其實連登真係要改改先入為主歪風
沈旭暉之前有篇文解釋過自己本身喺制度內有一定力量 令佢可以作為中間派吸納兩派意見同進言 所以佢要適時放下個人立場 甚至要有限度獻下媚去發揮自己呢個身位嘅功能 但運動中期佢發現自己呢個角色發揮作用不大 亦過唔到自己良心 所以決定都係正式歸邊 講自己心入面嗰算數
大家當然可以評價佢咁做係好定唔好 但必要嘅係掌握返個事實再評價 而唔係斷章取義 憑一兩件往事一刀切去定義一個人 我個人就認為 佢未必喺運動付出好多(至少佢冇特登Show畀人知)但憑佢嘅國際視野同史觀確實提供咗好值得參考嘅論述
作為一個由六前開始活躍兼而家傷咗嘅前線 我都會成日提自己除咗行動要勇武 思想更加要武裝 希望大家都可以