[2020日本東北雪祭] 秋田青森 暖冬下的暴雪之旅

好快就到左十和田莊酒店
果然係好舊式既溫泉旅館
落車都係要靠自己搬行李落車...
一步入大堂，更加感受到佢過百年歷史既建築風格

接待我既係一個西裝骨骨既老伯伯
我唔識日文，佢唔識中/英文
但都好比心機講解令我知道各項主要既地方


見到左邊有塊紅色地氈，伸延到相中間果幾個人
就係門口行入黎，去check-in既地方






大堂隔離就己經係紀念品店
而唔知係咪比較舊式溫暖旅館既關係
好多梳化/比人座低既地方，好多舊式既人形公仔/擺設

依度總共3層，我就係2樓，我就搭𨋢上1層
一望到個走廊盡頭遠到呀…. 好彩唔洗行到好入
我住既係最普通既和室











浴室廁所係日本最普通一體式果種，不過好細好舊
間房就一眼睇哂，地下係榻榻米
已經鋪好床墊，頭頂盞燈係要用手拉條線黎開關既
咁細部電視就真係好耐無見過…
室外都幾開陽

https://youtu.be/lEqYIWj8DYU

留名一身蟻

青森出名既拉麵
有味噌咖喱牛奶拉麵
同埋煮干しラーメン
（用細細條既沙甸魚乾淆既湯）
基本上得青森食到嫁咋

正呀

今次好恐怖個格局

青森出名既拉麵
有味噌咖喱牛奶拉麵
同埋煮干しラーメン
（用細細條既沙甸魚乾淆既湯）
基本上得青森食到嫁咋
[img]https://na.cx/i/JZ53C6k.jpg[img][img]https://na.cx/i/vt0WdEH.jpg[img]

味噌咖喱牛奶拉麵舊牛油畢生難忘

好正呀，我無做功課唔知有好野食

青森三色丼黃色一條條既應該係帆立貝d邊黎

btw 東北真係好正 又大 到到都唔同
我去咗幾次都仲想去

原來係帆立貝邊黎，唔怪得爽得來又少少煙韌

去完東北，好似重新認識左日本咁
依家都剩係想去2-3線既城市玩，反唔到轉頭

咁我放好哂行李都4點幾
把握時間就衝出去行啦，點知唔記得戴頸巾
係我依一日最失敗既地方

講下我點解會過黎依邊住一日
除左十和田湖之外好想過黎睇之外
最重要既係有雪祭，十和田湖冬物語



其實酒店有shuttle搭去會場，但其實好近幾分鐘就到
所以我決定慢慢行去個湖(紅色箭嘴)，先至再去雪祭會場
睇相你地會見到，啲積雪有半個人咁高
見到有剷雪車係度剷緊，果然唔似青森咁會有地下暖水道











由酒店行出去唔洗一陣，已經見到湖邊
加上十和田湖係由火山噴發而成
所以環顧四周都係山，形成好獨突既奇景

慢慢行到湖邊都算順利，但一到湖邊因為無人剷雪
完全無路可以行，啲雪都差唔多成幅牆咁高
本來諗住出去碼頭，船邊影相睇下景
完全始料不及，嘗試過行出去，不過真係好難
我既鞋，服裝唔係完全防雪，會入雪凍到死
而且都唔會夠力推開啲雪，又企得唔穩，好似之前仆落雪度就麻煩
所以好辛苦咁行去附近一棵樹黎扶住
好失望咁睇一陣feel下周圍既景色，就回頭向雪祭會場出發

依條片就係我行去棵樹扶住果時
https://youtu.be/qo22czu5LsA


依度見到個碼頭完全無人剷過雪
即係果幾架船泊左係度好耐無開過
https://youtu.be/lm8aNp3zhiw


依條係十和田湖24小時既live黎
依家都live緊，可以隨時隨地睇到湖既情況係點
依條live，都算係我其中一個想去十和田湖既原因
https://youtu.be/ckhN8l5hCTk

另外post多個live
依個係RAB青森放送既live
幾個青森縣既城市都有set到cam
青森市，八戶市等等
連弦前市都有，正好就係影住弦前城個入口
我出發前成個月，就係日日望住，幾時先會肯望雪
https://youtu.be/oYeAgzCajXw

天色開始轉暗，係湖邊特別凍又無頸巾
不過頂硬上行埋去會場唔返酒店啦 (超後悔依個決定)

都係好快10分鐘就到會場
同頭先湖邊完全無人相比
依度多好多人，果然依度得依個大景點，特別容易聚人







唔知係咪之前幾日已經見識左好多雪景同雪祭
一入到去，第一個感覺就係好hea

會場係唔算細，但設施或者雪像唔多
仲要係唔太精致，即係你會覺得似返左我地偉大既贏國
一啲好殘舊既機動樂園果種feel
純粹係整個好靚既名十和田湖冬物語
其實只係通雪祭會有既野佢都有
依個就係點解我預告係中大伏

咁睇真係慳返唔駛去

酒店房望出去個景好靚 樓主啲房好似成日都比兩張床既大房 好爽

落雪室外浸溫泉真係好正 之前試過係登別浸
裸體推門出去落住雪勁凍之後落水果下反差

唔知點解依個雪祭，對我黎講最吸引只係入鋪頭食下野
除左朝早果2個杯麵，都無特別食過咩
座低嘆下暖下身都好，反正要夜少少會場先有節目











依種日式暖爐無咩機會試到
一座落去暖暖地幾舒服
如果同女女黎係下面對腳就可以......

唔ff咁多啦，首先試左雞肉雜菜湯，湯味道清甜，雞肉嬾滑
另一碗已經唔記係咩，好似係牛腎?
剩係記幾好味


食完出去行下，其實個場真係無咩睇
雪像又唔似雪犬祭咁多
係有2間雪bar，雪滑梯，有雪地香蕉船玩

雖然話中大伏
不過依家睇返啲相，又未至於好差既
只係自己無善用到時間
一陣會再講到

溫泉酒店通常都預人地一家一對對咁黎既
好少似我咁一個獨自黎玩

所以點解有啲唔受你一個人既booking
酒店本身房都唔多，除左想賺多少少之外
佢地都想多啲人享受到

所以點解房會有2張床，但得我人一個訓

其實都好多間鋪，依家睇返好想食
幾時有得再去日本呀

https://youtu.be/2a6vuoMQLgo

https://youtu.be/U5j3Y-Hv2j8

有啲似當年去旭川雪祭 plan 一日去睇點知10分鐘睇哂

無錯完全係依種感覺
之前雪犬祭同弦前城燈籠祭都未至於咁少野睇

又累又凍，出面行行企企要等多個幾鐘睇埋煙花先走
好耐未試過覺得咁浪廢時間
就好似有巴打咁講，成個雪祭
行一個圈可能15分鐘就睇哂

依家事後諗返，真係要行返去十和田湖都好過係度呆
不過當時係覺得，行返出睇湖唔太可行
一來湖邊厚雪行唔到
二來果邊無咩人
三來係無咩街燈
唔信你夜晚禁下面十和田湖條live就知有幾黑
https://youtu.be/ckhN8l5hCTk

萬一自己出左咩事大聲叫都無人救，好危險
(睇得金田一同柯南太多)

所以唯有周圍搵下野做
最尾行黎行去，其實左玩雪地香蕉船
500yen一次，都幾抵呀我又未玩過

其實就係一好大馬力既雪地電單車
拖住香蕉船，然後打8字咁兜圈
其實我連水上香蕉船都未玩過

唔知原來會咁大馬力
速度唔係快，但每加速一下
成個人想拋落地咁

初頭一手渣機拍片一手扶住
點知兜左一個圈，發覺唔掂啦
再係咁就成個人跌落車
唔傷都柒，即刻兩隻手扶住
本來拍緊片既我，已經完全唔理拍成點
無驚無險幾個圈之後就完左啦
無諗過要咁用力捉實扶手
之後隻手feel到有小小累，係我廢


本來唔想post段片出黎，因為會比你地聽到我把聲係點
不過唔post就完全無相好貼
(所有片我都無cut無執過直post出黎，懶)

你地會見到過左一個圈
個畫面就會好似事故咁訓低左
果下就係我頂唔順，由單手扶
變做要雙手扶實
https://youtu.be/31vs4G5cImo

好有心機 正評

多謝支持
第一次寫遊記，希望大家睇得開心
係依段無得飛既時候，可以解下大家既思鄉之苦

出左少少力，係時候又去食野補給下
其實只係因為無野做








今轉就食左關東煮，燒雞皮，仲有豬軟骨
全部都好好食
燒雞皮煎脆多油香
豬軟骨好嬾入口即化

果然係要食野先至滿足


本來想座到睇煙花先出去，不過食得太飽
唔行下消化下，頂住個肚都幾唔舒服
不如就行去雪bar果邊，飲返杯野







雪bar最大特式，當然係用雪砌出黎 (好似係?)
而且特別在，係大部份凍飲都係用冰杯裝住

都好多人要排隊，仲要等下先有位座
點左一杯飲品，個名係童話故事
不過我唔記得係灰故娘，定叫做羅密歐與茱麗葉
係類似咁既名，好似係橙汁溝熱情果汁










買完就行上一層，係間房仔度座住飲
頭先都提過間雪bar係用冰砌出黎，連樓梯都係
唔平又跣又無扶手，差少少仆街

座既地方，一係摺凳，一係就雪上面鋪左啲墊
人多好快滿座，間雪屋都好細，人地講野都好大回音
當時有一個家庭，公公婆婆，阿爸阿媽，帶埋個女入左黎
好溫馨，兩個老人家睇住孫女個樣係好幸褔


而我杯野其實都係打卡用
我見人放係枱，再搵電話燈照住背面
先試下咁影，係靚好多喎

不過無手套唔洗旨意拎得起個杯
會凍到手痛同麻痺