水晶撚入黎 (7)

想問埋如果想復合或者姻緣嘅帶咩好

草莓/月亮/紅紋

傻既先會去名石買水晶

依家後悔了

呢間不嬲賣平價低門級
我之前買過最滿意係條6.8mm紅紋 好紅 around$160
其他都還可以 真係一分價錢一分貨
宜家我轉左場去直播買 叫上善水晶
會睇得真啲 睇到有咩瑕疵 佢性價比好高
戀玲影相會收埋啲瑕疵位睇唔真
買過條太陽石改手圍果時先見到啲珠係崩既
不過90蚊就算數

不能同意更多 黑店嚟

直接回覆我都得啦 唔洗單單打打咁講咩有d人
我講既野的確太武斷 唔好意思
但係你邊個位可以睇字都知道我既語氣係好似得我識野咁
我都唔係咩專家
只係質疑所謂黑金超七係咪真係有 定係只係商家將次等既貨改個名當新野賣 畢竟香港都有唔少例子大家都知
我出發點都只係唔想呢到有人俾人呃

至於你話平有平買 貴有貴買 接近兩千一條水晶鍊相信對所有人黎講都唔係平 咁既價錢 買條打哂燈先睇到髮絲既鍊 你話抵買你話靚 我都駁你唔到 只能夠講靚唔靚真係見仁見智
如果有所謂黑金超七既證書睇既話 我同你/車仔檔道歉

想買紫水晶洞有冇好介紹？
另外有冇ching玩開班彩？

想能量好咪pristine 或者blue stone, 樓上有晶友推介過。
我自己喺pristine 買過係幾好，但水晶都要夾人，你摸上手有種好想擁有佢既感覺，咁就同佢有緣帶佢走啦

對我來說復合水晶最勁應該係紅紋
一有戴果日前度就會text我

啱啱變雙失青年 想買條粉水晶催下桃花同人緣 除左名石 應該去邊買 爬左文但都決定唔到

所以 佢話黑金超七有國際證書我都想睇下
就算普通超七出證書都唔會寫明超級七 最多會喺備註講：俗稱超級七 甚至冇講

拿，人地正面回應左，攞埋去驗啦
出左證書之後記得找數～～唔好潛水

車仔檔到底得罪人d乜 今次比人話係黑店，
上次係名石tg gp又比人老屈係藍店 明明黃到金，又捐錢又罷工

我啱啱都睇到
張證書原來唔平分分鐘仲貴過條水晶
車仔檔算係咁一樣質素真係平過其他鋪頭好多
早兩日去名石店睇，有一舊好似叫方解石嘅石頭賣$500幾末知折左末，我係車仔檔見過只係$1xx

其實我覺得大家反應都大左
你擺上黎都係想研究下
咁其實呢個post就係比人研究同討論水晶
或者講既語氣車仔檔店主會覺得好唔尊重佢
但其實大家都可能係無心去踩佢 唔洗怪自己既

原來咁貴！但始終呢個都係幾嚴重嘅指控
希望證書出左，可以還番個公道比佢地

其實啲鋪黎黎去去咪又係向同一堆供應商攞貨..
見果幾間成日差唔多時間出同一樣嘅貨，
一相比之下，車仔檔嘅價錢係良心價黎

其實咁樣係一個好機會證明佢賣嘅係真貨
有更多人會認識到黑金超七都係一件好事 ，本身大家都唔太熟始終有太多唔同類型水晶 ，無可能會識曬～
車仔檔今次用證書嘅錢唔少但換到聲譽我覺得都無壞嘅
起碼依家我覺得佢係真良心賣家！

咁到底咩叫黑金超七 驗出黎係超七咁係咪代表黑金超七唔係咩次等貨？驗左都唔會解答到
但無論如何都好 出黎既結果係超七 我都會道歉
我失言 話錯人有機會係黑銅髮扮超七
同時都想賠償返店主拎超七去驗既錢 希望知價既人報個價俾我
我再睇下可以點樣俾返錢店主
一定唔會走數