我諗身份證大法呢樣嘢，可以寫多少少嘅，
1. 主權移交前未夠11歲
唔滿足條件1不代表你真係無BN(O)，只係身份證大法唔啱你。
2. 身份證首次簽發日期為06-97 或之前
唔滿足條件2嘅話咁你好多機會無BN(O)，除非你係97年1月1日至6月30日出生，因為呢段時間出生嘅人嘅登記BN(O)期限係1997年9月30日，佢哋嘅身份證簽發日期可以去到同年12月內都唔出奇。但係變相就身份證大法無辦法絕對證明呢類人士係唔係有BN(O)身份，因為特區護照係97年7月開始開放申請，而11歲以下人士申請特區護照一樣會簽發無相身份證，所以97年1月1日至6月30日出生而身份證簽發日期為主權移交後嘅話，你或者可能有機會有BN(O)，但係無辦法肯定你有定無。
3. 出世紙是否印有Established
唔滿足條件3嘅話咁唔代表你真係無BN(O)，呢項只係證明你唔係出生時取得香港英國屬土公民身份(BDTC-HK)，點解要提及BDTC-HK，係因為BN(O)嘅惟一登記條件為香港英國屬土公民身份，而BDTC-HK身份除咗可以出生取得，仲可以歸化、世系等等取得，而任何方式取得嘅BDTC-HK身份都可以登記做BN(O)。
但由於當無相身份證嘅簽發，除咗因BN(O)而簽發外，亦可以因CI而簽發。所以本項係用以排除你嘅無相身份證係因簽發CI而出，變相如果唔滿足呢項，身份證大法無能力直接肯定你有BN(O)。
基本上除咗身份證首次簽發日期係06-97外又唔係97年1月1日至6月30日出生嘅人，其他想知自己係唔係BN(O) 嘅都只能夠SAR。
你老味，寫撚完先發覺唔係少少，係好撚多字
