【東方玄幻 * 武俠 * 山海經 * 冒險 】《易水》

唔好咁講，我都仲有好多進步空間。
你有咩問題可以隨便問啊，我有咩經驗可以幫到你我都會分享。

我都打算將樓主當做目標，有朝一日可以寫得出一本咁正既故仔。
由頭追到今日，加埋樓主既功課做得好detail，真係睇書得黎又學到野

唔好咁講
大家一齊努力

岩岩開始構想，希望有朝一日樓主可以俾意見。
都係睇完你先開始諗，自細中意東方玄幻同武俠

武俠界ge神話

你係咪整蠱我啊

好啊~ 到時候po出黎啦~ 支持武俠同好

原來細細個都係有睇過樓主，貪嗔痴係十年前係discuss 睇過

噢！竟然！
E+呢個係十週年紀念重製版黎，你可以去睇下XD
但一定唔會重製到FF7 remake咁魔改ga喇，不過都改唔少野ge~

個時樓主仲叫venson如果無記錯

我想知下樓主係點樣儲字儲句 係會睇古文詩詞 新詩 定直接睇人d文 見到好既就抄底/特登背？

同埋點樣避免重複咁用連接詞 e. g. 再者 然後 之後個d? 個轉折位要點樣寫得唔好咁跳脫?

其次我認為塑造人物形象既第一步就係描寫佢既五官 外形 再者就係佢既行為 之後就係談吐 依三樣理應互相掛鈎 但若然要創造一個具獨特性既角色 依三樣野就未必會互相對應 e. g 白淨 喜琴吟詩 就係讀書人咁樣 但其實仔細睇佢隻手就知佢係練武之人 我就覺得依度幾難 點樣先可以令佢易d寫?
由其d五官形容詞 我個腦真係黎黎去去得個幾個

我想知下樓主係點樣儲字儲句 係會睇古文詩詞 新詩 定直接睇人d文 見到好既就抄底/特登背？

除非要特登去穩古詩，如果唔係一般的詞彙/成語呢D都係平日睇書累積翻黎，睇得多就自然會記得，當然特登背都可以。

同埋點樣避免重複咁用連接詞 e. g. 再者 然後 之後個d? 個轉折位要點樣寫得唔好咁跳脫?

其實都係睇平日累積幾多，比如你呢個例子，「再者」、「然後」、「接著」、「加上」、「再來」、「先......後......再......最後」，其實第一次寫果陣可能不自覺會重複好多，審稿時就可以逐個執走佢。

至於跳脫就係你故事或者你解釋果樣野個先後次序你要諗好，寫一次出黎睇下會唔會跳脫，如果跳脫就要加detail，如果太cum氣就可能要斬開佢。

其次我認為塑造人物形象既第一步就係描寫佢既五官 外形 再者就係佢既行為 之後就係談吐 依三樣理應互相掛鈎 但若然要創造一個具獨特性既角色 依三樣野就未必會互相對應 e. g 白淨 喜琴吟詩 就係讀書人咁樣 但其實仔細睇佢隻手就知佢係練武之人 我就覺得依度幾難 點樣先可以令佢易d寫?
由其d五官形容詞 我個腦真係黎黎去去得個幾個

其實人物形容方面呢。我覺得首先你真係要諗到個人樣出黎，平日可能都要多留意每個人個樣有咩唔同（唔係單純靚D醜D）。
比如話，面型有分瓜子面、鵝蛋面、國字面、四方面，如果想極端D，比如話好似馬雲呢D，你就可以大概形容「面型非常奇怪，就如同被人從上下壓扁了一樣。」，又比如話形容D人塊面瘦到骷顱咁，咪可以話「兩頰深深陷下去，臉上沒有半分肉，就似一活著的骷顱。」。
面型完左，就到眼耳口鼻。
眼有大、細啦，女仔可以話係丹鳳眼啦，又比如話南冉係八字眼啦。
鼻有高鼻、豬膽鼻etc。
咁你唔同配搭，就可以組合一個令人想象到ge角色樣出黎咯~
學你話齋，一般人應該談吐相貌行為係掛鉤，如果你想唔互相對應，呢個就可以係個特別setting，比如話你可以講一個人「明明衣衫華麗，看樣子是個翩翩公子，豈知一開口就粗言穢語，比市井流氓更是粗鄙。」又可以突出你想表達個奇異ge感覺。

----------------------------------------------------------------------------------

其實講來講去呢d都係靠平日累積。但E+坊間係有d 小說辭典，裏面就收錄左唔少呢d 形容詞。如果你一開始覺得苦手都可以買本黎參考下~

不過講明先，因為我寫開古裝，所以d 形容同文筆都係偏呢邊。如果寫現代背景就會格格不入，所以depends on你要寫咩背景，你d 文筆都係要跟住去tune~

希望幫到你~

熟讀唐詩三百首 不會吟詩也會偷 我去睇下有咩書岩我

果然係大大

你又係黎整蠱我係咪啊

下，真心覺得係大大
崇敬之情如滔滔江河

連綿不絕

猶如黃河氾濫

一發不可收拾

推推推推推

有冇近況更新

有~

明天420~

卷二，開始~