[2020日本東北雪祭] 秋田青森 暖冬下的暴雪之旅

有蘋果酒架
不過我唔識飲好易醉

好明顯你好 specify 食啦
玩都寫得好睇, 有片又有相

我只係易滿足者

都幾好呀，之後我就會介紹下間房
不過住得一晚唔太夠喉

自助餐幾錢？好撚吸引

夜晚係5500yen，大約400港紙
我覺得有咁靚既環境，食物款式唔多，但質數合格有餘
有新鮮出爐既蘋果批，同任飲純正100%既青森蘋果汁

已經值回票價

如果覺得自助餐唔太岩
酒店仲有另一個選擇，就係19年5月先新開既法式餐廳
上網見人地既遊記，係食一啲和風法國菜
好精致，同埋鐘意飲酒既就岩哂

5500好撚平wo

呢個蘋果批正
重要唔貴

幾時去得返日本？
而家日日plan行程解悶

之前提到 join 左酒店既免費活動
要9點集合，我食完自助餐返到房
再爆埋石都只係8點幾

仲有少少時間做咩好呢
唔洗怕悶要呆等既
因為酒店都好多野得睇下，例如工藝品手作坊
可以join個class用木/樹葉黎做一啲手飾同燈飾

我有keep住A-Factory張單
睇返蘋果批8個1380yen
5個就640yen
真係唔貴又好食

我果袋成張單總共12000，返到黎都唔夠食

除左工作坊之外，都有紀念品商店
除左一般紀念品之外，比較特別既係有行山遠足用品賣
因為好多旅客黎依度都會自己渣車去行山/滑雪
仲有如果想買杯麵 零食 蘋果汁 做宵夜就一定要黎依度啦


睇完哂，都唔怕，集合地點係位於西館既大堂
當中有一個裝飾叫做 ”河神”， 鋁合金製成 高10呎，重成7噸

官網係咁介紹:
洶湧起伏的河水，分開又再結合，
和緩又再湍急的流去。
象徵著水流撞上岩石激起的水霧化為妖精姿態的７隻精靈，
以及表現出蜿蜒溪流，如浪般的線型暖爐，是這座立體雕刻的特徵。

兩張夜晚影，都影到衰左
你見到後邊會播緊片係介紹緊奧入瀨溪流既雪景




第2日朝早影既就靚好多


小朋友都好得意


依幅相就係相反方向影過去
大家睇到左邊有堆人，果度就係活動既集合地點
再見到後面，就係有啲bus去接人出活動



講返依個河神
無錯其實就係一個巨形暖爐黎既，底下不斷燒住木頭
你可以隨時座係度等活動集合，休息等等
附近有水機，咖啡免費任飲，24小時座係度都無問題既
同朋友/一家大細望住出邊既樹林係既抖下吹下水
浸完溫泉係度座下，將平時既煩惱完全帶走

依條片都係第2朝先拍既
https://youtu.be/9oYDkhw5etM

食飽座住係度真係好舒服
望住河神聞住燒木頭既味道超想訓著

座下座下就到集合既時間，有人職員係度叫集合
其實有好多團係先前既時間都出發左
所以每10幾分鐘就會有職大叫
依點就差左少少用他方法唔好破壞個氣氛就好少少

咁我點完名，就上一架10幾人既van仔
就出發去去體驗冰瀑璀璨點燈 (好想吐糟依個官方名)
顧名思義，就係車我地出去睇溪流，睇瀑布
同行有個導遊不斷講解周圍既地理，季節等等
不過就全程日文所以我就唔明啦
同埋全程van仔入邊都熄哂燈
外邊又無街燈，除左車頭燈之外
就係見到對頭車既燈

情況就係咁啦
https://youtu.be/DVHPk2IrQ_0


其實除左車燈之外，我見到另一樣光既野
就係好圓既月亮啦
有拍到片，不過成條片黑媽媽得一個白色波咁唔post啦

大約10幾分鐘既車程就到左第一個景點
一落車周園咩都無，除左車頭燈之外都係黑媽媽咩都睇到
導遊講解完之後就倒數，3 > 2 > １
嘩 突然眼前一亮






















原來架van仔車頂有幾組射燈唔同顏色
射左上面前既瀑布度，亦因冬天既關係，瀑布早已經結成冰柱
生於香港，長於香港
第一次去旅行睇雪既我，好難想像到眼前既畫面

初時報名依個活動，單純只係想善用時間
唔洗屈係房無野做，但出到黎真係喜出望外

就算依家睇返片，都係好難想像到當時既畫面
https://youtu.be/qUz6JcyfBg0

https://youtu.be/cphOMzFmaPA

著左燈大約5分鐘，比成車人係度睇下影相拍片
就要上返車去第2個景點啦
一樣導遊繼續介紹既時我一啲都唔明
無所謂啦，眼前見到既先係最重要　

黎到第2個景點溪流，相對黎講就無頭先冰瀑布咁靚啦
溪流就無結冰，不斷流動緊
感覺上朝早，或者春夏樹木更加茂盛既時候黎睇會更加靚
會感受到個生氣，依兩頭唔倒岸，又唔似冰瀑布咁靜到一個點










如是者都係過幾分鐘
就上車返去酒店，完成左依個活動lu

無黎過就非常推薦依個活動既
奧入瀨溪流/瀑布絕對係東北非常出名
免費之餘又安排好哂交通比你去見識下絕對值得

LM
我都係用XT-3 你支鏡好唔好用

Fujifilm同好
旅行用依支 1680 f4 真係唔錯
焦距好夠用，又輕，睇相質數都唔錯

不過我唔係好攝影，只係鐘意將回憶記錄落黎
所以你見我好多相都炒左

通常呢啲一合包裝嘅日本手信都伏伏地
估唔到呢種唔錯，記得有幾個巴打去青森都有介紹呢隻

我鐘意睇景所以覺得ok
幾層樓高既瀑布全部變成冰
唔係咁易有得睇

最重要成個event一個鐘就完
(所以之前提到話每10幾分鐘一團，可以turnover得好快)

好似我咁，夜晚食完飯先8點
如果唔join就只可以去浸溫泉，當你10點浸完無野做上返房
因為依度無話有得落街行個圈
外邊得車路，一棟建築物都無，街燈都唔多好黑好危險
會變左係房玩下電話然後訓覺

所以依個活動，可以係話性價比高
好岩啲上左年紀既人去
座下車，企一陣，又上車去第度睇一陣野
完全唔會辛苦，又睇到奥入瀬奚流冬季既限定季色





其實返到酒店果下我先知完左，我當下都覺得好短
依個係所有旅客黎到，要考慮下夜晚有咩好做既問題

唔熟東北，青森多數係跟秋田定仙台嗰邊玩?

荒山野嶺夜晚冇咩好做有得玩算係咁

果陣睇完都有啲流流地嘅感覺
不過當夜晚食飽飯
又頂住個肚未想浸溫泉住
其實咁樣出去行吓睇吓都幾正
重點係 喺荒山野嶺夜晚除咗喺酒店hea都冇野可做

完全認同