【第七年】《病港ＩＩ》

貴華唔係減左肥咩

黃金貝果

後尾食肥返 同埋黃金貝果buff效力得一段時間

我記得佢食完第2日就打有無咁快肥返
btw 我覺得俾佢追到娃娃都好
佢係囉雖on9，心底都係善良

佢係衰*

岩岩諗住翻睇 回憶翻d劇情
因為我已經連病爪同病獸都可以以為係同一隻
我都唔記得病獸幾時登場同咩樣

墨巴係咪會整理

其實咩係貝果？

病就係去康城嗰陣時第一次見到，係病爪嘅屍堆到爆出嚟

病獸係康城編首次出現，後腦係weakness
係堆屍太耐就會變痛獸

唔係病瓜係堆屍山入面屈耐左就變病獸咩

巴打記唔記得病獸外型有咩特點

一種麵包，個皮有d似提子包咁一塊立立令，可以切開一半當三文治夾野食，不過一般香港咖啡舖同麵包店賣個d都好柒難食

係 第一次係商場搵埋少佐同犬京幫手

冬甩既麵包 食落硬硬地

俾你揀你想唔想同戇鳩仔拍拖

想知香港邊度有好食嘅bagel, 我都搵咗好耐

墨巴想問瑜小六之後會唔會見番M

其實想知病翼係咪由雀仔病變而成

艾寶琳和馬環村一來一回，費了不少的時間。

沿途要避開病者之外，也要注意路面的情況。

因為，一場驟雨忽然籠罩住整個將軍澳，雨雲積聚在一起，下了場紛紛的針雨。

用單車趕回馬環村時，時間已接近五時半。

云勇汀失落的坐在外面，任由雨水落下，而王達尼則站在某間屋簷下躲雨。

「王達尼，支票。」我將合共二百多萬的艾幣支票，支付了他。

「好守信用啊。」王達尼收到之後，用手指彈了一彈支票：「正，將支票發出嘅聲音真係悅耳～」

「呢到應該夠你一年唔洗休？」我說。

「咁你就錯，我要賺更多更多。」王達尼自信的笑容，不像開兒戲的玩笑。

「咁，可以開船？」我問。

「佢應該......準備好？」王達尼瞇住眼，盯住云勇汀。

「個船主做咩。」

「啱啱佢喺馬環村呢到睇一睇，見到無哂活人，就變成咁。」王達尼自己咬住一枝煙，手又給我一枝煙：「俾我係佢，見到同自己生活咗七年嘅同伴死哂，我都應該會死老豆咁嘅......」

我無視他香煙的好意，逕自說：「趁仲有少少光好出發，你同佢交涉下。」

王達尼拍一拍自己大腿，呼著煙走過去船主那邊：「喂，云大叔，整啖？」

王達尼將自己吸了一半煙，遞給他。

「......唔洗。」云勇汀搖頭、揮手。

「咁......揸揸船，去港島散下心？」王達尼說話的轉折技巧，真的好爛。

「我去到邊，都唔會識到同一班人。」云勇汀站了起身，向王達尼說：「我想望多次佢哋。」

「隨便......好似啱啱咁，我陪你？入面其中有啲係蠹魚人，有一定危險。」王達尼說。

「唔洗，我想單獨望下佢哋，你可唔可以借枝槍嚟。」他面無表情的問。

「反正得返一粒彈，你拎去傍下身囉......」王達尼收到支票之後，變得慷慨。

瞧著云勇汀的背影，我心中莫名地不安。

「唔洗陪下佢？」我說。

「唔會有事呱？」王達尼皺起眉。

話畢，我就跟著云勇汀走，以免他被突如其來的病者襲擊。

「嗚嗚......」他走到某間村屋時，禁不住跪下哭泣。

這是個，生難死易的世界。

要活著，就要鐵石心腸。

「呯！」槍響。

在我反應過來前，船主經已倒下，跌下手上的左輪。

他剛才，拿著左輪自殺了。

「咩事啊！？」王達尼立即跑過來。

「自殺。」我答。

「咩、吓，咩話！？」王達尼無法相信。

「佢自殺。」我心裡黯然。

王達尼馬上跑去查看船主，果見一腦血液滲出。

「佢......」王達尼也說不出什麼來。

「執返把左輪。」我轉身，行開：「趁天黑之前，要去到港島。」

「唉。」王達尼把左輪收好，就與我迅速回到遊艇上。

天氣的不穩，間接令到海面都出現波濤洶湧的徵兆，浪潮開始往岸上激打，泊在岸邊的遊艇搖搖擺擺的。

「講明啊，我唔識揸船嫁！」王達尼很自覺的掌舵：「不過之前都借咗本講航海嘅書，叫做咗少少功課。」

「咁希望你仲有命返去兌換到支票。」

接下來，王達尼胡亂操控了十五分鐘左右，總算懂得如何向前和開燈。

「港島......」王達尼握實船舵，盯著前方遠處的高樓大廈：「應該一直向前就到。」

由於海浪逐漸險惡，天空更開始一閃一閃的劃出雷暴，不想被拋出船外的我只好進入廂房。一進入那小小的廂房，就見到那個云勇汀帶著的小嬰兒。

他躺在廂房的大床上，跟隨船身左搖右滾，在一次差點滾落床下時，我及時踏前一步雙手將他抱住。

「......好險。」

我把他抱住，並坐在床上。

這小嬰兒光禿禿的，皮膚沒有嫩滑的光澤，但味道出奇地芬芳。

我記得船主說過，他是撿回來的。

隨住遊艇進入海域，激烈的搖晃已經變成常事，廂房裡的電視機、杯子、枕頭、小茶几無一不跌落到一邊。

「哞嗚──」忽然，一陣沉甸甸的聲音在外面傳來。

聲音沒有停止的跡象，就像魔音能貫穿牆壁，入到我耳朵之內。

我行到廂房的門前，開出一條小門縫：「王達尼，咩聲嚟？」

「唔知呀！我淨係知啲浪越嚟越大......」王達尼全身經已被捲來的海浪濺濕。

「仲有幾耐會到！！？」浪濤大聲得，我要喊問。

「衫、拾芬仲內呱！」

「三十分鐘內？你講嘢咁怪嘅？」

「我含住緊張支票呀！我驚啲浪打濕啊！」王達尼喊。

外面情況極為惡劣，到達目的地之前我都只能待在廂房入面。

「哞嗚──！！！」

那沉沉的叫聲，又再傳出。

今次可以確認，是來自海底之下的......

因為聲音比剛才近很多了！

「呯──！」突然，一股強大的衝力將遊艇左側撞陷。

「啊......」我都飛撞到牆壁上。

「喂......唔掂啦......」王達尼在外面喊。

「唔掂咩？」

「你出嚟睇下......」

我聽王達尼所言，行出廂房看看外面環境，只見位於海中心的我們，被幾隻龐然大物包圍住，牠們正是不斷發出「哞嗚」叫聲的來源......

「鯨......魚......」我說。

「你咁都睇得出......」王達尼不敢再貿易前進。

「只係大過我見嘅好多好多倍。」

這就是船主所說的......病鯨？

合共四、五隻病鯨，在我們周邊的海面繞圈而游，期間不斷翻身把濤濤的浪水湧過來。

「轟隆──」閃電劃破天際。

「哞......」其中一隻病鯨張大了嘴巴，巨量的海水一時間流到入去。

水流連同我們一起牽扯其中，王達尼立即控制船舵往反方向行駛。

「除非我朋友宜家嚟救我，如果唔係......我真係唔知點樣可以生存落去。」王達尼恍惚地傻笑。

「仲有一個方法......」我舉出起袖箭向病鯨眼睛發射。

鯨魚本身皮肉厚實，一般刀槍恐怕無法穿入。

唯有眼睛，是任何生物都最沒防備的位置。

「嗖！」短箭一發插入。

病鯨眼球即濺出大量血水......

「哞嗚嗚！！！！！」

血量噴出驚人，但病鯨也停止了暴風般的吸入。

另一隻病鯨見狀，像有共鳴地為牠接力，張大嘴巴繼續吸吞海上的一切。

「頂......！」王達尼馬上扭轉船舵。

之後我又發了數箭，可惜船身太不穩定，連續幾箭不是射失，就是射中眼角，沒直中要害。

「做咩停手啊？」王達尼回望，問。

「冇哂箭矢......」我凝望袖箭。

「咁......係咪代表我哋已經......」

「仲未完。」我去拿取船上的捕漁繩，將一端打結紮到自己腰上。

「你想......」

我再將捕漁繩另一端，紮緊到最鞏固的船杆上。

「將佢刺瞎。」我行到遊艇的船尾，觀察一下角度。

「你點跳過去？我哋宜家同佢水平位置，佢仲打開咗個口......點跳落佢個身到！？」王達尼問。

「我有方法。」我爬到遊艇高高的船杆上，風雨不斷在我身邊交織。

當我爬到最高處時，我向船中的王達尼，喊：「駛近佢個口少少，靠近佢一啲！」

「今鋪真係玩命......」王達尼慢慢收油。

當遊艇、病鯨和我，形成一個完美的梯形角度，當一切準備就緒後，我就義無反顧的向病鯨身上跳落！

就算失足跌落海，都至少有根束住腰部的捕漁繩將我綁住......

「咔嚓──」跳落的同時，我伸出了袖劍。

在著落鯨身的瞬間，我馬上滑到鯨眼側邊用袖劍一刺！

「嗖──」

刺得深入之後，再用力拔出。

又一陣海量的腥血，從眼球噴出！

將我全身濺成血人。

黃店

含喺口入面唔會濕咩

呢間佢嘅牛角包仲好食

咪係囉唔好糟蹋左娃娃啦
同埋我記得貴華係見一個愛一個 好似係