呢個世界無鬼唔死得人,中共年年幾十億穩維,點會無臥底滲透?
國師唔係鬼既話,就一定係癲既。鬼,唔一定一開始就係。人會變,月會圓。馮檢基十年前又點會想像到自己節墜到要做鬼?仲要做隻得150票既伍級鬼?
細良同沈旭暉係兩種TEXTURE既野
細良54歲,基層出身,中大歷史DERGREE,哲學MASTER畢業,31歲就受曾蔭權賞識入幕中央政策組頂練乙錚個位,其實一D都唔簡單,之後攪過主場新聞(立場前身),再攪網台城寨,唔算得好成功,但佔中計動期間靠其對形勢精準分析人氣急速冒起,一度成為NO.2人氣政治,KOL最近區議會選舉亦有盟友有十幾朗斬獲,典型靠後天奮鬥既人。
沈旭暉41歲書香世代+中產家庭成長,天才橫溢,皇仁仔,年紀輕輕就牛津國際政治博士,耶魯文學碩士,歷史DEGREE咩都齊,攪ROUNDTABLE,環遊過世界,上過無數節目,人緣極好的世界仔,大量粉絲,近年小小超都要請佢去公司做CEO定首朗顧問,能力絕對唔洗懷疑,而且極全面,典型平步青雲既天才+政界明星。如果你講呢樣覺得沈生高一級/半級,我同意。但太完美既人始終有缺憾,就係潔癖。
但如果請對運動既作用的話,我覺得大家差唔多。
我好鍾意用香港既韓信形容細良,因為佢真係精通「兵法」,能利用統計學、過往歷史、群眾心理、對人性既透徹、中共、港共官僚本質、意識形態分析時局,加上以前係政府做過幾年中策,對政廚內部瞭如指掌,對老共/政府D仆街野見招拆招,仲提過好多有效反擊戰術,亦分析過中大唔洗留守(理大一役客觀反映正確),仲有好多例子,好少計錯數。而且,佢係有身先士卒,同群眾一起走上街頭既親和力。有佢係度,係香港制度以內+民眾運動同港共周旋,有佢做軍師,其實幫助好大,可怕既係暫時佢既人氣未令到群眾對佢有咁大既信任住,但亦不遠。最後,聽過佢做節目都知,正正佢對人性陰暗面既透徹,呢種人一定好識捉心理,出到好多陰謀詭計。
而沈旭暉,就係張良,政治智慧同細良都同級,但外交真係嬴成條街。國際戰線如果佢肯出全力協助香港民間外交團(眾志,大專界),做幕後軍師,以佢既人脈同對國際政治既透徹,我敢講威力等於將架寶馬升LV做法拉利。而國際線既重要性唔需要多講,一定唔會低過街頭抗爭。不過可惜國際線好被動,肯唔肯我罪、制裁中國黎救你香港,真係無得監人乃厚,就好似歐盟呢班虛偽撚仆街仔咁。
但我相信你好難叫沈生走入群眾運場上街遊行,佢唔係呢TYPE,同埋或多或少都會有D潔癖,唔講粗口(唔講粗口都係過錯
),唔會太得失人,做事唔會做絕,會扣少少BUFF。對於做文宣,出POST凝聚人心,鼓勵同路人士氣呢D「內政」就絕對駕輕就熟,無問題的。
呢個就係我既睇法。