香港外流球員討論區 (25)

我又唔覺得猶戴會大膽到
連香港護照都唔要
佢老竇幫佢移民得英國 大抵上都想避開華人圈

佢要合規格踢中超 唔洗用到上面呢個方法
況且又有「周定洋案」參考
大陸嗰套仲要畀錢畀面就得
根本唔洗跟足規矩嚟做

蔣光太點解搞咁耐

佢代表過英格蘭踢歐青，未必有資格代表中國

中超分組

A組：恆大、江蘇、山東、河南、大連、富力、申花、深圳(如果最終遞補進入中超)

樂仔可以對浚仔

會唔會係德爾加多2.0

A組難踼到

聽完啤梨晚報講佢，可能佢老豆只係想佢可以做足球名星先移民攞英籍，喺英國踢唔起但又見到條財路咪揀要錢囉

大陸所謂嘅規矩根本唔存在，你首註唔係港澳台、有冇血統都唔重要，重點係你幫到隊波

即係奇雲保定喺代表加納踢成年賽前已經有加納國籍？

同李可喺代表英格蘭踢U隊時已有中國國籍？
（前題係中國足協真係跟啱規矩做）

奇雲保定代表德國u隊時已有加納國籍(一出世就有)
李可代表英格蘭u隊只踢過友賽 無踢過官方賽事(世青世少歐青歐少及其外圍賽)

唔得嘅例子:
阿迪達代表西班牙u隊踢過官方比賽 當時未有英格蘭國籍 所以唔可以轉去英格蘭國家隊
麥保美代表喀麥隆踢過世少盃 所以有特區護照都唔踢得香港隊

順帶一提 中國(理論上)唔比雙重國籍 所以無「一出世就有」呢支歌仔唱
相反 意大利有雙重國籍 國籍可以追溯到祖先 而且一出世就有 所以車仔Emerson幫巴西踢過世少盃 仲要三代都唔喺意大利出世 都可以轉籍意大利

轉籍真係一門好高深嘅研究
之前一直涉獵嘅資訊係
青年隊踢過另一個國家 只要有第國Passport 大隊就點都可以轉籍

咁猶戴呢個Case
其實佢只要唔要英國Passport
唔理佢用咩身份註冊中超
佢依家係點都可以入選中國隊
因為佢係拎咗香港護照先 （定甚至BC都唔駛捨棄，因為「首先他是中國人」？）

新賽季中甲聯賽有望在6月13日開賽，中超有望於6月底、7月初開賽

但支國國籍法係唔俾雙重國籍，當佢有英籍嘅時候就會冇咗支籍？

香港護照就是中國籍

所以我就係想知，佢攞英籍嗰一刻就應該唔會再有支籍，咁要踢支國就要放棄英籍？

等艾達韋列特ching解答

按照會前中國足協統計的數據，目前半數左右的中超俱樂部外援、外教仍沒有回到中國大陸境內，其中外援、外教人數分別為35人、5人（截止到13日）。

中國足協在上海會議開始前特意擬定了4套有關“中超外援登場辦法”的預案。

第一方案是，按現有外援歸隊情況執行既定的“報名5人、登場4人”的辦法

第二方案是，在外援歸隊人數不等情況下，各隊按全華班陣容參賽

第三套方案是，外援歸隊人數不同的球隊對陣時，按外援歸隊人數少一方來設定當場比賽雙方外援登場人數

第四套方案是，每隊統一安排2名外援登場。

Fifa有專門條例針對中港澳台&英蘇威北愛

理論上
佢手持特區護照
三代之內有人喺中國境內(唔計港澳台)出世(對香港人嚟講好正常)
未踢過香港隊官方比賽(佢最大踢到u15 而u16開始先有正式比賽)
係直接可以踢中國隊

就算三代都無 只要佢喺中國住兩年就得 (正如國援喺香港住兩就可以持中國護照踢香港隊 唔使等七年攞特區護照)

雙重國籍方面 人大回歸前解釋過 有中國血統喺香港出世就首先是中國公民 而香港人嘅外國護照會被視為旅遊證件而唔會承認係國籍 所以點解咁多香港人有「雙重國籍」

所以要唔要捨棄英國護照 要唔要拎中國護照 呢啲就唔關資格事 係「民族感情」嘅問題

解釋得非常詳盡
換言之
猶戴喺球員註冊嘅問題上
可以以周定洋一案嘅方法嚟解決
用香港身份註冊為「港澳台」內援球員

而喺中國隊代表資格問題上
佢喺國籍上嘅身份唔會畀到佢任何阻礙
佢係可以用特區護照明正言順代表中國隊
捨唔捨棄英國護照只在乎佢想定唔想（當然係唔想）