[2020日本東北雪祭] 秋田青森 暖冬下的暴雪之旅

竟然冇爛尾

好頭好尾

大約1個半鐘既車程到左八戶站
八戶本來都想留一日
想去八食中心，好似築地咁食下海鮮
不過今日星期3唔會開
又想去蕪嶋神社，不過來回都真係無左一個下午
所以今次放棄左八戶
完完全全只係搭車既地方




因為之前預先劃左位( 見到係成夜晚7點先走)
所以我去左櫃位度改時間
大家如果唔識日文，唔洗驚改唔到時間
你比張車飛個JR個職員
用英文單字 / google translate返日文
表達到你想改搭邊個時間既班次
佢就會同你確認改左邊班車，咩座位
再出返張新車飛比你
所以我唔識日文都完全無問題

我順利改完車飛，唔洗一陣有車
所以完全無時間係八戶站附近行下







E5身睇落同E6差唔多
但係車廂內籠就寬座得舒服好多
因係要我落涉谷，所以要到大宮JR站落車
再轉埼京線通勤快速就到會涉谷，全個車程都係約4個鐘

大宮個火車博物館我14年去過，好正
果時係度睇E5E6係身邊行過，無諗過自己會有座既一日
不過最正都係果個大模型

順便係度貼下果時影既相
仲用緊cannon既傻瓜機，加上6年前既相機
質數真係差好遠

小朋友細細個就入坑唔係無道理既
佢地亦為自己國家既科技感到自豪

已經無機會搭到

依個大模型真心正

















雖然正還正，火車模型真係好貴
有個朋友曾經沉迷過
我拎過上手，架火東真係好仔細，又可以加燈
但1 set幾卡車咁買，咁多model真係會破產

好頭好尾，返東京嗰程有無亂落車影相

最想講既係依度
會list哂每日幾點，會有邊班新幹線係隔離經過


就係隔住玻璃咁近
當時好多人係度等班車經過


以上係我其中一啲對大宮依個地方既回憶
我相信好多人黎依度，係為睇左演唱會
我仲未去過Saitama Super Arena

不過落到東京都心，就亂落車都唔怕啦
起碼唔會係無人車站先

一到涉谷，首先行去酒店先
我黎涉谷每次都係住涉谷東急REI酒店
https://www.tokyuhotels.co.jp/shibuya-r/

要係涉谷搵酒店，有好多選擇
但想搵間地點方便，唔太貴之餘
質數又唔太差既，依間酒店真心推薦



綠色圈，就係涉谷最出名既十字路口
紅色圈，就係酒店
行返去最旺既十字路口都唔洗5分鐘
而且酒店樓下有便利店，M記
仲有BigCam
行去涉谷站又係過條馬路就到


book單人房又比左2張床我
不過同我19年4月，即係年號平成最後果刻比
已經裝修左，大堂多左幾部自助check-in機





大家見到應該都覺得幾新幾乾淨
酒店最緊要就係舒舒服服訓得好

東京大家其實都圍住山手線玩得7788
遠少少可能會落埋橫濱，倉鐮或者箱根果邊呢

我都一樣，去到東京真係無咩動力周圍去行街既
咁點解我又提早落黎，唔係八戶周圍行下呢

就係因為渋谷スクランブルスクエア
Shibuya Scramble Square
https://www.shibuya-scramble-square.com/

係2019年11月全新開幕亦係涉谷最高既建築物
係酒店行過去其實都係相隔一條馬路



大廈外牆個mon好特別
賣廣告可以設計得好特別
就好似下圖個女仔咁訓得岩岩好



邊諗到開完幕無耐就有武肺
相信唔太多人有去過
Shibuya Scramble Square係一棟47層高既綜合大樓
同JR站相連，地面果層係賣麵包蛋糕朱古力之既手信
全部都好精致好多人買排哂隊，仲多人過sogo果個超市
好多靚靚太太同OL，依層有95%都係女性黎
不過我就臉皮薄唔敢影啦

留名

跟住再上就係名店，衫鋪
生活用品精品，仲有餐廳
而我就係為左SHIBUYA SKY而黎既
SHIBUYA SKY係位於47樓天台頂
一個空曠既地方比大家儘覽涉谷既景色

官網圖


為左唔會顧住係下面果幾層睇野，miss左日落
我直接由地下搭lift上14樓
部lift又係外牆，可以透過玻璃睇到出面既風景
不過又係反光出左我樣，條片我就唔放出黎啦

前面第3-4棟，就係我間酒店，真係又近又方便


日本廣告好有心思，好大盒龍角散




依層係SHIBUYA SKY既購票處同入口
票價都係2000yen，同東京鐵塔同Sky Tree唔爭好遠
佢會分唔同時段既門票，買完就跟返時間黎排隊
就可以似Sky Tree咁搭lift直上45樓

官網圖


上45樓唔係直上47樓天台
係因為入場之前要先去locker放低身上既野
backpack，頸巾，帽，相機無手/頸繩等等都唔跟得身
因為天台其實好大風，而且佢又半開放式，要防止有任何野跌左落街

圖片來源: https://press.ikidane-nippon.com/

14樓購票處既景觀
https://youtu.be/Ktnev-2vHY0

https://youtu.be/5fzhf5mDLQ4

果時2月都算凍，學生妹妹仲著住短裙制服
仲好多女女著裙
https://youtu.be/00C2HQNfjBU

放好野係locker就入場，其實講"入場"怪怪地
因為應該係行出去
一開始已經見到好開陽既景觀
之後再搭扶手電梯上天台，大地在我腳下就依種feel
成個天台4邊都係落地玻璃，有幾個位仲係得半身高
所以果幾個位，由其其中一個角位係得半身高玻璃
果度影出去，就好似你係空中咁，超對係打卡呃like熱點
所以無論早到晚都超多人排隊去影既

頭先提過其中一角落影出去，就好似咁樣
條隊長到傻



天台既中間其實有啲繩床，比你斜斜地訓係度望景望天空既
不過又係好多人，有時要係度等大半個鐘先有人走
我又自己一個，都唔好意思霸住係度訓

不過你知日本女仔，幾凍都會著裙
我有得睇但就唔影得啦
所以第時大家慢慢去欣賞下咁美好既風光啦

另外我見到有女仔跌左部電話落去
要叫保安拎過長夾伸落去
好似夾公仔機咁夾返上黎
圖片來源: https://press.ikidane-nippon.com/


除左繩床之外，4邊貼住落地玻既地方，好多位同放左梳化
等大家可咁座住慢慢睇



而我覺得有個幾好既設計，就係有啲位置係金屬鏡面牆
等你影過去幅牆既時候，就好似影緊全身鏡自拍咁
影到自己之餘，又可以影到出面既風景
岩哂我今次自己一個黎既人

效果就好似咁樣




想睇我個樣，好難啦

東京鐵塔


天空樹 (唔明官方係要譯做晴空塔，一開始個名勁靚)


如果大家有留意下日本既新閒
就會知無耐之前，羽田機場既飛機升降航度改左
會係市中心頭頂飛過
第一日實施既時間，仲有記者去採訪啲民居
話投訴嘈，同埋怕有飛機零件跌落黎

佢地既擔心都有道理
以前都發生過，仲有上年5月既香港航空又係勁跌零件

e.g. 航空機から落下か、水田に金属片 成田から１７キロ地点
https://www.asahi.com/articles/ASM3X35KQM3XUDCB002.html


開始日落天色漸暗，溫度都越黎越低，加上一路都咁大風
無頸巾真係會凍親，所以件褸有得包住條頸好重要

天色黑哂，望落去仲更加靚












其實香港係日本人眼中既百萬夜景
除左維港個寬度，好多高樓同山景之外
我覺得全世界好多地方既都一樣咁靚

都已經唔提個垃圾幻彩詠香江
求鳩其射幾野危險武器激光上天掃幾下，閃下燈播音下樂
人地剩係塊LED廣告牌都靚過你啦
旅發局仲用咁舊既科技做賣點，不思進取
你話旅遊業點會唔死呀

加埋依家好多國家既人都唔敢黎香港
點知會唔會因為自己係twitter ig講過野貼過相
就比人話犯左國安法，比人拉比人送中呀
人地本身唔熟你地定既法律同界線
自然就唔會冒風險過黎架啦

香港旅遊酒店業真係

夜晚拍既片，上面真係可以好黑
同keep住大風

https://youtu.be/7nwoc1xHvpg

https://youtu.be/G0qVwtejEjo

https://youtu.be/SI3Af2Ao_rg

睇左幾個鐘，都係6點幾天就黑哂
係上面吹左咁耐風係時候走啦
而且開始肚餓，咁就去返locker拎野
(朝早係十和田到依刻都無正式食過野
搭新幹線因為太趕上車無時間買便當)

走果時，要行經一個類似Ske Tree既天空迴廊
係室兜個圈，介紹唔方向會有咩出名既景點/建築物
一樣有間bar/餐廳











咁樣就搭lift落返14樓，逐層咁落去地面
初頭都諗住睇下有咩好食
因為依座野太新既關係
加上日本人一定要追潮流既習慣
間間食店都排哂隊，所以都係走啦

加上我真係好餓，今朝無咩食野就搭車返黎東京
所以都咩都無係度睇野
係落到地面見到好多麵包蛋糕好吸引
差少少買返件去酒店食
(我去日本好鐘意去HARBS食返件水果千層蛋糕，嘆杯茶)


初頭諗住食壽司，不過行行下見到有間一人燒肉店
焼肉ライク(燒肉LIKE)
好似幾好又唔洗等位







叫左牛+豬既set，再單點牛舌同杯可樂
其實咁食唔平，不過事但啦，平時咩都食過下已經懶得再搵
就腳正正常常就得，加上依間係連鎖店又自己燒
質數有返咁上下唔會中伏既

食飽都係周圍睇下野，買下衫，咁上下時間就去便利店買甜品
無咩特別咁返左酒店，都係整理好行李預備聽日返香港

之後就座係度睇下電視玩下電話
我份人一完成目標就會開始hea
不過咁樣係酒店等訓覺，真係超浪費

所以我又落左街行
話就話行，但成10點都無咩好行
又唔想行去激安，機鋪都預備關門
行左一陣就決定好去食宵夜

最簡單都係去打邊爐，都話我好鐘意打邊爐架啦
上次去日本係食溫野菜，今次都係食溫野菜算
不過涉谷依間分店質數真係差少少
我諗銅鑼灣果間仲好好多
明明上次係大阪心齋橋店，夜晚6-7點食，質數都仲好










諗返轉頭，其實同我係酒店
座係度玩電話睇電視無咩分別，除左係食緊野
不過感覺上旅程充實好多
溫野菜香港都有無咩特別可以介紹
食飽就埋單行返去，到酒店都12點

大部份時間係天台吹住東北風既Day 6 ，咁就完左啦

質數

你唔講我都無留意到
質素

又一晚食幾餐