1127 Like
18 Dislike
墨說
2020-04-08 23:30:58
就在我們苦思對策之際,船裡的人行了出遊艇。
他戴住頂鴨舌帽和一副墨鏡,似乎對周遭岸上的病者見怪不怪。
「有人行咗出嚟!」王達尼瞇起眼睛。
「佢收緊網......」
他在自己的中型遊艇邊,設下了捕魚網,現在出來似乎是要收穫了。
「比起吸引病者注意,宜家最好吸引到佢注意。」我說。
「喂!」王達尼揮揮雙手,向遊艇大叫:「呢到呀!聽唔聽到啊!」
站在某間海鮮酒樓上大呼大叫的王達尼,聲音壓根傳不到對方那邊。
「無辦法,用槍吧。」我提議。
「又......又用!?我未試過一世人,同一日開三槍!消耗三粒寶貴嘅子彈!」王達尼的反應,已表達出不情願。
「咁今日就要試下。」我拍膊。
「咁......」
「佢就快收完魚網......」
「咁......」
「你唔記得咗?完事之後你會有成百萬幾艾幣報酬。」
「唯有係咁......機會就等於隱形嘅錢,唔捉緊就會消失。」王達尼舉槍向天。
「呯!」
一聲槍鳴之後,天上鳥散。
遊艇主人的眼睛果然移向了槍聲之處,望見在某間酒家樓頂的我們。
對方稍為拉低了墨鏡,然後急步行入遊艇之中。
「佢唔會以為我哋係強盜啊!?」王達尼大驚。
「但更奇怪嘅係,點解班病者聽到槍聲......都好似無反應咁。」我正詫異。
「無反應?咁係因為佢哋知道啱啱有個蠢蛋開咗一槍!......而呢種蠢蛋殺咗,都無任何意義!嗰個人就係叫王達尼,即係我啊!」王達尼花費大量唇舌,說了一堆晦氣廢話。
「喂、喂,聽唔聽到!啱啱企喺快樂漁港酒家天台嘅兩條友。」此時,遊艇上傳來一把中年男士的聲音。
這含有雜訊的聲音聽上去,應該是用了船上廣播器之類的器材。
「如果聽到,就開兩槍,聽唔到就開一槍。」男人繼續廣播。
「喂!你痴線嫁!」王達尼氣得用左輪指住遊艇,不停大罵:「開多兩開都無哂子彈啦!仲有聽唔到嘅話,點解仲要開一槍表示聽唔到!」
不知對方是否聽不到槍聲,便行出遊艇查看我們。
王達尼立即做出各種手勢,示意自己左輪沒有子彈了。
遊艇主人好像看得明白,就回到遊艇內用廣播器續說:「咳......我啱啱條問答好似有少少出錯,不過相信你哋都聽到我講嘢嫁喇,係咁嘅,我就叫云勇汀,情況就如你哋所見......我被岸上呢堆病者困住。我都唔知點解情況會係咁......原本只係諗住喺到停泊一晚,結果一醒咗佢哋就包圍住我。」
說完一大段背景介紹後,云勇汀再次行出遊艇,向我們打出OK手勢,應該是在問我們是否聽到和了解。
我們回他一個OK手勢表示明白之後,他又回到遊艇入面。
「聽住,我馬環村嗰邊應該有班識嘅人,你哋可唔可以幫我通知佢哋?我就困住咗喺到......」云勇汀用廣播問。
遺憾的是,他馬環村那邊的同伴應該都變成了剛才見到的蠹魚人,要不然就成為了嘔心黏液中的乾屍。
於是,我們擺出了交叉的「X」形手勢。為了讓他深入更明白,王達尼更做出割喉的手勢,示意他們都死清光了。
「你係指......佢哋都死哂......?」廣播著的云勇汀,聲音似乎有些崩潰:「邊......邊會咁......我只係出咗海捕兩星期魚......」
「你係咪唔應該表達得咁仔細......」我輕微的責怪王達尼,順道提出一個疑問:「其實點解佢唔直接揸出去,喺第二個岸邊位落船?啲病者又唔敢落水。」
「病者唔會掂水,但係識跳過去。避風塘唯一駛出海外嘅碼頭位唔夠寬,一旦嫁遊艇揸出去,應該會有唔少病者趁機會跳去佢嫁船到。」王達尼很快就指出。
云勇汀似乎重拾了情緒,繼續用船上廣播說話:「聽、聽唔聽到......或者你哋有冇方法接近我?整走班病者......」
「佢終於講出重點。」我抱手。
「我呢家宜個情況一定走唔出去,呢個避風塘,同之前捕穫返嚟嘅魚食......都就快俾我食哂,或者你哋可以去體育館嗰邊,嗰到有個好標誌性嘅鐘樓!你可以整到佢敲鐘,另外可以嘅,就去拎啲柴油俾我......嫁船應該都就快郁唔到。」云勇汀一次過說出了要求。
「咁麻煩嫁,呵欠。」王達尼拿出香港地圖打開:「佢講嘅體育館,應該係喺我哋就近對面街見到個橦鯉魚門體育館,至於柴油......對面工業村,間有榮船廠可能會有。」
「分頭行事?」我提議。
「咁當然,你去邊面?」
「危險嗰一邊。」我說。
「咁即係拎柴油,okok!」
話畢,我便與王達尼分道而行。
由於鄰近的病者都莫名地被遊艇吸引住,街道上清靜得嚴如一座死城。我們能夠暢通無阻的,到達鯉魚門附近的每一處,包括鯉魚門體育館和有榮船廠。
走進工業村,這裡一如所料的被人搜括過,一街的工廠鐵捲門和玻璃都被人破壞過,但程度不算嚴重,可能基於附近的人能夠捕漁自給自足。
待我去到有榮船廠,就開始搜索柴油在何處。
憑我靈聞的鼻子,大概嗅到了柴油的存在處在某個上鎖的倉庫中。我用袖器上的小型解鎖工具將其解開,就將一桶柴油放倒,以滾動的方式帶走。
另一邊廂,王達尼都已完成自己的工作,用不知什麼的方法爬到體育館的鐘樓上,只待我把柴油帶回來。
墨說
2020-04-08 23:31:27
在遠處的我向他示意完成後,王達尼就開始敲打大鐘,觸發響亮大的鐘聲。
「噹──!噹──!噹──!」
一連三敲,病者們紛紛產生了異動,他們有些回頭瞻望那大鐘。
「喂!呢到啊,開餐喇!有達尼肉食啊!」王達尼用體育館找來的羽毛球拍敲打大鐘。
「唦......唦......」
「嗄嘎嘎啦......」
「嗥......」
在持續的騷擾下,病者們開始一個二個的往王達尼那邊走去,連病翼飛去鐘樓附近趁熱鬧。
「嗥嗥......!」三隻病翼,在鐘樓上盤旋。
「仆街啦,我最怕就係病翼飛過嚟......」王達尼警惕住四周。
「嗥!」一隻病翼繞到他背後,就主動出擊。
病翼一雙爪,將把王達尼的背扯住、拉走!不出數秒,就會被拉出鐘樓摔死。
「呯!」情急之下,王達尼只好又開一槍。
面對另一隻想接近的病翼,王達尼又是毫不猶豫的一槍。
「呯!」
在生命攸關的情況下,子彈顯然沒那麼重要。
王達尼解圍之後,馬上從鐘樓塔的內樓下去,離開即將要被病者大軍圍住的體育館。
「可以駛近少少!」我向云勇汀喊。
不一會,遊艇就開始接近清空的岸邊,我將柴油帶到船上,而剛逃出體育館的王達尼,則難免被幾隻病者發現且追趕。
而最糟糕的情況出現了,身形龐大的病獸正如貨車般襲近......
單是他奔跑的衝擊,就撞開了同樣追住王達尼的病者。
「嗚嗚嗉!!!」病獸的速度漸漸加快。
王達尼拼了命般地狂奔,令船上的我都不自禁緊張起來。
「加油呀!」云勇汀摘下墨鏡,大聲喝。
「吼!!」病獸伸出一隻手,即將要把他捉住。
快要跑到岸邊的王達尼,全身都應該流動住腎上腺素,為了減輕自己的負荷更把手上的左輪,腰間攜帶的工具,任何多餘的物品都一路跑一路扔走。
最終......
他成功了。
王達尼一腳踏上海旁的欄杆,跨跳到入水中。
而身後的病獸則遲了一秒,撞了個空,並同樣落入水之中。
水面產生一陣氣泡後,王達尼的頭伸出水面了。
「呼!嗄......嗄......」他喘著大氣,游來遊艇這邊。
我和云湧汀合力把王達尼拉上船,他跑到臉色近乎發白。
至於那隻墜入海中的病獸,則沒在浮上過水面。
「唔好講咁多,入油先......」近看云勇汀,是個四十多歲的人。
在云勇汀入油完畢後,他一邊將遊艇駛出三家村避風塘,一邊向我詢問馬環村的情況。
「你哋頭先係咪想講,馬環村嘅居民全部都......死咗。」
「嗯。」
「點會咁......唔怪得知無人嚟救到我......」
「你困咗喺呢個避風塘幾耐?」
「都成個星期,好彩我仲可以靠食魚維生。」絕望的云勇汀,不斷用頭撞向船盤:「但點解會死哂......」
「你以前有冇見過呢種情況?俾蠹魚入侵人體。」我問。
「蠹、蠹魚?無......我哋從七年前就一直住喺馬環村到,平時靠我同幾個人揸船出海捕魚,但係後嚟得返我一個出去捕魚,宜家直頭真係得返我一個,我仲點生存......」云勇汀發愁的搖頭。
難道,那些蠹魚真的是變異的新品種?
算了,先不要管他村子的情況。
我要去做的,是去港島區找艾匡。
「既然你有船,我就實不相瞞,我真正救你嘅目的,係想借一借你嫁船。」我說。
「我......我、嫁船?」
「我要你帶我去港島區。」
「港島區......」云勇汀沒有答應,反而臉有難色。
「有困難?」
「係,真係有啲困難,唔係我唔想載你去,而係......」云勇汀去拿出一張海面地圖:「用船過海嘅話,會有一定危險。」
「船都有危險?病者應該接觸唔到海。」
「咁係因為,宜個世界有病鯨。」
果然,一脫離以往區域,一堆新型變種的東西就群空出現。
「病鯨係咩嚟。」我續問。
云勇汀將船泊在三家村碼頭外:「一種同鯨魚無太大分別嘅生物,但係會攻擊喺海上嘅人類同船隻,宜家我哋仲係近岸邊唔會有事,但稍為出少少......佢哋就會出沒。」
「體形?能力?特點?缺點?致命位?」我拋出一堆問題。
「我唔想解釋咁多。」顯然,云勇汀仍在想馬環村一事。
「嗄......」喘了好久氣的王達尼,終於重拾腰骨坐了起身:「有冇水......」
「有......」云勇汀行入遊艇的小廂房,取了枝水給王達尼。
云勇汀在進去不久,廂房就傳出嬰兒的哭聲。
我行入去一望,發現云勇汀正抱著嬰兒看顧。
「乖、乖,唔好喊......」
「呢個係......」
「我之前喺對面港島岸邊,執到嘅細路,呢個時勢居然有人會生仔......仲要遺棄佢。」云勇汀一臉憂心,俯視住嬰兒:「如果唔理佢,佢一定會俾啲病者食咗。」
這個嬰兒,身上散發住奇特的味道。
「你真係要去港島?」云勇汀轉身望向我,再問一次。
「嗯。」我答。
「咁好,我就載你去......」云勇汀抱著孩子行出遊艇,面向不遠的馬環村:「但我想返去望一次先。」
「好,反正佢都唔會跟我去港島。」我指的是王達尼。
如是者,他就將遊艇駛回到馬環村岸邊,下船查看村裡的情況。
「喂,啲錢點?唔諗住就咁走咗去。」王達尼拉住我衣角。
「放心,我唔會差你艾幣,我宜家就返去艾寶琳拎支票俾你。」我盯住云勇汀的背影,說:「你留喺到睇住佢,仲有嫁船,我好快返。」
由於我沒有隨身攜大數量龐大的艾幣,只好回去開一張支票給王達尼。
所謂「支票」,是艾寶琳公營銀行特發做出的,只有存庫擁有一百萬以上艾幣的用戶或公司,才能去即場申請一張。
由於沒有電子通訊設備可以遠距離確認,因此得當事人親自去簽名確認交易。為免云勇汀突然駛船跑掉,我特意留下王達尼看管他。
我騎住今早帶來的單車,快速的回到艾寶琳去,去銀行弄好一張精緻的綠色支票後,寫上金額並簽名確認。
最後到犬學院的帳簿記錄自己支出了這筆錢,就大致完成。
之後犬學派,暫時都會歸榮格管理。
臨離開前,我在檯頭找到封皇室密函,是前幾天寄給我的,表明只有會長才能夠看。
我拆開一看,發現是艾康給我的信。
「葉青茶
你知道?我最近的失眠情況很嚴重,這歸根究底是出自艾匡身上。
你知道?一點雞毛蒜皮的事,都可以令我發瘋。
你知道?艾匡的存在,讓我多心煩。
知道的話,就給我趕快把艾匡的人頭拿來。
要不然,那天我因為失眠問題生氣到極點......
會隨時拿你們「犬學派」所有人頭來解氣。
為免親眼見到你之後,我會情不自禁地將你處死,所以特意致你信函。
──艾康」
看完信中內容後,我沉默了一會。
離開前,再把信件燒掉。
艾寶琳,
總有一日,
會被我奪下。
這天來到之前,我還得努力做他身邊忠誠的狗。
無名氏三萬
2020-04-09 00:19:01
文
黑椒牛丸河
2020-04-09 00:19:25
會好的
2020-04-09 00:20:14
唔通個bb都係病者黎
滿天的貝果
2020-04-09 00:25:56
病B
吾好搞我後面牙
2020-04-09 00:28:50
廣瀨愛麗絲
2020-04-09 00:35:16
病b
會好的
2020-04-09 00:36:43
有病婆又病B
差病媽/爸
滿天的貝果
2020-04-09 00:38:25
再加啲病兄病弟病貓病狗
病者家族
傻豬黎既
2020-04-09 00:44:19
lm
51269
2020-04-09 00:51:22
有種生化危機4既感覺
歌舞忌丁
2020-04-09 01:05:24
咁似乎第二季後段係3主角一齊返將軍澳奪國
力子(屌你狗會)
2020-04-09 01:08:29
外國撚想課金都課唔到
共黨死清光
2020-04-09 01:09:55
工業用革命口罩
2020-04-09 01:58:13
Pish
DavidBeckham7
2020-04-09 03:15:30
邊個仆街仔比負皮
癌症病人(語癌)
2020-04-09 03:26:22
樓上Quote乜鳩
成皇志
2020-04-09 03:28:40
明顯係病港III嘅主角
不了狗也不
2020-04-09 03:33:54
咪quote
答應不愛你
2020-04-09 03:58:06
病港已經3年
老老實實好多野都唔記得
但係「蠹魚」
好似有啲印象...
定係我記錯其他故?
YouWereBeautiful
2020-04-09 04:05:34
Dr. D
牧瀬紅莉栖
2020-04-09 06:34:12
簡單咁試畫咗想像中拎住條愛滋毛嘅艾匡