風水（ 堪輿）雜講

巴打，請問一下呢點樣改善住緊既地方風水
小弟只求身體健康正常就得
呢幾年病到死死下，睇極醫生都麻麻
小弟住圍村，請問有咩可以比您參考？係咪要明堂圖果啲？
萬謝

自己搞最簡單咪每年睇吓流年飛星
即係每年運程書都有講

信唔信得過先

10個人10個計算方法都一樣
其實一頁紙已經可以講完
係D風水佬搭其它野落去9up
先搞到成本書咁厚

巴打，請問一下呢點樣改善住緊既地方風水
小弟只求身體健康正常就得
呢幾年病到死死下，睇極醫生都麻麻
小弟住圍村，請問有咩可以比您參考？係咪要明堂圖果啲？
萬謝

自己搞最簡單咪每年睇吓流年飛星
即係每年運程書都有講

信唔信得過先

信唔過
完

玄空想入門有冇書推介？

玄空想入門有冇書推介？

冇, 學八字自學既話都仲有機會學得識可以出黎做下神棍。 紫微冇人教基本上就是9UP。風水冇人教除左9UP之餘分分鐘害己害人。

玄空想入門有冇書推介？

只可以簡單一望入門
可以睇白鶴鳴本沈氏玄空學，大路上了解下係ok

講玄空歷史/傳承前
寫下技法，亦都解釋到點解玄空咁多年都祕而又祕，八宅就盛行於民間

重點係-太難學

玄空講天地人三才

天時
地理
人命

人命，即命宮，搵出命宮，再配屋，令屋的好野去生旺命宮之人。唔生，都要唔好剋，否則就係剋命宮，可死人（放心，暫時見過最快最快都係入新屋，剋命宮，門剋床剋連入伙日子都剋。搬入後患急性重病，醫左一年到先死 」。一般要出事，十年八載左右啦 有時間比你救的。

天時
即運，8運就用8黎開盤，收8氣。此為運。點叫合運，同定向有關。如果陰宅，來龍定向不合運。叫吉地葬凶，奇禍猶烈。

定向
玄空講「空邊引氣實邊收，命從來處天然定」
陽宅並唔係單單以前門/窗為向就得
在陰宅，定向仲要配後山來龍，合數合局方真

合局
玄空講一卦純清，即係內局太極要應外局太極，再配以飛星斷事。而一卦純清，即係飛星理氣要純，不可兼雜。

兼雜則出卦，情如拔河，一卦純清則力大，力清。出卦=兩邊鬥力，可以凶大於吉

線口
《玄空祕旨》
「卦爻雜亂，異姓同居。吉凶相併，螟蛉為嗣。」

拎線口，務求一卦純清，奈何現們起樓，已經定晒，線口改唔到。唔似古人起屋，睇左線口先起屋。

上面祕旨講左，一卦唔清會點。「子字出脈子字尋，莫教差錯丑與壬」即坐山要對向首之水同卦，左右青龍白虎都要同卦，城門水口都要合卦，但求一卦純情。即8運，全取8字，可兼取未來生氣9。此乃收生旺之氣。

最常聽到，「乾山乾向水流乾，乾峰出狀元」、「卯山卯向卯源水，驟富石崇比」。

好似好威威，簡單d，即合局而又一卦純清

一般黎講，出卦主瘋癲，家貧，喪事之類
好多公屋，線口都出卦，例如上水生腦can個天平邨。所以公屋窮人慘人多，唔知係個天整定，定係起樓個d有心。真係天知

山與水
山管人丁，水管財
玄空則重陰陽，空者/水者為陽，山者/實者為陰。故要分清外內陰陽虛實。

山水有兩重意思，一講外在山水，有山有水而合局則吉，不合則凶。如收錯水為破財。

所以呢...只睇外在環境，係無叉用。成盤數拎得一忽，成個山頭海邊你住晒 ？成個海你話事 問左張保仔未

第2重係飛星
水星
水星/向星係財星，要當旺星得用，財先亨通，收錯飛星就破財。

山星
山星都要有外面山局相應，否則「沖殘子息卦」就會無丁/少年喪之類。如果識用，中出都無咁易有丁 可以算係凶為吉用

城門
水交三八要相過，即向首左右的水口。收錯水就叫黃泉水，奶野。
「五星一訣飛真訣，城門一訣最為良。若得五星城門訣，謀事安墳大吉昌」
五星，即五行，只用唔行飛星/五行係唔夠，合到城門，吉上加吉，發上加發。特別開舖做生意，有無城門，一舖定生死。

收山出煞
合錯局，錯飛星。咁點呢，tune返岩佢囉。但地理限制，唔再以前咁開個門話改就改，改唔到就要諗方法化解。個山唔岩位，你都唔可以剷左佢啦？

化解
一黎用物件/養魚，裝紅燈等等普通五行技法去化解凶力。或者用到擇日飛星，用年月日時飛星去化解原局飛星凶性。

擇日
你已經望下山望下水，乜9旅行都搞晒。仲要配擇日去「點火」，揀岩日子，去令到成盤飛星數運作。擇日唔係拎本通勝就得，通勝入面太雜，好多流野。用就當然要用返玄空派去點火。

暫時諗到咁多，有再補充

聽聞賭場風水聽過係威尼斯條河，永利疊大紅燈

亦都聽聞陰宅風水好，條屍吸到地氣，成個墳頭會真空左，敲下塊地會郭郭聲，唔知堅定流

山水有兩重意思，一講外在山水，有山有水而合局則吉，不合則凶。如收錯水為破財。

所以呢...只睇外在環境，係無叉用。成盤數拎得一忽，成個山頭海邊你住晒 ？成個海你話事 問左張保仔未

即係巒頭其實唔太重要? 如果係煞水(如八字水), 但合局都可用?

我一d都唔識風水不過好有興趣知
以前都係睇下生肖星座最多上網睇下八字紫微睇下個人運勢
不過睇完就唔記得
近幾年接觸多左
先知原來風水對人影響好大

岩岩有巴打提到垃圾桶唔好同廚房灶位一齊放，咁我放係廁所又有冇問題？

聽聞賭場風水聽過係威尼斯條河，永利疊大紅燈

亦都聽聞陰宅風水好，條屍吸到地氣，成個墳頭會真空左，敲下塊地會郭郭聲，唔知堅定流

流既。永利大紅燈係因為佢開八白門, 紅燈係九紫火, 九紫生八白咪旺丁又旺財囉, 門口兩棵樹係三碧, 纏哂燈咪又係火, 三碧生九紫咪又威又猛囉, 查實大把地方都有風水, 只不過高明既你地唔識睇咁解

我一d都唔識風水不過好有興趣知
以前都係睇下生肖星座最多上網睇下八字紫微睇下個人運勢
不過睇完就唔記得
近幾年接觸多左
先知原來風水對人影響好大

岩岩有巴打提到垃圾桶唔好同廚房灶位一齊放，咁我放係廁所又有冇問題？

唔好有異味出黎就得, 屎坑同垃圾始終都係五黃, 最好蓋住佢唔好俾個象出黎。

岩岩有巴打提到垃圾桶唔好同廚房灶位一齊放，咁我放係廁所又有冇問題？[/quote]
唔好有異味出黎就得, 屎坑同垃圾始終都係五黃, 最好蓋住佢唔好俾個象出黎。[/quote]

唔該巴打

山水有兩重意思，一講外在山水，有山有水而合局則吉，不合則凶。如收錯水為破財。

所以呢...只睇外在環境，係無叉用。成盤數拎得一忽，成個山頭海邊你住晒 ？成個海你話事 問左張保仔未

即係巒頭其實唔太重要? 如果係煞水(如八字水), 但合局都可用?

要分出面的野，邊d關你事，邊d唔關你事
依家香港人的屋豆腐咁細，收唔得多

聽聞賭場風水聽過係威尼斯條河，永利疊大紅燈

亦都聽聞陰宅風水好，條屍吸到地氣，成個墳頭會真空左，敲下塊地會郭郭聲，唔知堅定流

流既。永利大紅燈係因為佢開八白門, 紅燈係九紫火, 九紫生八白咪旺丁又旺財囉, 門口兩棵樹係三碧, 纏哂燈咪又係火, 三碧生九紫咪又威又猛囉, 查實大把地方都有風水, 只不過高明既你地唔識睇咁解

正解，最高明係要用左，化到氣，而你又唔知。唔洗下下擺塊八卦出黎比人睇

lm

聽聞賭場風水聽過係威尼斯條河，永利疊大紅燈

亦都聽聞陰宅風水好，條屍吸到地氣，成個墳頭會真空左，敲下塊地會郭郭聲，唔知堅定流

風水好，係要化。唔好，入水/不化。不化，就叫養屍地。

聽聞賭場風水聽過係威尼斯條河，永利疊大紅燈

亦都聽聞陰宅風水好，條屍吸到地氣，成個墳頭會真空左，敲下塊地會郭郭聲，唔知堅定流

流既。永利大紅燈係因為佢開八白門, 紅燈係九紫火, 九紫生八白咪旺丁又旺財囉, 門口兩棵樹係三碧, 纏哂燈咪又係火, 三碧生九紫咪又威又猛囉, 查實大把地方都有風水, 只不過高明既你地唔識睇咁解

正解，最高明係要用左，化到氣，而你又唔知。唔洗下下擺塊八卦出黎比人睇

如果賭仔要入去又唔想比佢風水影響到，可以點做？
都唔一定係賭場，其實商場都有

又或者我命好可以贏好多錢，不過個場用左風水，令我贏無咁多，又係唔係咁解？

見到隻偽哲學撚就覺嘔心
佢咁講法根本覺得西方哲學先叫學術
其他都唔入流 係神怪
哲學本來就應該開放自由
講人講宗教講社會講性唔同學派唔同學說
未了解就排斥係咩心態
呢種唯我獨尊心態真係哲學人大忌

蘇民峰個套係咪同呢門差唔多？見佢啲野講得都幾似，btw 換煮食爐真係可以換到屋企地運？

蘇民峰個套係咪同呢門差唔多？見佢啲野講得都幾似，btw 換煮食爐真係可以換到屋企地運？

op 第一頁都講到好白，蘇民峰啲野好流

蘇民峰個套係咪同呢門差唔多？見佢啲野講得都幾似，btw 換煮食爐真係可以換到屋企地運？

一部份
唔係換，係無衰野發生

地運唔係咁解

蘇民峰個套係咪同呢門差唔多？見佢啲野講得都幾似，btw 換煮食爐真係可以換到屋企地運？

一部份
唔係換，係無衰野發生

地運唔係咁解

可能我講錯，應該係六運轉七運個種