可唔可以介紹下五帝同六帝錢
五帝定六帝, 查實帝係冇意思, 重點在於五定係六。
河圖數, 一六係水, 二七係火, 三八係木, 四九係金, 五十係土。
風水師用五錢, 取象五土生金, 用黎洩同樣屬土既二黑五黃。錢為七赤兌金, 係五,六,七凡60年都係當運, 即係由1944-2004都係有用, 所以坊間好多風水師唔識易經, 所謂師傅教落, 就當左五錢係洩二五既靈丹妙藥。但係一到八運, 即係由2004年開始, 七赤過氣, 再用五錢即係生旺左七赤毀折之象, 只要流年流月三碧一到, 三七置至災禍立見。
而家係下元八運, 可以用八九一, 六錢就係取金水之象, 兌金生一白, 咁就可以化二黑五黃為一白, 呢個就係六錢既玩法。
所以只要你出去見到D叫你用五錢或者一定要用XX通寶先有用既風水師, 百分之一千係神棍, 唔駛審可以慳番一萬幾千。
宜家下元八運，冇得用五帝錢化二黑五黃，咁五帝錢仲可以有咩其他作用？
唔是咁解。錢係兌金, 即係七赤, 二黑五黃係土, 錢本身就係用黎洩二黑五黃, 七運既時侯當運顯現既咪優點, 咪開心, 正財, 頭腦靈活囉。 但係七運已經過左, 而家是八運. 八運能用既只有八白九紫一白, 金不能單獨用, 只能夠用金水, 目的係要水, 金只係作為通關之用, 所以咪要擺六錢囉。BTW, 你冇搵人睇過, 擺六錢冇意思, 因為風水唔係剩係睇流年, 仲有底盤同埋流月三盤合一, 吉兇先會出現。
感謝詳細回應
我仲想問多少少
“三七置至災禍立見。”姐係點？ 三係木，已經克二黑五黃土，咁用五帝係七赤點解會出大問題嘅？
（唔太明個五行生克應該點睇）
另外，我想問每一運20年係點知？同埋一開始研究果個人係點知佢當時係咩元咩運同個元運到幾時？係咪好似時節咁有特徵睇（eg太陽，北斗）？
風水永遠唔會用剋, 只會用洩。剋即係交戰, 嬴輸都好, 始終係兩敗俱傷, 同埋會trigger左果粒星既缺點, 例如有個紋身大漢, 你唔聊佢由自可, 一聊佢咪會引發左佢既暴戾囉, 就算你好打打嬴, 始終會兩敗俱傷, 不如搵通關, 例如金火交戰咪用土通關, 水火交戰咪用木通關, 化干戈為玉帛, 呢個係風水既法則。
如果用五帝錢, 五土生兌金, 本身過氣既兌金已經有毀折既意思, 如果黎個三碧震木同佢交戰, 即係震木毀折, 震為雷為動為手為權威, 以上既野毀折左, 咪即係斷手斷腳/官非/衝突等等囉。
三元九運係根運洛書黎, 洛書有九宮, 因此分九運, 1-3為上元, 4-6為中元, 6-9為下元, 幾時開始我唔知, 但係每個元運永遠是20年, 而家八運咪由2004-2023。
多謝賜教
