[2020日本東北雪祭] 秋田青森 暖冬下的暴雪之旅

返到酒店我就先上房，預備我今日最後一個行程
就係浸溫泉啦

我依次旅程既初心，頭post都講過
就係想輕輕鬆鬆望住靚景浸溫泉
當然東北好多更加靚既溫泉，例如乳頭溫泉都係我好想去
不過當時誤打誤撞book左依度
都係緣份黎，事後諗都係一個唔錯既選擇





換好浴衣，就落去2樓既溫泉
可惜無男女混浴，都好多後生女呀

全部仔同佬黎，可以帶相機我都唔會影呀
所以唔會有相睇，之後再post官網既相

一入到去就係換衫既地方
當然解除全部既束縛
除哂衫褲，挺起 _ _ 好自豪咁行入去

同日本各地普通室內溫泉一樣
有類似澡堂既地方，比你洗乾洗淨，先至落溫泉浸

依度既淋浴用品，全部都係蘋果既香味
洗果時全身都係水香味，有得浸住飲返杯蘋果汁就正

室內溫泉都好普通，四四方方，空間感幾大
之後就到戲肉啦

入口 > 更衣室 > 澡堂 + 室內溫泉 > 室外溫泉

基本上就係咁樣，永遠最後出現先係好野

https://youtu.be/_3YNpx8pAvE

無相又點會有片呢
依條片只係影下男湯同女湯既入口，大家係咪好失望呢

點燈嗰度我淨係睇相都嘩出黎
真係好撚靚呀好想去

男湯


我話要睇住靚景黎浸，當然就唔係要浸室內溫泉啦
沖乾淨就直接推開門，行落幾級樓梯
腳板以至全身，赤裸裸咁感受到係零下幾度既寒冷
身旁左右兩邊既牆係人工造成既冰瀑布
眼前係一望無祭既鋪滿雪既樹森
抬頭一望，月圓之夜同地下既白雪互相輝映

女湯
雖然外形唔同，但係冰牆個構造係同男湯一樣



真係好想影低佢，可惜唔帶得相機
相反我都唔想比變態佬影
(上網搵到有人偷影，不過我就唔post出黎啦)

未試過行後落溫泉過成十幾廿秒都未浸落去
依個景象令到我少少呆滯
不開始頂唔順，不斷有風好Q凍，搵個靚位慢慢浸

初時係度諗，黎得浸溫泉實會多人
係多人呀，但反而係室內，依度露天同一時間竟然唔多過6個人
非常lucky，大把份時間可以靜靜地咁放鬆享受下

住依度夜晚無野做真係要join去睇下
我記得酒店先15分鐘就有一團出發
所以時間好易就

曾經提及過我非常怕熱
雖然都鐘意浸溫泉，但長時間浸落去都幾難頂
幅相中間有幾條木柱，其實果度係位黎有得座
好多時我都會座係度，上半身露出水面
或者幅相最右邊，果度都係位黎可以座
不過咁樣就會得對腳浸住

有時咁樣座都唔夠，甚至要企係度全身散熱先得
成日行到最前企起身叉住腰望住前面
又黑又白既樹林，再望下頭頂既圓月
靜思下，好Q凍，又浸返落去，不斷loop

係零下溫度寒風入骨既情況之下
依種冰火二重天既感覺真係爽到死

浸到咁上下，發現啲濕左既頭鬆竟然結左冰
雖然唔係成舊變冰，但都幾搞笑

有時隱約會聽到女湯傳出黎既聲音
因為你地睇之前條片就會發覺其實女湯唔係好遠
我相信大家望住出邊樹林既方向係一樣既，只係一個左一個右

浸左差唔多一個鐘，完完全全咁放鬆靜思左依幾日發生既事
好似過左成個星期咁，好多畫面飛左出黎

係時候入返去再洗乾淨，之後就返上房啦
換衫果度當然有齊護理品，梳，風筒，保濕水等等
依度就無免費牛奶飲啦，不過就有免費冰條食
亦好多人都浸完就行去隔離河神果邊座低吹水






上到房，終於可以介紹下依間望住溪流既和室
一開門右邊已經有個好大既鞋櫃
行前少少分別就係廁所同浴室
之後就見到成間和室



有2張好大既床，再前面有張大既梳化床，對住窗口


再加茶几比你一路嘆住熱茶，一路望住窗外既溪流雪景


房入面亦有部加濕器，比較特別既係暖爐竟然係放係電視機底
雖然係中央溫，但唔怕影響到部電視咩?
之後仲一部按腳機
我睇過有人介紹，普通房反而有成張按摩椅，真唔真有無咁正呀



依幅就影返門口果邊，直望果間係浴室
基本上個個都係去溫泉果邊沖埋，唔會用到
右邊影唔到既就係廁所

平時我係酒店沖完涼執完行李，通常都係上床睇下電視玩下電話就訓
不過係依度只係想靜靜咁座梳化床
一間咁大既房剩係得自己一個，再望住出面咁寧靜既溪流
突然有少少寂寞，但好享受得自己一個人時間
做人無時無刻都要與人相處，想有自己一個既私人空間
係香港唔係咁易，就算有，周圍都望到太多人啦

座下座下，係時候拎返之前食完自助餐後
係間鋪頭買果幾罐蘋果汁出黎嘆




買左4罐，最重要係咩呀?
係青森縣產，同果汁100%，係100%呀
慢慢望住夜晚既溪流雪景，一路隊哂4罐
跟住就上床，完成左我非常滿意既Day 4啦

落雪浸溫泉冇得輸

我浸果時得點點雪咁飄落黎
不過成個feel已經好好

可惜周圍得啲佬係度

可以預告一下Day 5既行程

中 大 伏 !

唔洗錢緊係去
同埋睇星一流！因為佢會車你去好山卡啦地方，附近真係一棧燈到冇，
見到滿天星真係幾撚凍都值得去

係啊
但今年天氣都幾反常，我去嗰陣冇乜點落雪，
所以都睇到星
或者你可以揀秋天去，睇紅葉靚到DUMP一聲

除左東南亞 其他地方去親都係住hostel

日本一個人特別寂寞

Day5 星野リゾート 奥入瀬渓流ホテル > ホテル十和田荘(十和田湖冬物語2020)


講明中大伏，可以話係期望越大失望越大既一日

尋晚嘆完果4罐蘋果汁，就一覺訓到天光
一朝早7點幾8點起身望住個溪流係正既








本來我今朝都join左搭車出去睇冰瀑布
但尋晚完，覺得朝早都唔會差好遠

所以打電話落去服務處cancel個booking
之後就直衝去浸溫泉啦

朝早啲雪一樣咁靚
有晨光既關係，啲景望得仲遠仲清楚
同尋晚一樣浸下浸下就已經係成個鐘既時間
浸完就上返房換好衫

因為行程既關系，我要下午先離開依度
所以成個上午無咩好做
咁就係酒店周圍行下

提過酒店有分東館西館
今日就過黎東館依邊
尋日提過西館有河神
咁東館就有森林神話，佢個名真係叫 "森林神話"
係一個青銅製既暖爐，高8.5公尺，重5噸
平成3年4月完成，平成，好似變到好遙遠既事

背哂光，唔識點影先好






循例放一放官方既介紹
溪流湍急優美，碎石在流水滾動流去；樹木高聳參天，野生動物一閃而過，鳥兒紛飛歌聲此起彼落。下方有蘑菇展開笑臉，頂端有戴冠的鳥國王優雅飛舞，人類與森林的妖精共舞在此。

應該無咩人會理佢既創作理念係點
剩係睇佢個外表知道靚已經好夠
而且你一到步未行去櫃台check-in
隔離就已經係森林神話，所以比起河神
森林神話可以話更加標致到奧入瀨溪流酒店

依家咁早完全無人，可以任座邊張梳化都得
靜靜地係幾嘆既

https://youtu.be/c5zvjFpVV0g

https://youtu.be/1x2INfJoFFI

秋天黎應該

座係度睇睇下雪景，開始覺得有少少餓
本來我都係book左蘋果餐廳食早餐
不過本人真係好細食
而且我朝早真係食唔到好多野

所以都係決定去返間紀念品店
買少少野上房食，順便買少少手信
咁就可以望住溪流慢慢嘆

其實就無咩便當飯團麵包可以買
得杯麵算係似樣少少，好頹

而手信我見到有人訂左箱蘋果寄去第2度
我未至於好鐘意食蘋果
係好鐘意飲依度既蘋果汁呀，但咁寄返香港好貴呀

另外浸溫泉果時啲淋浴乳同洗頭水都係蘋果味好鬼香
所好痴線咁買左2支返去香港，重到死

又要借用人地既遊記
https://im0071.com/2019/10/hoshino-resorts-oirasekeiryuhotel/


我果2支都係淋浴乳，返到黎用硬係覺得無咁香
可能買洗頭水會容易啲嗅到
下次再買返黎比女女用
咁我就有得嗅到女女既頭髮蘋果味啦

買完就上返房慢慢望住溪流一路食麵
平時無咩幾可係酒店食杯麵
估唔到繼上次去完雪犬祭，買左個杯麵當晚餐
今次就買夠兩個當早午餐



上次雪犬祭果個雞油味杯麵，香港都有得買呀原來


味道就正正常常，不過我就唔係好食得出咩青森味


食完就執下行李，再攤抖下，難得有間咁靚既房
依度住一晚真係唔太夠，好多活動都參加唔到
如果唔係旺季，有房剩我都會book多一日玩呀




到大約12點，就執好野check-out啦
超唔捨得，有機會真係想再住多次
之後既行程就係出發去十和田莊酒店
不過3點先有車去，所以就行去奧入瀨溪流酒店隔離既
奧入瀨溪流館 <----- 睇清楚，唔係奧入瀨溪流酒店

路程google其實都係4分鐘就到
不過我覺得跑過去先可以4分鐘
出發之前係酒店放低行李，一陣先返轉頭再拎過
出到酒店外面周圍影下景慢慢行，見到有一家大細係度砌雪人












初頭仲諗住有條行人路，但原來得車路
雪路超污糟，好彩咩車係側邊經過
去到溪流館出面個停車場，其實就係一陣我車出發既地方
我算係黎踩下線，一陣出發詳細講下點解要踩線


中間啲雪/冰真係超污糟...


溪流館，其實算係一間細細地既紀念品店 + 介紹溪流歷史既地方
賣既野都係大同少異，無咩特別野岩，我都無咩收獲







見到所謂「奧入瀨溪流」概念既雪糕
鐘意雪糕既我當然要食返杯啦，雖然都知係賣個名架啦
咪係雲呢拿雪糕+綠茶粉+朱古力醬囉
不過你咪理，好食就得

漏左雪糕既相

原來都漏左係房食杯麵果時望住溪流雪景既片

https://youtu.be/ru1v60NjZmM

就係咁差唔多2點幾，就行返去酒店果邊拎行李
再行返過黎依邊溪流館等車

酒店門口
https://youtu.be/WBZUFEjtVKc
酒店外邊既景觀
https://youtu.be/3ZYN9zVRZY0

之前講過話係踩下線先，依家就解釋下點解要咁做

其實由奧入瀨溪酒店去十和田莊酒店
係比較煩既，雖然車程一個鐘就會到
但係就無共公交通可以係度搭去
咁點算呢除左taxi之外仲有咩方法呢
依程我整個旅程最擔心既地方

我上網查見到有人話十和田莊酒店果邊
佢地架免費shuttle bus係八戶JR站出發到佢地酒店
會經過奧入瀨溪流館，但要事前通知，佢先會停車接你

我出發之前，來來回回咁係facebook同email
聯絡兩邊

奧入瀨溪流酒店係大集團，可以用email 英文問
答覆都算快有，有專人跟進，同會比其他意見你參考
依方面真係做得好好

另一方面，十和田莊酒店我剩係搵到用官方facebook
就咁chat，唔係好pro既感覺
加上有時隔1-2日先覆
不過好既就係中文問都無問題

十和田莊酒店官方Facebook
https://www.facebook.com/towadaso

雖然事前已經確認哂
但都擔擔心心咁係溪流館前面個停車場等車啦

連豬指住既位置就係停車場


因為十和田莊酒店果邊既回覆途徑係facebook個private chat
咁唔official好驚佢架車無黎miss左

話3點架車會到，我2點半已經係度等
真係好怕佢早到，唔見我架車就走左
咁我成日就會中伏架啦，要搵酒店幫我call taxi
到時taxi黎到都唔知係幾多個鐘之後既事

一個人企係度，車都唔多架會過黎
睇下時間過左3點，心諗唔係出事呀
日本交通應該係準時架，等到依家3點15分都有
唔通要行返酒店果邊搵人幫我? 但我日文又唔掂

即刻facebook問返十和田莊酒店，肯定隔成日先會覆
終於企多陣，見好殘舊既巴士黎到，車身印住十和田莊酒店既logo
終於放心哂，嚇餐飽

架巴士係無下層放行李架竟然
要自己拎上巴士，痴線…做shuttle bus去酒店竟然係咁
好辛苦先拎到上車，行李都未放好
就見到一大班團友已經係車上面，算係上左年紀既
同埋又係有十幾廿件行李係車上面
點解酒店shuttle bus會無位放行李
要全部放哂係座位上面


上車果一刻完全無機會影相
依家比到步果張相你地睇左先


唔係左邊果幾部呀，依幾部咁大部
下層又一睇都見有位放行李
我搭果部係右邊細細果部
完全好似走難咁陰公


咁程車，沿途有個人拎住mic用普通話係度介紹
無端端問我係咪台灣黎
我話係香港之後就無理我，係咪諗住我都係同鄉
依個時間，如果我係台灣人都唔錯
不過唔會咁易就放棄香港既

另外朝早無去睇冰瀑布，依家可以睇返
因為架shuttle bus去到瀑布既位置，都會停一停比我地睇下
當然無得落車，所以都係遠距離咁睇，好過無啦

之後好快，就開始見到十和田湖啦，嘩超靚
成個景成個湖白白灰灰咁，但間中又有陽光射落黎
好似仙境，係無仙女，得班阿婆係同一架車上面

https://youtu.be/enekKA9HIvg