[2020日本東北雪祭] 秋田青森 暖冬下的暴雪之旅

有條循環線既巴士，可以搭到去弘前城附近
就會係市役所前依個站落車，即係搭成14個站先到
但其實弘前個地本身唔大，所以好快會到

資料來源: 弘南バス株式会社(弘前バスターミナル)
弘前市内の100円バス






你地睇相可能都留意到
本來係巴士站都無咩落雪，搭搭下就開始落大雪
一落車要即刻衝有去蓋既地方，整好啲器材
載好頸巾，件大褸要戴好頂帽，包實成條頸
因為我發覺凍其實唔係好凍，但啲雪一跌落條頸
會比體溫熱到熔，變水濕住咁仲凍又唔舒服
所以一定要一滴不漏咁包實

弘前城前的暴風雪

https://youtu.be/L6avMjesY2E

預備好就係市役所過馬路行去弦前城
成個畫面好大雪又灰沉沉，都唔係有咩靚景影住
一過馬完路我就呆左啦，除左我見到個弦前城入口外
條護城河結哂，兩旁係白雪雪既樹望唔盡頭
依個畫面真好衝擊好靚呀

所以話如果唔係有火車依個意外
我唔會係依個時刻黎到，我就唔會見到依個畫面
因為我行左入城區既一陣
頭先既暴雪又停左啦
早到，同遲少少先到，都miss咁大雪既依一刻

資料來源: 弘前観光コンベンション協会
第44回弘前城雪燈籠まつり


睇地圖，弦前城唔係好大，但都要行一段先去到主城
加上好厚雪，都幾易行到攰
不過我就預左成日大部份時間都係度，可以慢慢行
有成幾個鐘比我睇下景











落雪既關系啲雲好厚，無咩陽光
就算有，可能都係射落啲雲度，所以個色調好鬼異

補充返少少資料
係第44回弘前城雪燈籠まつり果幅地圖
最底下，就係市役所，即係我落車既地方
行上少少既 追手門
就係弦前城入口既地方

行下又行下，雪間中落下又停下
終於行到去弦前城，我就對日史無咩認識
只係覺得座城外表普普通通啦，唔係好大橦
不過有雪景襯托下都ok既

係座城既隔離其實有個木做既高台
類似係小朋友係公園入面玩既設施
比你行上高一兩層，等你可以靚既角度去影相
本來有樓梯同斜路可以行上去
但因積雪既關系，怕危險會跣腳所以封左斜路果邊
得返樓梯果邊可以行，我當然照行上去啦

但係樓梯度唔只積雪，好多都係冰黎
而且雪厚到同斜路都無咩分別
每一步都會跣既，係一個跌既斜坡向上行
仲要扶手位都鋪滿雪，上到頂都要用盡九牛二虎之力
影完相，抖左陣我又要落返去
仲驚，跣住咁落我停唔到，勁驚變雪人咁落去
點諗過會咁攰

資料來源: Google
當時我無諗影個觀景台，唯有上網搵圖
你見個台其實唔高，不過都有1-2層
幅圖既前面就係斜路，封左既
右邊寫住入口後面，就係樓梯既位置
我就係係樓梯果度爬上去

你真係好彩
我試過搭新幹線京都去名古屋,漏左背囊係頭頂架上面.
入面有部單反,Laptop
仲要搭Nozomi 名古屋下一個站就係1.5個鐘後既横浜

同職員雞同鴨講左好耐,佢話架車行緊唔可以肯定個袋係我
一定要番到總站無人認個袋先可以幫我攞去Lost & Found
終於等到架車去左總站東京 無人手多攞左

最後俾左兩萬Yen 加4個鐘 來回去東京攞番個袋...
以後唔會再放野係頭頂個架度

個城細到好似LEGO

我都試過個fd漏咗野喺車站，發現既嘅時候已經走咗好遠，三個幾鐘車程，好彩酒店幫打電話去車站，車站嗰邊又好好肯寄返件野去我哋住嗰間酒店

覺得最靚係邊區就好難答你，今次好多地方都令我眼前一亮
不過最伏既就有，遲少少會介紹到


Sorry 我係仔黎，唔洗諗住有浸溫泉相睇

lm

又繼續update啦

https://youtu.be/p7YdN5rK5DE







離開座城，向周邊地區行下，好多高底差既地方
有好多類似懸崖既地方比你望出去，個景都幾靚

不過又突然開始落大雪，仲要好似暴風雪咁
話說我想上個涼亭仔座底避下雪順便休息下
咁個涼庭仔係有幾級樓梯既
我相信成日都無人行過入去
因為啲積雪完全無腳印

圖片 & 位置: Google
https://www.google.com/maps/@40.6086846,140.4633478,3a,75y,332.26h,72.68t/data=!3m6!1e1!3m4!1sWCISYJffSuixH_6FzIoBAg!2e0!7i13312!8i6656


雖然你地見無雪既時梯級好分明
但我當時係鋪滿雪到接近變左斜路
只要踩錯左右兩邊既空位，我就會好似踩空氣咁一野跌落去

上去都要好小心好難睇到個梯級係咩位，要踩落去試下先知
入到亭仔，慢慢座下，由落車到依刻我諗都有個幾鐘

等到風細返少少，我先至再出去
見住出邊好多人衝去第2度避風
有啲就有哂防風防雪準備照樣慢慢行

東北真係好撚正
btw 秋田個車站好靚

個亭雖然唔係好大，但係有個頂蓋檔一檔都夠哂做啦
係入面吹下風，望下風景都幾嘆
不過就成個阿伯咁既樣，唔係好老，但個心態同阿伯差唔多

風又細左我諗住出返去繼續行啦
依個時候又發生左個小意外啦

落去果時我已經沿住我之前既腳印踩落去
係行落梯級果時已經好小心好慢
點知都係企唔穩，成個人向右打橫咁跌左落雪到

你地睇返頭先幅涼亭相
就會見到樓梯既右邊，即係幅圖既左邊
無幾遠就係欄杆，之後就係懸崖
雖然係鋪滿雪唔痛，但咁樣向住果邊跌真係嚇到我仆街呀

平時都想學小朋友咁訓落雪度玩下
但會整到成身雪又濕都係麻煩所以無試
點知咁樣大庭廣眾成個仆落雪度

最重要係我右手拎住相機，成部野插左入雪度

好彩啲雪好厚，咁樣跌都唔會撞到塊地
一來個人係唔痛，二來唔怕撞壞相機
但部相機咁樣大大力插入雪度真係驚壞

即刻檢查下，鏡頭本身有蓋好，無事
機身鋪滿雪，即刻掃走佢
開機試下，有畫面正相
試下影先，有啲制扭唔到

係Fujifilm既用家就會明白，依個品牌其中一個特徵，就係佢既操控
其他品牌例如Sony罪大咁，要入返menu去set
Fujifilm只要係機身扭幾扭，好直接就set到
咁扭唔啲制，你就知問題係有幾大
即刻望下啲制，原來係雖然掃走左啲雪
但係罅隙度啲雪結左冰，咁就冰封左個啲扭唔到
依個時間就用口吹暖氣出黎熔左去，咁就無事扭得啦
你話如果我今次無換部新相機，可以防水防塵
咁樣插落雪度，舊機一定壞左，咁之後就無得影靚相
實會後悔死我

秋田個車站真係好新淨，設計又唔太舊
唔知係咪近年有翻新過呢

相反青森就好似幾殘下

青森果個又殘又舊，又冇電梯，要抽住行李行樓梯

全港最大同性戀論壇.jpg

其實係想影都冇人幫手影

條片最尾影到少少個涼亭
https://youtu.be/wMLfqOku2sI

雪景慢鏡
https://youtu.be/CBgUwqfmNnQ

一月份去個時無乜雪，但係好好天，可以見到後面岩木山

樓主條褲好似有小小濕左，係唔係嚇到賴尿

以前好怕凍天，要著好多衫，夏天幾正

上年去北歐睇極光 凍到病左，果時心諗 以後都唔會再去咁凍既地方之後又唔住去左貝加爾湖，最後回程扔埋對雪鞋
雪景真係好靚 有種荒蕪feel,好似去左第2個世界咁

依家香港咁熱，即刻掛住冬天既感覺
同埋當下覺得冇咩好影/影夠，但番到香港就會後悔冇影多d，有機會都想試下冬天去日本，樓主d相影得好靚


分享下

我去完返黎都無search果邊有咩地標
不過記得座山好靚同埋好多雲遮住左