[2020日本東北雪祭] 秋田青森 暖冬下的暴雪之旅

暴風雪睇雪燈祭幾正 wo
但你真係全部相都係近景
望遠少少都冇

咁上下時間我就出去睇大雪像個投射動畫啦
同雪犬祭唔同，今次就岩啦熄哂啲燈









不過動畫就無咩特別
最正係咁岩無咩雪
頭頂唔多雲，見到好圓既月亮

頭頂個月亮好圓
https://youtu.be/gKSAypOMg5Y

https://youtu.be/32zxQ9vzYos


睇完我就係度等煙花
等到第2場動畫都再播一次
唔對路喎，試下用好爛既日文問人
原來煙花又係得尋日先會放

不過係我自己錯，無睇清楚煙花既時間
咁我依個燈籠祭要睇既野都睇哂啦
係時候行返出去搭巴士走啦
由主場地行返出外面，快既都要15分鐘
何況係雪地我又停下影下相，可能都有行左半個鐘

最開心係走果時要行經弦前城
由下午起因為天色既關係，睇黎睇去都唔係好靚
不過一到咁夜天色黑哂
大光燈照住座弦前城真係白雪雪
加上Fujifilm出哂名既死黑
影出黎形成非常強烈既黑白對比

慢慢行下行下
終於出到去一開始入黎既追手門 (我唔記得影呀 )
正式踏出弦前城公園
明明只係玩左大半日，兜左幾個圈
已經覺得係度探險左好耐
又大風雪，積雪又厚
弦前城公園仲好多上斜落斜既路，係我無影到出黎既
同行雪山一樣，真係步步皆辛苦
不過就係咁先有咁深刻既感受

再行到出去，你地記唔記得我黎弦前城
一開始落巴士過馬路果度?














出到去原來啲樹都有好多燈射住
會轉色做粉紅同藍色
好靚，同我岩岩到既時侯，同一個畫面，有3種景色
不過對比返一到步果時白白灰灰又好似無夜晚咁靚

附近有間starbucks係好特別既裝修風格
座建築原來已經有100年歷史
仲係2002年登錄成為左日本既有形文化財產





間starbucks就標記左係圖上面，好近好方便


當然我對依啲歷史識條鐵咩
都係google見到，諗住順路睇下打下卡架者

反正係香港都唔會再飲，就決定行過去，大約5分鐘既程
買杯熱野飲下啦雖然雪停左
本來諗住座低，但入面太熱
連我啲鏡頭都起哂霧水，想影都唔得
又熱又焗我都係出邊行住咁飲去巴士站

行到去巴士站，發現條循環線尾班車已經開走左
都係7-8點咋喎，大把人未走架仲
上返官網睇，原來5點就已經係最後一班…….傻的嗎
依個已經係今日唔知第幾次既意外…

好彩係過馬路附近有幾架的士
二話不說，就上車用好爛既日文同司機講我要弦前JR站
第一次係日本搭的士就係咁樣發生啦
點都好啦，人無事，先可以繼續旅程架嗎

靜雞雞開住部機拍左陣搭的士既情況
https://youtu.be/8AlQAnSZ6IA

人生路不熟，怕比人賣豬仔，開住個google map
睇下個司機有無了解錯我想去邊先
最後當然無事啦，順利到左弦前JR站
我去locker拎返行李行，就正正式式同弦前講byebye lu

係時候總結下Day3

一朝早搭特急つがる1号由秋田出發
去到大鰐温泉站，差少少顧住影相搞到上唔返車
(你地班友，柒左果條片超多人睇)
點知上得返車都無用，有車死火搞到死條奥羽本線停哂
迫住要係大鰐温泉站落車
再等JR安排既shuttle bus，改行程直接去弦前
去到弦前城就開始雪燈籠祭之旅

咁就一日，充滿刺激意外既行程，非常滿意







咪住先，唔係以為我咁就完呀依一日
我依家仲要去

梗係7片先多人睇

留名年頭喺山梨只係見到少少雪，好想睇吓落雪

當你代入返你就唔覺得好笑

啱啱冬天中晒伏

好多地方唔夠雪

推

好彩去之前嗰邊有落雪，唔係就咩都睇唔到

我自己好好彩 撞正2月中落大雪

但係大雪到我咁都唔係幾好

架火車好似好堅，係咪子彈火車？

樓主係咪買東北jr pass?

我搵完資料用呢張可以玩埋銀山溫泉

係呀，不過要係邊個站落車就要等高手話你知
我今次日子少，所以無plan無研究過

山形新幹線 大石田站落車轉巴士

青森，Day 3既最終目的地

睇返相先係度諗，係弦前入閘之前
明明係9點鐘
有班快速9:31去青森
但唔知點解去到青森站係10:58
唔通我搭左10:11果班普通，無理由架
唔會有出左意外miss左班車呱
我返黎諗極都唔明，但係當時又唔覺遲左先到青森喎

(其實搭完的士先醒起，萬一條奥羽本線未開返點算
唔係要我搭的士上青森呀)









影左幾張相，發覺鏡頭有霧氣嚇死我
唔知關唔關下午係弦前城插左部機落雪度既事
不過抹一抹就搞掂

之前提過秋田站好新淨，青森就好殘好舊
相信大家都睇到，真係殘到一個點
初到步我無諗過可以係咁既款，話哂都係東北最出名既城市之一
剩係弦前站都靚過佢
唔通要去到駁住新幹線既新青森站先會新淨啲

好殘舊，又無扶手電梯
我要自己搬行李上上落落辛苦到死
仲係度諗唔通青森都係一樣咁古色古香







出到去真係第二個世界黎
11:00可以人都無個咁滯
好似係個無人車站落左車

都係拿拿聲行去酒店check-in先
係雪地拖行李真好攰
大家可以想像下係沙灘拖住接近30kg既行李黎行就知
又要出力拖，但又怕會跣腳



今次係住青森大和ROYNET酒店
雖然剩係住一晚，應該選返近車站啲既店
但上網睇過好多都比較殘舊
所以選左間比較新淨少既，而只大約10-15分鐘既路

依間酒店係2018年先開幕
所以同好多酒店一樣，大堂check-in/out，都唔係地下，要上幾層
成橦酒店都好有現代感，同周圍既建築物顯得有少少格格不入
入到房好光猛，設備都非常新
例如電視，電腦凳，浴室既design， 座廁既電子制係分開係牆上面等等

連續2日去去雪祭行成日，真係好攰
不過都整理好行李，聽朝要把握時間早起
即刻拎哂啲電出黎叉，部XT-3舊電真係好細容量
我帶左3粒電，都有成2粒無哂電
搞店哂，就預備好去訓……落街行下啦
得一晚係青森，我先唔會咁浪費去訓先既







依2晚都無正正式式食過一餐，周圍行下睇下有咩野食先
想去打邊爐，食鍋物之類，諗住行返出JR站果邊應該會熱鬧食店多啲
不過頭先一到青森JR站見到無人都心知不妙
青森都算2線頭城市，不過依家成大約12:00
都唔係好多食店開門
咁唯有再行一陣周圍兜個圈先

JR站隔離就係青森好出名既睡魔之家
聽朝要早起其中一個目的地就係呢度
咁夜係外面睇都幾靚
之後就沿住依條路直線向東返去酒店果邊
但其實已經係酒店果條大街隔左兩條街
所以基本上係無商店，都係民房多
間中有啲時鐘酒店，小店居酒屋，太local敢入去食
未到12點真係條街可以一個人都無，車都唔多間
如果驚會出事比人老凹既真係唔會敢行內街
好彩我唔怕黑又唔怕靜，咁就可以體驗到無人到咁神奇既感覺



幅相中間紅色果座就係睡魔之家


可以留意下依兩幅相，剩係綠燈同紅燈，反映落雪地個色調係影響幾咁大

兜完一個圈返到酒店附近，之前行過見到有間家庭戲廳
開到凌晨2點，岩哂我可以慢慢食
係大街果邊行返過去就會到

行行下發現，點解行車路會無積雪呢
但行人路就有積雪喎(見到有人剷雪既行跡)
太靜既關係，隱約聽有水既流動聲
我就丁一聲，車路下面一定係有熱水管道
或者其他發熱裝置，唔係無可能都咁少積雪，少到得薄薄一層
當然我最後都查證過啦
急住去餐廳食野
因為我對上一餐已經係幾個鐘前既章魚小丸子咋陰功

終於到啦，Cafeレストランガスト
依間家庭戲廳全日本各縣都有好多分店
價錢相宜，款式多，香港既薩莉亞真係無得比


https://www.skylark.co.jp/gusto/

相信大家去日本，無食過都一定見個佢既logo
其實我唔係第一次食依間，以前旅行行到累
唔知邊度可以晚晚座，又想咩都食少少
依度係一個唔錯既選擇

頭先提過話想食鍋物，咁岩見到有冬季限定set
(上官網睇已經變左係介紹夏季限定)

海鮮鍋物，有蟹鮭魚元貝菇類豆腐等等
有兩小碗漬物，仲有碗金槍魚蓉飯
咁少…覺得唔係好滿足，我指款式上想食多少少唔同既野
我就再望下menu，叫多個細既蝦凱撒沙律















睇落都唔係好滿足
依個時候我就發揮左孤獨美食家既精神

我決定叫多一個set同沙律
分別係海鮮野菜鐵板set同五色野菜沙律
個set最大分別其實唔係個鐵板
係碗金槍魚蓉飯變左2粒炸蠔，同有麵鼓湯







其實我想同店員講我第2個set唔要飯啦
點知我唔識日文溝通出錯左…碗飯都係照上左黎
另外我加錢要左drink bar

你地睇下咁樣係咪好豐富好滿足先，成枱野係我一個人食既





就係咁我一個人係凌晨1點幾食左成台野
之前話可以慢慢食就係咁解

家庭餐廳味道上就唔好咁大期望會好驚喜
但比香港唔少連鎖店都好啦，至少食材好多係用返日本國產既

本身食量唔多既一個人
對住成台野食真係飽得好辛苦之餘好滿足
最後碗白飯完全食唔落之下，就完左依一餐

飲飽食醉，就慢慢行返酒店，沖涼訓覺
咁樣就真真正正完成左我行程簡單
但又充滿意外同驚喜既Day3啦