆街啦，我嗰吓真係笑撚咗，其實佢根本都唔care我感受，少少都唔在意。

佢淨係想快啲講完快啲走，然後去揾個女仔，但佢又唔認。

佢話佢趕住要凑豆腐仔，我問佢：

『可唔可以陪多我一陣？我哋見咗一陣咋，唔好咁快揾第個啦。』幾乎，已經係嗲緊佢……

佢答：『佢今日唔喺屋，我只會去照顧豆腐仔』

轉個頭，啱啱個女仔就Send咗一個Post俾我，個Post係佢同豆腐仔嘅相，有哂時地Tag。

你話笑死唔笑死？佢哋究竟有冇良心？」

青青的語氣從憤怒、悲傷過渡到漠然：

「其實我真係咁差咩，係，我唔係真係好好，都有好多好多缺點，都有好多好多唔好嘅嘢……但係又值得佢咁樣、咁樣對我？」

「唔好咁諗啦，係佢唔好啫。」

他搖搖她的膊頭，想她清醒一點，喂她多吃兩口蛋糕，她就像彈簧一樣跟着他的力度晃動頭部，微微開嘴，吞下。

「佢仲要話，個女仔份人好真實。笑撚咗，笑撚咗，屌。然後佢話我假啲，擅於包裝喎？係啩，笑死，我幾撚假呀？我假極都係真心真意愛佢並且別無異心啦……佢話覺得我唔開心但唔同佢講，後來成日見唔到佢，我好不安但唔敢同佢講，我驚煩到佢温書，諗住佢考完我哋就可以見多啲，可以好似以前咁開心……

佢記唔記得呀？佢以前都話我份人好真誠、善良，諗嘢啲觀點好特別、好做自己、好有性格㗎喎？佢記唔記得佢講過會愛我一生一世㗎……

正傻閪，我又真係信，傻閪。佢先係最假嗰個啊……點解啊，點解會咁㗎？」

她的粗口講得很細聲，很柔和；他在她身旁，感受到她因酒精而上升的體温，她髮的香氣很像水果軟糖，他不動聲氣的又凑近了一點，內心矛盾。

他問：

「所以你哋分手，係因為佢出軌？」

她停滯了半分鐘，再轉頭看他，微笑道：

「我唔會咁樣標籤，始終佢哋係喺我哋分手後先有嘢。但誠實問心，我覺得我戴咗半頂帽……

三月嗰陣，我見個女仔Follow咗佢Private，我叫佢唔好同個女仔咁close。但原來佢哋keep住有聯絡，佢哋都更熟悉對方。後尾，佢想同我分手，之前係話對我冇Feel啦，今日佢話都有個原因，雖然佢同個女仔唔太熟嘅，但係都有接觸佢，發現佢嘅一啲好。

我問咁係咪因為咁所以飛我呢？佢話，呢個都係一個因素。

佢話有問過個女仔嘅意見、關於佢想同我分手——當時全世界都知、佢啲兄弟都知，就係我唔知——」

「咁唔係話，睇吓有冇機會一齊返咩？」

「當時佢係咁講囉，話等佢忙完先……同我分咗手之後，佢哋仲close，就——咩都做過哂啦，又互相鍾意咁。

佢話唔同返我一齊，的確係因為個女仔嘅。

咁，佢就應該同我講啦……但佢又冇，一直瞞我，之前話如果發現冇機會，就會同我講聲，但佢又冇喎，咁我咪繼續等，直至我知佢哋有嘢。」

阿樂第一次聽青青說那麼多話，只因為她現在醉酒，他恨不得每天都灌醉她，讓他多了解她一些。平時她偏靜，人實在不多話。

「呢啲咁嘅人，算啦。」

他嘗試安慰她，如同曾經她所講的下個更可愛。

「佢唔係咩衰人嚟嘅——」

「擺明仆街嚟啦，變心仲大條道理。個女仔好靚咩？點解要咁？就咁聽落又寸又派帽，又係好人咩？」

她沒有搭話，俯身又吃上了一口蛋糕；半晌，攤坐在床上，說：

「如果我話我靚啲，你信唔信？」

他們對看。他看看她的眉、眼、鼻、面頰，再順着髮絲看她的頸、鎖骨、胸、肚、腿，又盯着她的唇。

空氣曖昧得尷尬，二人因酒精而有些明顯的呼吸起伏，而除此之外別無任何聲響。

夠250正皮加更了
聽日同今日一樣出咁多，嚟報答大家嘅留言同支持
下次加更係300正皮

呢個係樓主ig: chingceciii
https://instagram.com/chingceciii?r=nametag

希望你鍾意

係咪有故仔聽

個故睇到我都好心痛 有啲位好似

btw上個故已經開始做緊CD rom
樓主加油

停喺呢個位可恥
但青青好慘

變心係錯 不過分手分得愈狠 其實愈令人易於放下

青青應該要為咗有得放低而高興呀

單戀緊 就快一年 想放棄

唉，睇到好sad 啲心路歷程有哂畫面（btw係咪就嚟完喇）

某一方不斷地付出 最後都唔會有咩好結果

手動正評

但誠實問心，我覺得我戴咗半頂帽……