好在我醒,一碌碌最底搵link
分享下睇法:
節奏同上一集一樣咁快,快到我有啲擔心佢到後來會無貨賣
勇氣同友情都返哂黎,至少第一次打王(應該係完全體),見到兩隻成熟期係有合作打贏,都算係貼合主題。
之不過第一集就暴走特急,第二集就我們的戰爭遊戲,
斷估之後唔會又叫埋唔同平行世界嘅主角黎打過掛?
其實咁早見到奧米加我有啲不安,
要不就係奧米加係前中期會作為打唔贏王,太一大和陷入重大危機,靠奇蹟外力引發嘅強力援助
(即係之後會有更勁嘅,或者佢地幫奧米加過場劇情諗到好嘅處理),
亦有可能就係其實佢地無貨賣,只可以靠gimmick或某隻數碼獸賣情懷(成日做架啦
)。
暫時傾向睇前者,第一,依加只係出左兩個角色,仲要等集數推動劇情帶其他人出場,第二,奧米加作為舊版01實力頂峰,用呢種方法過王過劇情,都算合理嘅做法。但合理唔代表咁做最好,因為奧米加作為舊版01實力頂峰,超越佢意味劇情要能夠要解釋到點樣超越同原因。
暫時都滿意嘅,除左唔識日文,大多靠估之外
仲有隻王根本同超惡魔獸同一個老母生