[2020日本東北雪祭] 秋田青森 暖冬下的暴雪之旅

https://youtu.be/gHK49thmL5Q

事緣2019年2月同屋企人去完大阪後
4至5月再係東京見證年號由平成變為令和既一刻
(係澀谷十字路口位差少少迫到被人推出馬路比車撞死)
就已經決定下次要自己一個去比較鄉郊既地方











Day1 香港 > 東京 > 秋田
Day2 秋田 > 湯沢(雪犬祭) > 秋田
Day3 秋田 > 青森 > 弘前(第44回弘前城雪燈籠まつり) > 青森
因為JR既意外為變成咁
Day3 秋田 > 弘前(第44回弘前城雪燈籠まつり) > 青森
Day4 青森 > 奥入瀬渓流酒店 (星野リゾート 奥入瀬渓流ホテル)
Day5 奥入瀬渓流酒店 > ホテル十和田荘(十和田湖冬物語2020)
Day6 ホテル十和田荘 > 八戸(路過) > 澀谷(SHIBUYA SKY)
Day7 澀谷 > 香港

唔去九洲係因為以前短暫到過褔岡1日(大阪 > 褔岡 > 大阪)
唔去北海道係因為今次日子唔夠長

東北我從未去過，亦係想去好耐既地方
所以其實一開始無定去邊度
甚至乎每個城市有咩景點我都唔清楚
係突然想有少少靚景睇住咁浸溫泉
搵搵下酒店突然到見到有間幾好feel，仲要寧寧舍舍得依日有位
咁我就book左先，依間就係星野リゾート 奥入瀬渓流ホテル


其實我今次成個旅程，係圍繞住依間酒店黎plan
我連點去，原來撞正係雪祭既日子，事前完全都唔知道
今次只係想遠離城市好好放鬆下

今次旅程都算係誤打誤撞，當中都真係有意外發生
令到我有非常深刻既體會

多謝你第一個留名
第一次打遊記，所以我一早準備好哂慢慢出
絕對唔會爛尾

見到日本東北就會留名

Day1 香港 > 東京 > 秋田



雖然自己一個人都去過幾次旅行，但每次都好怕會漏野
所以成日check好多次睇下有執漏野
知道今次會去雪祭就買左好多厚衫
到今日，一次都未著過

我平時無影開相，唔係龍友
不過覺得就咁拎部iphone黎影
事後睇返一定會後悔，點解唔帶部相機呢
始終性能上一定係相機勁啲專業啲
而且旅行既回憶我個人黎講係覺得非常重要
時間一長，珍貴既回憶同體驗就會忘記得7788

所以我為左今次旅程
由Fujifilm XT10 + 35mm f1.4 轉到 Fujifilm XT3 + 16-80mm f4
事後證明好彩有買部新機新鏡，唔係個旅程應該有2/3時間無得影相
依個原因就容後再講
(仲帶左DJI Osmo Pocket去拍片)

機場怕死，入去都要check
所以我提早少少到機場，廢時有咩差錯
累到我依個超重視既旅程無左
而且依個時候，疫情開始浮上黎，初頭都未知飛唔飛到
上到機都發覺真係好少人，成排4個位得一個有人座
好多排都係咁，所以成個trip都係有些少不安

之後就順利飛到東京，一落機果種寒冷感覺真係好舒服
入境果時依張野，應該唔係好多人見/拎過
希望以後唔要再用到

之後就搭NEX去到東京站，買東北新幹線既pass
劃好位，就衝去廁所大解




跟住就去買便當…多人到呢，買完就拿拿臨上月台
其實今次都係第一次自己搭新幹線，周圍搵左陣係邊度上車
搵到就附近慢慢影下相，影完就乖乖排隊等上車

G持
本身plan今年去東北睇紅葉

好急趕咁影無set好色影完就衝左上車



我唔係鐵道膠，不過都好鐘意搭火車
幾十年前科技係平民應用方面已經領先咁多，真係好羨慕
第一次搭東北新幹線E6系，覺得個車廂好迫，同以前搭700系由大阪落褔岡點解差咁遠

我劃左位座右邊既窗口席，隔離就座左個返工友
佢就係仙台落車，不過我全程就望窗口，難得第一次離開城市入郊區
當然要望下啲景色有咩改變望到夠啦

2月去過, 其實青森秋田雪量覺得算正常, 其他縣就真係少好多. 喺青森駅等咗幾粒鐘至有JR去弘前. miss咗雪燈籠祭放煙花嗰日 . 犬祭冇去過不過去過銀山溫泉睇夜景 . 仲有秋田內陸線雪景都唔錯. 聽講住星野奧入瀨有tour入奧入瀨溪睇雪景, 我都好想試吓

我有join奥入瀬果個渓流雪景tour，係值得睇下既
銀山溫泉正呀，其實如果我今轉如果多日子，我都想深度遊
同玩埋山形去睇藏王樹冰

我2月7去，其實都好彩，飛之前1星期開始大雪
之後會再講下

望下就覺得肚餓，係時候食個火車便當
次次買果時明知海鮮類好易中伏，但係偏偏就比個包裝吸引到
剩係個盒都有排J呀，一打開個盒真係烏呀





不過一食果然又係伏伏地
唔緊要啦次次個心態都當食火車便當係一種樂趣，多過係享受個味道
食得唔太過癮，見車務員推車仔賣下野食野飲
就求其買舊野咬下啦，唔識日文，果時都唔知係咩黎
剩係知食得既，咬落去似係魚片頭物體，不過不失啦

東北同北海道果邊二月頭開始落返大雪

如是者，座下座下到左盛岡，新幹線E5系 E6系就開始分離
E5上新青森，我座既E6向西行往秋田出發 (一路向西)
接住落黎既景色，我依刻都唔會忘記

相信大家有留意日本旅行消息，都會知道2019至2020既冬天
可係35年來最暖既冬天，好多滑雪場，不論係北海道，東北，中部
都因為咁既天氣完全唔夠雪，甚至乎無雪
(聽閒北海道既滑雪場，要去第二度剷雪運返過去)

之前提到個trip充滿不安，無雪係我最擔心既
我第一次真真正正去睇雪就係今次
我plan既地方，正正係要有雪先會成事
如果無雪…可能只會變左係街周圍行
因為我完全無second plan，去比較2-3線既城市
連我去緊既秋田，真係可以無野好行
(只計市內，其他地方無特別研究)

雖然係暖冬，但睇標題都知，暴雪可能誇張左
出發前幾日開始落大雪
由盛岡出發無耐之間，景色已經完全2個世界
初頭天色灰灰陰陰，個色調真係唔太靚

其實係雪祭,
因為札幌市周邊近郊都唔夠雪,要係俱知安同京極町呢D地方運雪過去唧

但當有陽光射落黎，白茫茫一片，好刺眼，原來睇雪都可以咁辛苦
途中會停靠一啲車站，開始落起雪黎
日本車站+落雪原可以咁有feel

https://youtu.be/C-17JD_B06w
https://youtu.be/i9PhNpETdcM
https://youtu.be/Aha-ycBTvtQ
https://youtu.be/tr62d0jtnIg

又座左唔知幾個鐘，終於到站啦
由細到大，唔知秋田係邊都會聽過秋田犬
第一腳離開個車，踩落啲雪度原來係咁既感覺

https://youtu.be/x-N6nfBWVL8

其實就算著住波鞋拖住個喼都還好
最驚係踩落啲冰度超易仆街

出到車站個感覺真係好新鮮，舊得黎又新新地
仲好多秋田特色既裝飾物

大家應該知道地球上有一個地方發生水災，好值得我哋關注
https://lih.kg/2095000
- 分享自 LIHKG 討論區

跟住就快快手去酒店check-in
我Day1-2晚都係住既 秋田大都會酒店(Hotel Metropolitan Akita)
間酒店睇google map就係秋田站隔離

但都要沿住秋田站既商場行一段路
再要拖住過喼落一層樓梯
係雪拖喼行一段路仔終於到啦

酒店我鐘意交通方便少，要乾淨唔會太殘，寧可貴少少
係就係夜晚先會返店訓得果幾個鐘，但如果訓得差
而影響自己既精神影響個行程就得不償失
依間酒店，勝在正正常常近車站
加上大雪既情況，如果住得遠離車站，要拖住個喼，真係好辛苦
所以今次真係無選擇錯既

講左咁耐，Day1都未過一半
換埋對雪鞋，依家都算正式開始我既旅程

我旅行唔鐘意走馬看花
鐘意周圍行下，係個城市兜下圈
覺得如果剩係景點去景點
同跟旅行團一樣，上車睇野，落車睇野，再上車去食飯
完全唔知己去緊邊個城市

所以我通常會選定1-2個景點，再mark實想食咩野
其餘時間就鬆鬆動動咁周圍行，體會下當地既平民既日常生活係點

https://youtu.be/T_0TdWoZOm0

而我第一個目的地就係八幡秋田神社
其實個神社有咩典故我唔知亦無再去查證既
不過之前plan既時候，除左15分鐘既路程就會到
最重要係佢係個山丘上面，可以俯瞰秋田市既景色



離開酒店應該大約係中午1-2點，所以天氣係非常好既
不過因為第一次係雪上面行街，仲要算係上山
真係覺得有少少吃力，好多時睇唔到樓梯
又無野扶住，踩落去先發覺係斜路黎
真係好驚一開始就仆街傷左對腳
沿路見到學生放學，啲學生妹咁樣衰
又話係秋田美人黎既，呃人

https://youtu.be/54-dl4_Z1NY

留名