[2020日本東北雪祭] 秋田青森 暖冬下的暴雪之旅

完全唔識日文，未學過，連50音係點寫點讀都唔識

有睇開日劇，綜藝，音樂等節目
日劇就一定有字幕先會明

反而綜藝搞笑節目睇得多，基本上某啲用語會聽得明
所以有時某啲單字，我一見到會大約明點解 / 點讀


其實去到日本，有需要問野我都係靠google translate 架咋
通常我都會準備好啲資料先問，人地大多都明你想點既

睡魔祭幾吸引, 有機會去睇下都好
佢 d 花車吸引過祇園祭 d 花車好多

田沢湖咁靜梗係啦

A Factory入面有間gelato好好食嫁
佢啲gelato淨係蘋果味都有6種
我個陣食紅玉+王林
你會feel到兩種蘋果完全唔同味
入面仲有果肉
諗起都正

好啦 掛住食冇影相

我想講，我都有食，我同你食既味係一模一樣

A factory 仲有蘋果批

好吸引下

我黎A-Factory既目的，當然係買手信啦
買左勁多蘋果批蘋果蛋糕，仲有好多其他野食

當中有幾款係我非常之推薦買返黎做手信，或者自己食既
圖片全部都係google搵既，返到香港我明明一次過影哂
但搵唔返出黎

Pâtissier's 青森蘋果批



依款係我絕對推薦，下次再去青森我都一定會買返香港食
蘋果餡當解係青森產唔洗講，係仲會有少少果肉果粒
令到口感更加豐富，而且酥皮既甜度同脆度
絕對係相輔相成，唯一要注意既佢一定要焗爐焗黎食先得
記得有5個/8個既包裝，買黎自己食，請朋友/同事食都非常適合
我就買左16個自己食，仲有其他比左朋友食



気になるりんご 令人在意的蘋果





依個呢，就唔好買返黎請人食啦
絕對只係岩係屋企打卡用既
當然佢既外形非常之得意同吸引，一整個蘋果
雖然都係酥皮，但焗完始終都唔係好鬆脆
可能佢當中一整個蘋果肉非常多汁
而我買左係紅玉既味道，酸度較高
令度整體都唔好食
如果自己一個食，真係會想食幾啖就掉左佢
不過都係一句啦，買返黎打卡，絕對值得



ソフトりんご



其中最得意既係獨立包裝，但有唔同種類既蘋果乾
我買果款有成5-6種唔同既蘋果種類
會食得出佢地唔同既甜度同酸味
咬落去唔似平時脆片咁硬同實
另外上網搵唔到圖，佢除左一片片之外
有款係再將依一片兩分成3-4份，好似粒糖咁既size
而且因為係果乾，非常之輕
適合做手信之餘又非常之signature
依個派比同事就岩哂

買完一大袋手信之後
係時候要醫肚啦，黎到係度梗係食埋個早餐先啦
早得滯A-Factory間餐廳都未開，不過我既目標唔係間餐廳

而係隔離間SKIP EGG coffee shop
除左有普通既咖啡同麵包賣之外
仲有唔同既蘋果批，同蘋果汁



剩係食蘋果批同蘋果蛋糕，再加杯蘋果汁
再座係窗邊望住個海港，簡直係完美呀





之前#306個巴打都講左，我相信大家黎到都一定會食埋先走既
我叫左1個蘋果批 1個蘋果蛋糕 1杯蘋果汁
3種口味都非常唔同
四四方方係最classic既千層蘋果批
酥皮鬆脆果肉多汁，balance非常好

而蘋果蛋糕，係焦糖肉桂味
蛋糕只口感實淨，味度濃厚

再到杯蘋果汁，清甜得黎帶適當既酸味
非常醒胃

依3樣野簡直係互相配合

明明今朝行到黎都係好多雲
係度買下野食下野，就成11點
加上今日幾好天，幾猛太陽
室內暖氣開到好足，座窗口位又曬
黎左東北幾日第一次覺得比太陽曬到有少少熱
怕熱既我，對溫度上升非常敏感，開始feel到有汗出

#304巴打提過有間gelato雪糕好正
巴打提完蘋果批之後，又到另一巴打提雲糕
果然又證明大家黎到都會食哂所有野


其實我係臨走先見到有人買雪糕…





我要左杯裝，選左最大對比既2隻味道，紅玉同王林
其實係因為得依2個係漢字，廢事又出錯
雖然指住塊牌講これ これ應該唔會錯既
望住出邊啲雪黎食雪糕，真係人生一大樂乎

嘆完之後，係A-Factory出邊行下睇下個海港消化下
睇下個海港睇下個船塢，寧靜得黎，剩係聽到機械既聲音

















之後就要抱住一大袋店返酒店先
太重啦，而且要repack好行李，預備之後check-out

放低完袋手信repack埋行李，行返出去先係12點幾
都仲有2個鐘比我離開青森之前周圍行
就由向離睡魔之家同A-Factory無幾遠既青い海公園沿岸行
就會到達我之前plan落最後一個景點
青森縣觀光物產館ASPAM

青い海公園，其實即係之前係A-Factory果邊望過黎
藍天白雪，你地睇下同之前果啲相差幾遠











啲都雪好厚，有成半隻小褪咁深，初頭都有人用剷雪車開路
但成個海岸咁大點剷得哂，所以唯有慢慢行，小心唔好仆街
太陽間中都幾猛既關係，眼前一片閃耀既白色
非常夢幼之餘，仲非常刺眼好痛
我好怕好光既地方，無諗過應該要戴太陽眼鏡黎睇雪

矇下矇下對眼，同啲雪搏鬥左一輪
行到成對鞋同褲都係雪

正值中午時份太陽非常猛烈
唔知大家有無人比較怕陽光架呢
我自己就算係朝早8-9點既陽光，有時都會覺得好光
對眼好唔舒服會低頭矇住對眼黎行

依度地面全部都白雪雪，加場太陽直射同反哂光
我對眼簡直就係咁喊住黎行

















話雖如此有時間我真係想係度慢慢座下
因為實在太靚啦
曾經有巴打問我今次個trip邊一度你覺得最靚
我依家會答你，係青森
因為不論係日夜，市內海港，都係非常之靚
自己鐘意山景海景，加上尋晚同今朝成個無人都市咁樣
個體驗真係好好

依條片一開始果鋪車仔就係剷雪車

https://youtu.be/-k48hpcO098

https://youtu.be/qhznxj2y4sc

依幅相我記得個曝光補償推到幾高
所以座野個頂部啲陽光會爆哂
但係唔推高，成座野背光會好暗好黑






係青い海公園既中間咁行過去
大家見第一幅相本身係一個廣場黎，但就鋪滿哂雪
睇落就那麼近，其實係那麼遠
腳腳插落雪度，你都咪話唔累
但洗濕左個頭，都要頂硬上
相比弦前城果既暴風雪，已經輕鬆左


青森縣觀光物產館ASPAM
係一橦好舊式既建築物，頭一兩層都係賣手信，或者做一啲展覽既地方
上面幾層都有餐廳，而我既目就係上13樓，360度觀景展望台
入場費好似幾百Yen，仲有其他set可以包去其他展館
不過其他我就無興趣，我剩係想上依個青森唯一既展望台

要上展望台，要搭升降機上去
大家睇返幅相，其實就係中間果3部
搭緊果時可以望到出邊既海景
本來我拍左片，不過發覺有倒影會見到個樣
所以就唔post出黎啦

上到去裝修就好殘舊，牆身係灰色
空間感唔係好大，座野係設計成三角野，所以越頂越細
得一個職員係度收你張入場卷，之後就可以慢慢行啦














當唔夠其他展望台咁高啦
不過望住周邊既景色，望住我曾經行過既地方
留意到原來青森市係比山包圍，背山臨海
繁華得黎又帶點寧靜既一個城市
(當我睇親依啲景，就好鐘意諗依種，世界真細小既想法)

慢慢兜左2-3個圈，係時候返去酒店開始check-out啦
依度直線行幾個街口就到，唔洗沿岸返睡魔之家果邊
因為其實酒店，睡魔之家/A-Factory，青森縣觀光物產館
分別係3角形既3個點，所以我選依間酒店都係程上既一個因素

check-out完仲有個零鐘，開青森之前要食返一餐
依餐我事前亦無plan過去邊食，都係拖住行李周圍望行
都係諗住行返去JR站果邊，隔離都會有餐廳唔怕無野食
行行下發覺有橦野叫Auga既商場，寫住海鮮市場
尋晚行過完全無留意到，一定係因為尋晚熄哂燈
又無諗過會入商場所以完全無望到

相google搵返黎，拖住行李行無咩意欲拎起部機影相




咁我就行入去睇下啦
上面幾層都係商店唔理啦我要食野呀
海鮮市場係底下一層
都係普通既日式街市啦，不過就有幾多食店

以下全部係google返黎既












諗諗下黎到日本幾日都仲未食過壽司刺身
其中一間食海鮮丼既小店幾多人幫襯
見有位我又想食就座埋去啦

依兩張都係google返黎既




間小店係有個婆婆係度經營，除左我同幾個遊客係度食之外
都會有其他西裝友係度食飯
丼飯價格都好算親民，雖然質素就唔會係好頂級
但係鮮度真係十足，話說我依個丼
有個黃黃地一條條既食唔出係咩黎 (有人知既可唔可以話我知)
不過全部食落口都鮮到一個點，由其果幾粒帶子
都有美中不足既地方，真係飯唔係醋飯…同埋係熱既

同班西裝友排排座咁食，我又諗起孤獨的美食家

以下幾張終於係我影架啦

原來post漏左條片

https://youtu.be/qRuKBVmyQAs

市內靜靜地又幾好行

睇到都覺得凍！By the way, I thoroughly recommend climbing Mount Fuji 🗻which is a little off the beaten track, even if you aren't staying in Tokyo because the rising cost of traveling there is offset by the low admission. Climbing it is an arduous journey but the view is certainly worth it. In fact, my friend whos been therr recently showed me her photos taken there by whhch I was awestruck. She said it was well worth it for the view from the mountaintop and the confidence that she had gained afterwards. Even though two of the nearby lakes have dried up, the remaining lakes reflect the beauty of the stars and Mount Fuji 🗻, giving a double view of thr stars 🌟and the mountains. The shape of Mount Fuji is clearly defined against the starry nights by which you'll be awestruck. You can even set up camp there to get the best of the nighg sky. Sometimes it's nice to be away from the hustle and bustle of the city. Again, the falling admission charge offsets the higher transportation fee so it's definitely worth a visit.

零下幾多度?

Day1-4 既天氣

其實點解唔接受1個人，諗唔明

我2月去都係住青森roynet喎
好新淨好有現代感
樓主冇食佢地個早餐咩？