尋晚陶君行怒屌律師，被捕者點解收費要1佰80萬一宗案件

我對選舉係無乜期望
但好多淺黃係當左佢係一個出路，呢個係真

區選後靜左咁多 都會估到呢啲休息撚佔幾大比數

咁你想點？

人哋嘅專業值呢個價，俾折係人情，唔好咩都老馮咁

我叫人唔好言行不一，
大家會叫人唔好傳fake news 一樣。

唔想大家傳fake news ,係想點？
咪就係唔好傳fake news 有咩咁難明

律師：好平姐 都唔夠我食一餐
上庭幫你認罪求情唔洗錢？

3,40萬係計你搵個有質素少少嘅大狀喺裁判法院打幾日果啲細單嘢啊

暴動案去到區院閒閒地都要打2,30日
大狀嘅brief同refresher同裁判法院打幾日果啲係兩回事黎

不如咁講啦 用返黃店例子解釋法律支援個情況
假設香港有100間黃店食肆 每間可以提供50位手足嘅伙食
而運動嘅基金會向呢批黃店提供成本價嘅資助 部份黃店甚至連資助都唔收

咁只要需要伙食嘅手足少過5000人 呢個制度仲可以用成本價運作
但當人數超過呢個數 咁基金就要向非黃店食肆以市價購買伙食俾手足

香港打刑事嘅大狀其實係少數 專打民事先係業界主流
而打開刑事而又係黃底就更加少有 從政果批民主派大狀無乜邊個係打開刑事 十幾廿年無打開刑事嘅大狀肯免費幫你打 你都未必夠膽俾佢打啦

所以正如黃店食肆個例子 依家唔係堆黃店唔肯收順啲 而係根本無咁多黃店去應付手足嘅需求 個問題唔係出咗班律師度而係政府嘅濫捕濫告度啊

其實，律師收幾錢，係律師自己定價
按之前嘅case, 要打嘅時間同埋複雜程度，
180萬一單case係「公價」，呢點我信612嘅解釋。

但係

1.呢類案件，好多都可以合拼處理
10個，甚至20個，合併為1單嚟審，係常見嘅
即180萬隨時打到10個case 或更多，點解6.12要故意唔提呢點？

呢種泛民組織，點解要學政府嗰種公關，為咗包裝自己，而隱去對自己不利嘅事實？令到公眾愈嚟愈多疑問。


2.泛民，有幾多位黨員/甚至係議員，係律師？
佢哋有份幫手號召嘅行動，佢哋嘅支持者響應，然後比人拉咗，係用支持者籌返嚟嘅錢，比返呢班律師。

其他律師收公價，我無話可說
但泛民自己嘅律師仲要收公價？
義務打都唔過份吧
就係因為6.12有錢，所以就可以收公價？

義務打難d wor
啲律師唔收錢
啲細嘅都要出糧掛

所以應該係要收平啲,但係唔係唔收

其實你自己睇下612 收費表啦
所有過堂 / 開會 都係$6000一次 講緊搵個sc 幫你過堂都係6k
從來無律師收過正價
同埋612 係唔比打trial 唔好老屈律師收正價

公你老母

我知啊 咁點解佢拎「180萬」嚟兇人？
如果全部case 都係咁樣收費，最後會係180萬？

同埋，故意唔提合拼case, 講到好唔夠錢咁
繼續用呢個最大嘅抗爭基金，擺律師費係最大嘅優先次序？

合併審理同所有被告用同一個律師係兩回事
魚蛋案個別case有合併審理 但無一個被告選擇用共同律師去代表辯護
因為每個被告案情都唔同 代表晒多於一位嘅被告去辯護係一件好難嘅事

最重要係 幾位被告搵同一個律師去辯護唔等於只係需要俾一份律師費囉