以下資料對美股大盤較適合, 個別股票自己覺得價靚就可以收集, 只消記住不all-in原則便可.
我自己會每次20-25%分注買入. 希望愛股出現最低位後, 手頭上還有15%資金作其他部署.
其實篇野之前出過, 但沉左, 自己係P牌推唔到POST, 想出多次...
另外見有網友不明白為何美國減息股市還會下跌:
個人看法, 其實市場要上升要有氣氛和資金, 所以每次周期末期的首次減息一定升, 因為本身氣氛還好, 資金量還增加; 及後減息效果一定下跌, 要記住減息原因一定同經濟變差有關.
最後, 央行減息, 股市下跌, 就係最後階段. 不過, 不得不說, 事實上今次聯儲局同市場溝通得好差...
市場氣氛其實可以睇到底係「喪事當喜事炒」定「喜事當喪事炒」
同一件事, 例如失業率上升: 市場氣氛好, 股市可以上升, 因為憧憬貨幣政策出台;市場氣氛差, 股市就跌, 原因「擔心經濟衰退」
上次就分享了這張圖, 圖中為標準普爾500(藍線)及美國10年-減3個月國債利差(黃線)於2006年1月至2010年12月的情況. 請注意息率差縱軸是反轉了的. 上一次我提過長短債利差>3%就可以分段買入, 今日整理資料時發現其實範圍可以再收窄一點.
一般而言, 股市觸頂後, 長短債利差會漸漸上升, 分別07年12月, 08年3月, 08年9月及08年10月首次升穿1%, 2%, 3%及3.5%. 在08年10月15日更達3.82%. 但之後有一次特別的回調, 由3.5%回到2%, 與此同時, 股價保持下跌, 在此可以視為長短債利差首次觸底. 而股市最低位往往在長短債利差首次觸底6個月之內出現. SP500 最低位為3月9日, 跟08年10月中有大概6個月之差.
同樣情況可以在99-04一次大跌市出現. 股市觸頂後, 長短債利差會漸漸上升, 分別01年4月, 01年9月, 01年11月及01年12月首次升穿1%, 2%, 3%及3.5%. 在02年4月1日更達3.65%. 同時地之後有一次特別的回調, 回到02年10月9日的2%, 與此同時, SP500 最低位為776, 時間為10月9日. 距離長短債利差最低位的4月1日剛好大概6個月. 有趣的是其後長短債利差在04年5月13日達3.85%, 但對大盤似乎沒有影響.
先總結一下, 我們發現上兩次大盤低位都出現於長短債利差最高點後6個月左右, 換言之要找到買入點, 先要確認長短債利差是否已經觸頂. 如何確認呢? 有兩點大家可以參考一下, 第一長短債利差應該要去到3.5%左右或以上. 第二觸及3.5%以後會大幅回落到2%左右. 確認長短債利差頂部後, 向前找出最高利差, 然後向後數6個月. 這一個市場現象我相信是當長短債利差達3.5%時, 就會引資金進場, 股市就會約半年左右反映出來. 如果我說錯了, 請大家多多提點.
上一次提及過, 崩盤之前長短債息差有預測的能力, 時間大概是早半年. 上次有網友提到99-04似乎沒有預測關係, 似乎只係可以講利率倒掛前, 音樂未停, 停左後就自求多福, 自行減磅. 講番今次周期, 長短債息差於2019年9月3日最低去到-0.51%, SP500則在2020年2月20日到達最高位3373, 相隔170天, 接近半年.
跌到幾時沒有人知, 只知道現在3月13日, T10Y3M長短債息差是0.66%, 一般要觸底債息差要有3.5%後才會出現. 以上係上兩次周期到達不同息差的時間, 供大家參考
希望幫到大家, 令各位多一個參考, 有心理準備相對低位大概何時出現, 便以準備資金, 以相對便宜價格買入股票.
https://fred.stlouisfed.org/series/T10Y3M
17/3/2020: T10Y3M: 0.83%
18/3/2020: T10Y3M: 1.16%. 由SP500高位計起, 升穿1%只要30天左右, 比上兩次快, 可以refer幅圖個table
小弟其實拍左片, 覺得有用可以望望, 我講錯野都可以屌我=]
Video 1: https://lihkg.com/thread/1925775/page/1
https://www.youtube.com/watch?v=p5IpqfT3nZE
Video 2: https://www.youtube.com/watch?v=5nayRj-9SXw&t
