[2020日本東北雪祭] 秋田青森 暖冬下的暴雪之旅

點解會睇到濕左架，我翻睇一次都唔覺有既
btw This guy is gay

北歐正呀，仲要極光，山景超正，我最鐘意去高既地方
我都超怕熱，所以去襯都會搵當地涼過香港既時候去

我亦都試過凍到病，有次係橫濱既露天棒球場睇con座山頂位
跟住落雨、淋足成場，得10幾度仲要唔細風
剩係得件膠袋雨衣，件衫條褲都濕哂
座到我縮埋一舊成身不斷震
當晚就發左燒

你講得好岩，去到當地有時真係普通到唔會想影
但一返黎香港睇返啲相，就發覺係回憶裡面存在過既畫面
已經唔係你部相機/電腦/電話度

亦係依個原因養成左我出門去旅行都會戴相機盡量去影，去拍片
每次既旅程總會有一啲係你唔想忘記既畫面

相靚係因為個景真係靚 + Fujifilm既威力
我攝影新手亂黎snap shot架咋

所以下次去 邊都好，真係要狂影
太大雪真係好唔方便，最憎出一出門口都要上晒全身裝備

樓主：「我未上車喎」
諗起樓豬有機會一個人
留係月台吹凍風就好笑

之前講到成半個人係涼亭外插左落雪入邊

搞完一輪開始肚餓
慢慢向住會場既方向，諗住有攤檔可以食下野












點知唔洗一陣就行到去行去一間有好多紀念品賣，又有輕食既地方
叫做武德殿休憩所，原來係依度既食堂黎

資料來源: 弘前公園
https://www.hirosakipark.jp/510.html





入邊好多人係度睇緊商品同食野，所以我都唔太方便野相
而且窗口位一早比其他人座哂
一個人事但啦，就放低哂相機就出去買野食

都好多種類架，又拉麵蕎麥麵，咖哩飯
三文治多士等等

咁我當然要留返個肚唔食太多啦
剩係叫左個芝士腸仔多士同蘋果汁
多士就正常啦，不出面咁凍，食返熱到熔既芝士真係一流
而弦前其實係青森縣既西部，一樣係出名蘋果既
終於飲到一杯地地道道既蘋果汁
好清好純，你唔覺會有好假既甜味
完全感受到大地既恩賜

食完就唔係好夠喉，食多杯雪糕
夏天要打邊爐(我其實全年都打)
冬天更加要食雪糕係我既宗旨

好多口味，係咪以為一定有蘋果味我又會食呢
我係食左蠶豆味，想試特別既口味，但味道就無咩特別
食完座左陣，再唔出去行下，就會想訓著，因為實在太暖太舒服

之後睇返先試起唔記得set返white bal.，影到衰左

青森超靚，A-FACTORY一定要去
唔去睡魔之家都一定要去依度
買野食野真心正

當時既位置

出去又開始落緊雪，不過就無頭先咁大雪唔戴帽都應該ok
慢慢行去今次雪燈籠祭既主場地
沿路都經過其他賣下手信野食既地方
好多特產例如當地既和菓子，蘋果酒咁
見到熱辣既豬肉包好正咁
不過岩岩先食完野，留返下次啦







行到主場地，又見到好多攤檔，不過之唔同雪犬祭打橫一行過
佢係區字形咁好多檔係度，中間有個area係比人買野入去座底食
依個setting真係唔錯，唔似我係雪犬祭間中要企係度露天食





咁我頭先食完就唔行入去住
再行前少少有個大雪像，應該每年都會有唔主題既
今年就係旧弘前偕行社，我就無深究過依座野建築物有咩特別意義
到入黑就會射動畫去個雪像度，依家睇就無咩特別，係得個大字

再行前就見到會場既盡頭
有一個雪做既台，比人座住大輪呔咁瀡滑梯
見唔多人，我又無玩過，去同小朋友一齊排隧玩下先

上到去唔高，瀡落黎下又好慢
如果我之前係弦前城影相個高台跣落黎一定仲快
不過睇住人地小朋友玩係幾開心既，有祭典既氣氛









本來拍左片既，因我有出左聲同staff講野
所以都係唔post段片出黎啦

時間都算早，都係食多少少野打底先再周圍走
去返頭先堆檔口睇有咩食先

都係章魚小丸子，炸雞，薯條，串燒，拉麵，波子汽水
有間鋪寫住支那xxx日文字(第4幅圖)
當然唔去幫襯啦，係咪想傷害我地14億人民既感情呀
好彩果時未實施國安法，唔係我實報警拉哂佢地返香港









咁我就入左一間可以座低既鋪，食關東煮
超鐘意食關東煮，我記得有食大根，芋絲，雞肉腸，仲有一串八爪魚
味道正，湯底清甜，食完暖到入心

大家又可以睇下個暖爐




佢地鋪頭其實都係雪地上邊就咁札營，所以其實地下都唔平坦
張台同凳都唔係好穩陣
而咁凍既天氣佢地都會開個暖爐
咁個暖爐原來唔係用電既，係加火水黎燒
個爐頂有位可以放個水煲黎煲水，好得意

跟住就食佢地當時好hit既長薯片，要左明太子醬
依間鋪無得座，買完要入返去個休息區座係度食
薯條唔知係咪天氣太凍，同預先炸定
唔熱辣辣只係夠暖，依度休息區又唔夠暖爐凍凍地
就係凍住咁食一盒凍凍地長薯條





大家有無細心睇幅薯條相呢，第2幅


其實當時積雪剷哂埋去個帳蓬度，個高度係可以去到張枱咁高


食完都開始入黑，其實好快就黑哂
咁我又重新行成個弦前城公園一個圈

依個雪燈籠祭有咩特別呢
原來係唔同地方都會整左各樣既燈籠出黎
有傳統既繪畫燈飾 - 叫津輕錦繪大迴廊
原來係將青森好出名既睡魔燈籠節上既繪畫再利用放係度做燈飾
人地既保育真係做得好，我地香港就要去除歷史，好悲哀












依條片係下午果時大風雪果時行津輕錦繪大迴廊
喇叭播緊日本笛既音樂，超有feel
https://youtu.be/aWG4IxCVbxw

同班細路爭玩

完全差幾皮

我都唔想架
有雪同無雪真係爭好遠
一月中個時成個弘前都無乜積雪

後面 d 山雪都冇滴
暖冬真係爭 d氣氛
不過如果一大雪就好似樓豬咁去邊都難

你好天有少少雪點綴都好呀
成個背景睇到哂

我暴風雪凍到死
係弦前城想行去個廁所
就好似係沙漠行去綠洲就咁

繼續睇燈籠，除左津輕錦繪大迴廊
仲有用雪做左間好細既雪屋，入邊放左盞燈
大約有成300間咁樣既細雪屋仔點哂燈，所以遠睇其實好靚

近睇圖上官網搵既


我就無行落去啦
剩係係之前涼亭插落雪果個位，係上邊遠遠咁望落去




https://youtu.be/Y1UpDG8ozX8

夜晚總係覺得靚啲，行一個圈係無錯既
加上依個時候無咩雪無咩風，係行得舒服既

城區內亦用左好多唔同顏色既燈黎做lineup
射落雪度，同下午白雪雪係完全兩種觀感
不過想講既係又落大雪，好難捉摸呀
咁既情況真係好難影得好呀我依啲攝影新手

咁樣睇啲雪好厚

https://youtu.be/V6Dvtd71icw

行行下有工作人員比個杯我，個杯入面有小火種
可以比你係指定既範圍，隨意咁插係雪地上面
仲可以比我係個杯面隨意寫野
不過我都係在心中啦，始終依大半年發生左咁多事
唔想將一啲憤怒既事埋係依個祭典度





又行左差唔多成個鐘，係時候返去等睇雪像既投射動畫
係度成日終於接近尾聲啦
話就話係燈籠祭，不過弦前城公園太大
唔係度度都有燈籠，感覺上祭典既氣氛唔係好強烈

不過有雪景睇，係正既
如果唔係，應該同雪犬祭一樣黎幾個鐘就夠





間中落大雪加上入黑後氣溫凍左好多
行到肚餓想食野暖下肚
就買盒章魚小丸子返休息區食啦
點知都唔夠熱辣辣，加上休息區接近座滿人
想靜靜地都唔得，拿拿聲食完出去算
見到有間鋪野係專飲熱野，即刻狗衝入去先

買左杯熱紅茶，依杯真係滾茶啦，會辣親嘴既熱度
加上係室內夠哂暖爐，行左成日受左咁多風吹雪打
我真係唔想出去住慢慢座下

終於追晒post 留名
喺秋田讀書住咗幾個月表示 秋田美人同秋田好多秋田犬一樣 都係都市傳說

真正既秋田人
咁少有會去秋田讀書既

住秋田果幾個用會唔會覺得好悶呀
啲鋪頭咁早收

有秋田美人既，不過最近佢老公出軌

住落咗就會鍾意秋田嘅寧靜同鄉
郊 有時間出去市區買吓野食吓燒肉都覺得好幸福