[2020日本東北雪祭] 秋田青森 暖冬下的暴雪之旅

秋田站 之 暴風雪

https://youtu.be/IqdeqPNgIVI

https://youtu.be/ZzaEexkDTqI

https://youtu.be/3ETCkZJeexc

https://youtu.be/HzKKVOk_6A8

其實完全唔知點解突然咁大風大雪
加埋係車站發生個畫面就係好神奇好美妙
當然就無維持半個鐘咁耐，班車黎之前已經細雪左
所以如果我無早落黎月台，我係完全會miss左依一刻

等多陣，就上車啦，終於…


終於比我聽到有廣東話呀屌，仲要唔細聲
雖然唔係好老，但睇得出係3x-5x
去旅行有計傾我明，但日本人習慣會細細聲
仲有依家係朝早，成個站咁多人等車都無聲既
佢地一黎就嘈哂

特急つがる1号


如是者車到我就上車啦
屌，佢地都係同一個車廂呀屌你老母
想靜靜地食住野睇下風景唔得既
佢地就好似小學生搭校巴去旅行，係度分野食
問A食唔食，之後問B食唔食，之後再問C….
我屌係咪on9架，不如全部人都買哂同一樣咪得囉

好彩佢地食左一陣就開始訓
我終於可以慢慢享受早餐，一路睇風景
每次黎日本，同好多人一樣去便利店我都鐘意買飯團食
最鐘意既就係明飯團太子，今次係秋田，就買左個包裝似係秋田既(亂黎)

買左個漢堡三文治，唔算好好味，係一咬個包到已經爆汁出黎
同埋個包設計其實好好，佢類似飛碟咁
個包係密實，入邊有既肉同汁唔會一開始就漏出黎
所以個包係軟熟得黎，又做到醬爆既效果

日本旅行好難會食到好多蔬菜，水果相對又貴
所以會見到好多果汁係標榜含好多食物纖維
反正都要買野飲，整返2包果汁，成個早餐就perfect
仲買左包芝粒煙小，座得耐口痕咬下都正

去親日本必買呢個三文治 碎蛋味真係食咗咁多年都食唔厭

慢慢一路向北往青森發
係開始離秋田縣既時候好彩無好似佢地咁訓哂
個景靚到呢，藍天白雲，地下一大片白雪雪
唔知係咪一大片農地黎既，好平坦，隔好遠先有房屋
但又見有人渣架車去塊空地中間影相
係度諗，如香港都有咁多地就好，唔洗貴租買貴樓














一路向北到達東能代站，就開始轉向東北駛
與此同時算係到左秋田縣既北部，明顯房屋真係少左好多
多左好多山同樹森，去到大館站
其實大館都有野睇想去行下，可惜今次程已經無時間係度留一日半日
所以東北真係黎一次都唔夠，剩同一個地方唔同既季節都有排玩

好靚

今次買依個包對我黎講簡直係新發現呀
因為平時剩係會係便利店買飯團+其他零食
就算麵包都係買新鮮焗出黎果啲

包裝普普通通，食落有驚喜

非常推薦大家睇第3條片
可以見到之前提過既一大片白雪平地望唔到儘頭
又會望到隔好遠先有房屋

https://youtu.be/WCw0S1Kv53U

https://youtu.be/KYrjSd854sc

https://youtu.be/jp5IimihOGU

有好多隻味架，每次去都食一兩個

香港搵唔番咁好味

其實依個時候，已經過左一半程車
諗住繼續輕輕鬆鬆睇住去風景去到青森既時刻，黎到大鰐温泉站

意外終於生啦

搭火車有時會係站停底幾分鐘係好平常既
我都會親依少少時間落車影下相
咁就拍住片影少少風景 ，影下落雪





突然間聽到想關門，我即刻衝上車

我所有野行火車上面，手上得電話相機Osmo Pocket
如果班車走左就唔單只係成日行程無哂

我唔識日文，點樣去同職員講班車漏底左我都成問題

屌個門關左，我趕唔切上返車，心急到想死

好彩即刻開返，一定係運転士見到開返比我
比著MTR一定頭也不回就開走左
不過今次係我柒左…好彩車廂入邊無咩人見到
真係超想搵窿捐，出外旅行都未試過咁柒
果種心跳加速令你成個人熱哂，同出面落住大雪好凍既反差
唔好再比我體會到我屌，我最怕依種突發事


出意外既時候咁岩我拍住片
全程真播住我點樣柒法
驚到講左 死啦! 死啦! 死啦!
到返埋位座底先識停返部機

https://youtu.be/Mc_95z_QtIA

大家係咪會諗點解依件事就係JR意外，要改行程?
明明就係你自己柒，有咩關係呢


因為真正既意外依家先開始呀


返到埋位，整理下身上既雪，抖返順條氣，諗住會車繼續出發去青森
座下幾分鐘，座下座下又幾十分鐘，我已經覺得奇
但其他乘客又唔算大反應
之前提過果班廣東話人應該大館站落左車
所以基本上大部份成客都係日本人黎
就算佢地有講下野我都唔明，只好繼續座啦，反正班火車點都去到青森

突然有2個著住便服既人入到車廂，講一大堆野
同時其他乘既反應都係
我都未知咩事，直至聽到佢地逐個乘客問去邊
依一刻我都係估估下，因為唔識日文，唔知佢地問緊其他乘客咩問題
但我聽到好多乘客係答地方(其實剩係識聽青森個日文)

到佢地過到黎問我，我就肯定依班車唔會再開，要安排旅遊巴士
車我地去本身既目的地

笑左, 架車閂門但行李仲係上面
真心好彩

你地睇真係會覺得好笑
但我真係驚到死，我都唔知點解會大安旨意咁落車影相

你算好彩定唔好彩
如果照行嘅話就冇財物
但上返車就運転見合去唔到目的地
下次check時刻表先好落車啦

本身火車都大約一個鐘車程，搭巴士咪一定再耐少少
我就即刻check下地圖，原來我今日最主要既行程弦前就係無幾遠
當下決唔上青森住，直接去弦前先，到時落車先搵位安置好行李



係佢地問緊其他乘客既同時，我就上JR個網check下咩事啦
原來我前面(?)果班車死左火呀屌

當時上JR網check既即時訊息，希望我無理解錯


咁奥羽本線其實都係得南北行雙線行車
當有車壞左停係度，咁果個方向成條線就會死左

如果你睇地圖就會知道奥羽本線如果由秋田去青森死哂
影響會係幾咁大，除左我依肯身處既大鰐温泉站要安排旅遊巴
其他站其他既班次都係要安排乘客去目的地
所以好配服佢地好快速應變到
雖然等等下都已成個鐘，依個時間應該係到青森落左車
但係一個咁鄉郊要安排旅遊巴接成班車既人走，係要時間準備既

我果d 衰野都差唔多
試過走左一日一班既火車
又試過俾人偷電話
但我見你企係門邊影相 ga la wo

你講得岩呀，下次一定要小心啲

如果班車走左，就得我一個人企左係度，好無助
但上得返車，係基於壞車所以無開走

2個都係意外
不過我上得返車應該係比較好彩既

起碼我改到行程

我就係諗住佢都停左已經一陣，咪企係門邊影
你睇片都見，佢咩警示都無
對門話關就關

我果刻已經聽到機械聲feel到佢係想關門
點知太突然，1秒內既事，都係趕唔切

當然都好多日本人係度鬧JR既職員

佢地對交通工具既準時睇得好重，而且你地都知
遲一分鐘就係遲，車係唔會等人
好多人因為咁影響左成個行程，甚至成日得一班既車都會搭唔到
我自己都係度計咁樣對行程有咩影響

果2個職員又入黎講一大堆，其他人開始執野
我見唔對路，當然起身執埋一份
跟佢地行出廂，成大班人拖住行李係月台排成一行
慢慢行出站，見到有工程人員度檢查班車







就係咁，我去左成個旅程，唯一無預計會踏足地方 - 大鰐
睇wiki係屬於青森縣既南部，成個大鰐町人口先大約得9800人

開始掛住鄉下

我事後google返，依個地方真係無咩好行
除左車站出面既足湯
街上面一樣人都唔多個，車都唔係好多架經過
好靜，靜過尋日湯沢，仲要車站出面咋喎
可想而知，大鰐既規模係有幾咁少











係車站外等旅遊巴既情況
https://youtu.be/XGBcaTDuxHY

如是者又等左大半個鐘，終於有旅遊巴黎啦
行李就由職員幫忙放上車，我地就排隊上車
望住成個站既職員出黎鞠躬送我地走
又係比著MTR就頭也不回

座窗口位睇下風景，印象上都係第一次係日本自己搭遊巴
慢慢搖下搖下向弦前出發
搭巴士真係慢好多，同無咁舒服，我又易暈車浪
所以唔可以低頭玩下電話
不過咁樣都係一個體驗，望下風景，其實旅行就係咁啦

如果由大鰐温泉站去弦前站，搭火車只係要十幾分鐘就到
依家前前後後用左2個幾鐘先去到，臨去到弦前仲要塞塞地車

但如果睇返我本身既行程
原先係先由秋田上青森，去酒店放低野再落返弘前
同依家直接去弦前
其實到達時間唔係差好遠，甚至比預定早左1個幾鐘到弦前
我無實際去睇相差幾多間，但依個意外令我多左一個深刻既體會

正所謂塞翁失馬，焉知非福

Fujifilm影出黎既色水真係好好正，尾二黑白色果張好有feel

之後既相，就全部都係巴士上面影既



















話塞塞地車，就係行行下見到架警車停係度
初頭以為有意外有車撞左，但之後又完全唔覺，唔知有咩事

弦前，終於到步啦，職員已經幫我地拎哂行李落車

一望就feel到3線同4線城市既分別
充滿生氣，星期日都咁多人
我第一時間，就係巴士衝入JR站搵locker

(其實依度又有個少少既意外
就係我落車唔記得拎行李，一支箭衝左入JR站
上左2樓先發覺唔記得拎，要衝返去巴士度
好彩巴士未駛走，加上行李佢地mark哂名
去到果個人既目的地，職員就會瀉哂啲行李落車)

大型locker得返1個空出黎，我身上又無碎銀
要去搵職員唱錢比我入locker
搞左15分鐘，去埋廁所就出返去巴士站搭去目的地弦前城